Proverbios 10:15 - Q'eqchi Bible

¹⁵ Li b'ihom naru tixkol rib' rik'in li xb'ihomal; a'ut li neb'a' maak'a' tixkol wi' rib'.

Li Santil hu

¹⁵ Li biom naru naxcol rib riqꞌuin lix biomal. Abanan li nebaꞌ ma̱cꞌaꞌ naru naxcol cuiꞌ rib xban nak ma̱cꞌaꞌ cuan re.

Proverbios 10:15 ပူးပေါင်းရင်းမြစ်များ

Proverbios 18:11

Sa' xch'ool li b'ihom naq li k'aru wank re a'an chanchan jun tenamit suttz'akanb'il chi us.

Proverbios 19:7

Li neb'a' natz'eqtaanaak xb'aaneb' li rech'alal; ma toja' ta chik ink'a' taakanab'aaq xjunes xb'aaneb' li ramiiw? Us ta naxtz'aama usilal chiruheb', ab'an eb' a'an maak'a' neke'raj re.

Salmos 52:7

Jo'kan naq li Yos tatxpitz'i, tixsach aawu chi junajwa, tatrisi sa' laawochoch jo' ajwi' sa' xna'ajeb' li yo'yookeb'.

Proverbios 14:20

Li neb'a' maajun napatz'ok re; li b'ihom k'ajo'eb' li ramiiw.

Eclesiastés 7:12

Li chaab'il na'leb' natenq'ank qe; jo'kan ajwi' li tumin. Ab'anan najtaq roq li qayu'am wi wank qachoxahil na'leb'.

1 Timoteo 6:17

Chatz'aama chiruheb' li b'ihom sa' li ruuchich'och' a'in naq me'xq'etq'eti rib' chi moko te'xk'ojob' xch'ool rik'in li b'ihomal li taa'oso'q, te'xk'ojob' b'an xch'ool rik'in li Yos li nak'ehok qe chi yo'oon chixjunil li k'a'aq re ru, re tqayal xsahil.

San Lucas 12:19

Toja' naq tinye re li linyu'am: Naab'al linb'ihomal k'uulanb'il cho'q re k'iila chihab'. Tinhilanq b'i', tinwa'aq, tin'uk'aq ut tinninq'ehiq».

San Marcos 10:24

Eb' li xtzolom naq ke'rab'i eb' li aatin a'in, sachsookeb' xch'ool ke'kanaak. Ab'an li Jesus ki'ok wi' chik chi aatinak ut kixye reheb': —Ex walal ink'ajol, k'ajo' xch'a'ajkil li ok sa' li xnimajwal awab'ejihom li Yos!

Jeremías 9:23

Jo'ka'in kixye li Qaawa': “Mixk'e xloq'al xjunes rib' li wank xna'leb' sa' xk'ab'a' naq wank xna'leb', chi moko chixnima rib' li wank xwankil, chi moko li b'ihom sa' xk'ab'a' li xb'ihomal.

Salmos 49:6

K'a'ut naq tinxiwaq sa' xq'ehil li rahilal, naq sutsuuqin xb'aaneb' li ink'a' useb' xna'leb',