Proverbios 10:1 - Q'eqchi Bible

¹ Xyehom laj Salomón: Li alalb'ej li wank xna'leb' naxsahob'res xch'ool li xna' xyuwa'; li kaw xjolom naxrahob'tesi xch'ooleb'.

Li Santil hu

¹ Aꞌaneb aꞌin li proverbios li quixye laj Salomón: Li alalbej li cuan xnaꞌleb naxqꞌue xsahil xchꞌo̱l lix naꞌ xyucuaꞌ. Abanan li alalbej li incꞌaꞌ naxtau xnaꞌleb naxqꞌue xrahil xchꞌo̱l lix naꞌ xyucuaꞌ.

Proverbios 10:1 ပူးပေါင်းရင်းမြစ်များ

Proverbios 1:1

A'an a'in xyehom laj Salomón, ralal laj David, awab'ej re Israel,

Proverbios 29:3

Li naxra li chaab'il na'leb', naxk'e sa sa' xch'ool li xyuwa'; ut li nawank rik'ineb' laj yumb'eet, naxb'atz'unle li xtumin.

Proverbios 17:25

Li alalb'ej maak'a' xna'leb' a'an xtib'l jolom ut rahil ch'oolej cho'q re li xna' xyuwa'.

Proverbios 29:15

Li rapok chi tz'uum ut li q'usuk nak'ehok na'leb'; ab'an li ink'a' natije'k, naxk'ut xxutaan li xna'.

Proverbios 15:20

Li alalb'ej li wank xna'leb' naxk'e xsahil xch'ool li xna' xyuwa'; a'ut li kaw xjolom naxtz'eqtaanaheb'.

Proverbios 17:21

Li wank ralal maak'a' xna'leb', junelik ra sa' xch'ool; li xyuwa' junaq mem maajoq'e tixtaw sahil ch'oolej.

Proverbios 19:13

Li alalb'ej maak'a' xna'leb' naxk'e xtib'l xjolom li xyuwa'; ut li ixaqilb'ej aj raaxiik' a'an kama' li okes na'ok sa' li kab'l.

Eclesiastés 12:9

Laj Ch'olob'anel a'an jun li winq kiwank xna'leb' ut kixtzoleb' chi us li tenamit. Kixk'e xch'ool chi xtz'ilinkil rix ut xtawb'al xyaalal chixjunil. Kixtz'iib'a ajwi' naab'al li tustuukil na'leb'.

Eclesiastés 2:19

Ani ta nanawok re, ma wanq xna'leb' malaj ut ink'a'? Ut rehaq a'an chixjunil li xintawasi wi' wib', a' li xinb'aanu rik'in xseeb'al ink'a'uxl. Relik chi yaal naq a'in ajwi' maak'a' rajb'al.

Proverbios 25:1

Eb' li aatin a'in yeeb'il ajwi' xb'aan laj Salomón, ut tusb'ileb' xb'aaneb' laj k'anjel chiru laj Esekías, li awab'ej re Judá.

1 Reyes 4:32

Lajeek'aal xwaqxaq o'q'ob' (3,000) chi jaljookil ru aatin ut oob' xjunlajuk'aal rox o'q'ob' (1,005) chi b'ich ke'tz'iib'aak xb'aan laj Salomón.

Proverbios 13:1

Li alalb'ej chaab'il xna'leb' naxpaab' li xyuwa'; a'ut li kaw xjolom ink'a' naxk'e sa' xch'ool li xq'usb'al.

Proverbios 27:11

Chaab'ilaq laana'leb', at walal, ut taasaho'q linch'ool; chi jo'kan tinruuq xsumenkil eb' li xik' neke'ilok we.

Proverbios 29:17

Tij laawalal ut sa tatwanq: a'an taak'ehoq xsahil laach'ool.