Proverbios 1:7 - Q'eqchi Bible

⁷ Li roxloq'inkil li Qaawa' a'an xtiklajik li chaab'il k'a'uxl; eb' li jip neke'xtz'eqtaana li tije'k ut li q'use'k.

Li Santil hu

⁷ Li ani ta̱raj ta̱cua̱nk xnaꞌleb, tento nak tixxucua ru li Ka̱cuaꞌ. Eb li ma̱cꞌaꞌeb xnaꞌleb nequeꞌxtzꞌekta̱na li cha̱bil naꞌleb ut nequeꞌxtzꞌekta̱na ajcuiꞌ lix kꞌusbaleb.

Proverbios 1:7 ပူးပေါင်းရင်းမြစ်များ

Li xHu LAJ JOB 28:28

Ut kixye reheb' li poyanam: “Wi laa'ex nikineepaab' ut neketz'eqtaana li maa'usilal, naraj naxye naq eetawom chik li choxahil na'leb'”.

Salmos 111:10

Li xtiklajik li choxahil na'leb' a'an roxloq'inkil li Qaawa'; q'axal wankeb' xna'leb' li neke'k'anjelank re a'an. Li Qaawa' a'an xk'ulub' naq taanimaaq ru chi junelik.

Eclesiastés 12:13

Tz'aqalaq li aatin. Ak xinye chixjunil. Chawoxloq'i li Yos ut paab' li xchaq'rab', xb'aan naq a'in naxk'ul wi' rib' chixjunil laatzolb'al.

Proverbios 9:10

Li roxloq'inkil ru li Qaawa', a'an xtiklajik li chaab'il na'leb'; wi nakanaw ru Li nim xsantilal, a'an reetalil naq seeb' aak'a'uxl.

Proverbios 15:33

Roxloq'inkil li Qaawa' nak'ehok chaab'il na'leb'. Ani taaraj taak'ehe'q xloq'al, tkub'si xb'enwa li xwankil.

Proverbios 18:2

Li maak'a' xna'leb' ink'a' naraj tzole'k; ka'ajwi' naraj xk'utb'al li k'aru naxk'oxla.

Proverbios 1:22

“Laa'ex li maak'a' eena'leb', jo' najtil chik teeraj wank sa' xmajelal leena'leb'? Ut laa'ex li nekeq'etq'eti eerib', jo' najtil chik texwanq sa' leeq'etq'etil? Ex jip, toj jo'q'e teekanab' xtz'eqtaanankil li chaab'il k'a'uxl?

Romanos 1:28

Ink'a' ke'raj xk'uulankil sa' xch'ooleb' li yaal chirix li Yos, jo'kan naq ke'q'axtesiik xb'aan li Yos sa' li xmaa'us aj k'a'uxeb' re te'xb'aanu li moko uxk naraj.

Proverbios 15:5

Li maak'a' xna'leb' naxtz'eqtaana li xtijb'al xb'aan li xyuwa'; a'ut li wank xna'leb' naxk'e sa' xch'ool li xq'usb'al.

Deuteronomio 4:6

Paab'omaq ut k'anjelahomaq ru, xb'aan naq a'an leechoxahil na'leb' ut leeseeb'al k'a'uxl chiruheb' li tenamit. Naq eb' a'in te'rab'i resil chixjunil li chaq'rab' a'in, te'xye: «Yaal naq li nimla tenamit a'in wank xchoxahil na'leb' ut xseeb'al xk'a'uxl», cha'qeb'.

Proverbios 2:5

Chi jo'kan taataw xyaalal li roxloq'inkil li Qaawa' jo' ajwi' taanaw ru A'an chi yaal.

Proverbios 15:32

Li ink'a' naraj q'use'k, ink'a' naxra rib'; a'ut li naxk'e sa' xch'ool li xq'usb'al, naxtaw xna'leb'.

Proverbios 23:9

Maak'e xchaab'il na'leb' li maak'a' xk'a'uxl, xb'aan naq yal tixse'e laachaab'il aatin xaye.