Proverbios 1:30 - Q'eqchi Bible

³⁰ Ink'a' xeraj rab'inkil li waatin chi moko xepaab' linq'usum.

Li Santil hu

³⁰ Incꞌaꞌ xeraj xcꞌulbal le̱ naꞌleb xinqꞌue e̱re. Xetzꞌekta̱na ban le̱ kꞌusbal li xinqꞌue.

Proverbios 1:30 ပူးပေါင်းရင်းမြစ်များ

Proverbios 1:25

Xetz'eqtaana b'an chixjunileb' li waatin ut ink'a' xeraj xk'ulub'ankil linq'usum.

Salmos 81:11

Laa'in li Qaawa', laaYos, laa'in kin'isink chaq aawe sa' li tenamit Ejiipt. Chate laawe, ut laa'in tinnujob'resi.

Jeremías 8:9

Eb' li wankeb' xna'leb' te'kanaaq sa' xutaan; taasachq xna'leb'eb' ut te't'ane'q sa' li xtik'ti'eb'. Xe'xtz'eqtaana li raatin li Qaawa': k'a' chik na'ok wi' li xna'leb'eb'?

Salmos 119:173

Chalqat chintenq'ankil rik'in laanim uq', xb'aan naq a' laawajom xk'ul linch'ool xpaab'ankil.

Salmos 119:111

Laataqlahom a'an tz'aqal li tweechani chi junelik; a'an xnimal xsahil li waanm.

Jeremías 36:23

Rajlal naq laj Jehudí naxyaab'asi oxib' malaj kaahib' tzol chi aatin, li awab'ej naxseti a'an chiru li xch'iich' laj tz'iib' ut naxkut sa' ru xam. Jo'kan kixb'aanu toj reetal kixchoy xk'atb'al li hu sa' li ru xam.

2 Crónicas 25:16

Toj yo ajwi' chi aatinak li propeet naq laj Amasías kixye re: “Ma xate'xxaqab' tab'i' cho'q aj k'ehol xna'leb' li awab'ej? Kanab' aatinak. Malaj taawaj naq tate'xkamsi?”. Ut li propeet kixye: “Laa'in ninnaw naq li Qaawa' xk'uub' xsachb'al aawu, xb'aan naq xab'aanu li ink'a' us ut ink'a' nakawaj rab'inkil li xinye aawe”. Ut kixkanab' aatinak.

Proverbios 5:12

Ut taaye: “K'a'ut naq ink'a' xinpaab' linq'usb'al? K'a'ut naq xintz'eqtaana lintzolb'al?