Proverbios 1:28 - Q'eqchi Bible

²⁸ “Toja' naq tineeb'oq, ab'anan laa'in ink'a' tinchaq'oq; tineesik', ab'anan ink'a' tineetaw.

Li Santil hu

²⁸ Saꞌ li cutan aꞌan tine̱ya̱ba raj chic. Abanan la̱in incꞌaꞌ texinsume. Tine̱sicꞌ raj chic, abanan incꞌaꞌ tine̱tau,

Proverbios 1:28 ပူးပေါင်းရင်းမြစ်များ

Miqueas 3:4

Jo'kan wi teeyaab'a xk'ab'a' li Qaawa', A'an ink'a' texxsume chaq. Chiruheb' li kutan a'an tixmuq rib' cheru xb'aan li maa'usilal xeb'aanu”.

Santiago 4:3

Nekextz'aamank ut ink'a' nekexk'uluk xb'aan naq ink'a' nekextz'aamank chi chaab'il: yal nekeraj xsachb'al chixjunil rik'in li k'aru naxrahi xb'aanunkil li tz'ejwalej.

Zacarías 7:13

Jo' naq eb' a'an ink'a' ke'raj wab'inkil naq keb'inb'oq, laa'in ink'a' ajwi' nawaj rab'inkil li neke'xtz'aama ut neke'relaji chiwu.

Jeremías 11:11

Jo'kan naq tintaqla chaq jun nimla rahilal sa' xb'eeneb' ut ink'a' te'xkol rib' chiru. Us ta japjo'qeb' re chi xpatz'b'al xtenq'ankileb' chiwu, ink'a' tin'ab'inq chiruheb'.

Isaías 1:15

Naq neketaqsi leeruq' chi tijok, nintz'ap li xnaq' wu re naq ink'a' texwil. Us ta neketiq roq leetij, laa'in ink'a' nawab'i, xb'aan naq oso'jenaq sa' kik' leeruq': k'ajo'eb' li poyanam kekamsi!

Li xHu LAJ JOB 27:9

Ma taa'ab'iiq tab'i' li xtij xb'aan li Qaawa' naq taachalq li rahilal sa' xb'een?

Jeremías 14:12

Us ta te'ayuuniq, ink'a' twab'i li xyaab' xkuxeb'. Us ta te'xq'axtesi we naab'al li k'atb'il mayej ut li xyeechi'omeb', ink'a' tink'ul chi sa sa' inch'ool, tinsach b'an ru li tenamit a'in rik'in q'esnal ch'iich', rik'in we'ej ut raxkamk”.

Salmos 18:41

xak'eheb' chi elelik li xik' neke'ilok we, ut xinjuk'eb' jo'k'ihaleb' li neke'tz'eqtaanank we.

Ezequiel 8:18

K'ajo' linjosq'il sa' xb'eeneb'! Ink'a' twil xtoq'ob'aal ruheb' chi moko tinkuy li xmaakeb'. Us ta te'xjap re chi xyaab'ankil link'ab'a', ab'an laa'in ink'a' twab'iheb'”, chan li Qaawa'.

Li xHu LAJ JOB 35:12

Neke'xpatz' xtenq'ankileb', ab'an li Qaawa' ink'a' nachaq'ok chaq, xb'aan naq ink'a' useb' xna'leb' ut q'etq'eteb'.

1 Samuel 8:18

K'ajo' naq taaraho'q eech'ool sa' li kutan a'an xb'aan li awab'ej xaqab'anb'il eeb'aan, ab'anan li Qaawa' ink'a' chik taarab'i leetij”, chan laj Samuel.

Proverbios 8:17

Laa'in ninraheb' li nake'rahok we; ut eb' li nikine'xsik' chi anchaleb' xch'ool, nikine'xtaw.

Génesis 6:3

Toja' naq kixye li Qaawa': “Ink'a' chik taawanq chi junajwa linmusiq' rik'ineb' li winq xb'aan naq yal tib'elejeb'. Ka'ajaq aj chik waqk'aal (120) chihab' li xyu'ameb'”.

Oseas 5:15

“Chirix chik a'an tinsutq'iiq wi' chik sa' linna'aj, toj reetal te'xk'e reetal li xmaakeb' ut toline'xsik'. Naq wanqeb' sa' rahilal, relik chi yaal naq toline'xsik'”.

Salmos 66:18

Wi ta wank li maa'usilal sa' li waanm, ink'a' raj xinrab'i li Qaawa'.

Proverbios 15:29

Li Qaawa' najt wank rik'ineb' li ink'a' useb' xna'leb'; ab'an naxk'ulub'a li xtijeb' li tiikeb' xch'ool.

Cantares 5:6

Xinte li kab'l chiru linrahom, ab'an ak xkoho chik linrahom, maa'ani chik. Xinkanaak chi sachso linch'ool naq xwab'i chi aatinak. Xinsik', ab'an ink'a' xintaw; xinb'oq, ab'an ink'a' xinxsume.

Oseas 5:6

Rochb'eeneb' li xkarneer ut li xwakaxeb' te'xsik' li Qaawa', ab'anan maab'ar te'xtaw xb'aan naq xrisi rib' sa' xyanqeb'.

Deuteronomio 1:45

Ut sa' leesutq'ijik chaq, kexyaab'ak chiru li Qaawa', ab'an li Qaawa' ink'a' kirab'i xyaab' leekux, chi moko kiraj rab'inkil.

Salmos 18:42

Chajchookeb' re chi xpatz'b'aleb' xtenq'aal, ab'anan maajun xkolok reheb'; xe'xyaab'a xk'ab'a' li Qaawa', ab'an ink'a' xsumeheb' li xtij.

Amós 8:12

Toja' naq eb' li poyanam te'xb'eeni rib' chi xsik'b'al li raatin li Qaawa' chalen chire li palaw jun toj chire li jun chik; te'elq sa' xjayal releb'l iq' toj sa' li na'elk wi' chaq li saq'e, ab'an ink'a' te'ruhanq chi xtawb'al.