Oseas 9:12 - Q'eqchi Bible

¹² Us ta toxe'xk'iiresi junaq ralal xk'ajol, laa'in tinmaq'oq re chiruheb'. Ra chaalel sa' xb'eeneb' li poyanam a'an naq teb'inkanab' laa'in!

Li Santil hu

¹² Ut cui ta teꞌni̱nka̱nk li ralal xcꞌajol, la̱in tebinmakꞌ chiruheb. Tokꞌobak ruheb nak tebincanab la̱in, chan li Ka̱cuaꞌ.

Oseas 9:12 ပူးပေါင်းရင်းမြစ်များ

Oseas 7:13

“Ra chaalel sa' xb'eeneb' li xe'kanab'ank we. Tz'eqtaananb'ilaqeb' xb'aan naq xe'xjipi rib' chiwu. Laa'in teb'inkol raj, a'ut eb' a'an tik'ti' chik neke'xye chiwix.

Oseas 9:16

Kamk re laj Efraín, chanchan aj chik li chaqiche' li ink'a' chik na'uuchink. Us ta te'wanq ralal xk'ajoleb', laa'in tink'e chi kamk li xmaataneb'”.

Deuteronomio 32:25

Sa'eb' li b'e talaje'kamsiiq li ralal xk'ajol rik'in ch'iich', ut k'ajo'aq li xiwak sa' li rochocheb'. Jun kamikaqeb' chixjunileb', jo' saaj winq jo' saaj ixq, jo' k'uula'al jo' cheekel winq.

Deuteronomio 31:17

Ab'an laa'in tinjosq'o'q rik'ineb', teb'inkanab' xjuneseb' ut tinmuq li wu chiruheb'. K'ajo' li rahilal ut ch'a'ajkilal taachalq sa' xb'eeneb'! Sa' li kutan a'an te'xye: «Ma ink'a' tab'i' yooko chi xk'ulb'al eb' li rahilal a'in xb'aan naq maak'a' chik li qaYos qik'in?», cha'qeb'.

Oseas 9:13

Nink'e reetal naq eb' li ralal xk'ajol laj Efraín chanchaneb' wi' li xtzak eb' li neke'yohok: teneb'anb'il kamk sa' xb'eeneb'”.

Lamentaciones 2:20

Il, at Qaawa', ut k'e reetal: ani xarahob'tesi jun sutaq chi jo'ka'in? Eb' li na'b'ej okeb' re chi xtiwb'al li xk'uula'aleb'; eb' laj tij jo'wi' eb' li propeet kamkeb' re sa' laaloq'laj ochoch.

Jeremías 15:7

Xinchiileheb' laawalal aak'ajol rik'in li rahilal naq xwisiheb' sa' li xna'ajeb'; maajun chik li ralal xk'ajol lintenamit xinkanab' sa' li xmuheb'aal: xinsacheb' ru xb'aan naq ink'a' xe'xkanab' li ink'a' usil b'e.

Li xHu LAJ JOB 27:14

Us ta naab'alaqeb' li ralal xk'ajol, te'oso'q chi q'esnal ch'iich' ut maajoq'e toxe'wanq xtzekemqeb'.

2 Reyes 17:23

Toja' naq li Qaawa' kixtz'eqtaanaheb' laj Israel, jo' yeeb'il chaq chi xtz'uumal reheb' li propeet aj k'anjeleb' chiru: eb' laj Israel ke'isiik sa' li xna'ajeb' ut ke'k'ame'k sa' li tenamit Asiria chalen toj anaqwan.

2 Reyes 17:18

K'ajo' naq kijosq'o'k li Qaawa' rik'ineb' laj Israel ut kirisiheb' chi xnaq' ru. Ka'aj chik laj Judá kikanaak rik'in.

1 Samuel 16:14

Li xmusiq' li Qaawa' kixkanab' laj Saúl ut jun li ink'a' usil musiq'ej taqlanb'il chaq xb'aan li Qaawa' kirahob'tesink re.

Jueces 4:16

Ut laj Barak kiraanilasiheb' li b'eleb'aal ch'iich' ut eb' laj puub' toj Jaróset-Hakohín. Chixjunileb' laj puub' re laj Sísara ke'kamsiik chi ch'iich' ut maajun kikanaak chi yo'yo.

Deuteronomio 28:32

Eb' laawalal ut eb' laarab'in te'q'axtesiiq re jalan chik tenamit, ut taawil rik'in xnaq' aawu: wulaj wulaj taawaj raj rilb'aleb' wi' chik ru, ab'an maak'a' chik truuq taab'aanu.

Números 26:65

xb'aan naq xyehom li Qaawa' naq te'kamq sa' li chaqich'och'. Maajun kikanaak chi yo'yo; ka'ajwi' laj Kaleb, ralal laj Jefuné, ut laj Josué, ralal laj Nun, ke'kole'k.

Jeremías 6:8

Chik'ajq aawu, a Jerusalén; mare anchal tatinkanab' aajunes, jo'kaqat li chaqich'och'; chi maajun chik aapoyanamil tatkanaaq”.

Malaquías 2:12

A' taxaq li Qaawa' Yos chixsachaq ru sa' qayanq li taab'aanunq re a yib' aj na'leb' a'in, us ta testiiw malaj aj tzolonel, us ta naxk'am chaq xmayej chiru li Nimajwal Yos.

Números 14:34

Chiru ka'k'aal kutan xeyal eeq'e chi xk'eeb'al reetal chanru li tenamit. Chiru ka'k'aal chihab' ajwi' teeriiqani leemaak, junq chihab' te'xtoj rix li junq kutan. Chi jo'kan teenaw k'aru naxk'ul li ani naxq'etq'eti rib' chiwu».

Deuteronomio 28:18

Tz'eqtaananb'ilaqeb' ajwi' laawalal aak'ajol ut li ru rawimq laach'och', eb' li ral laawakax ut eb' li ral laakarneer.

Lamentaciones 2:22

At Qaawa', yalaq b'ar xab'oqeb' chaq li rahilal, xe'chalje'k li ch'a'ajkilal chanchaneb' li b'oqb'ileb' chaq sa' junaq ninq'e. Sa' xkutankil li xjosq'il li Qaawa' maajun x'elelik chi moko xkole'k li xyu'am: eb' li xink'iiresiheb' ut li xinch'oolaniheb' xe'kamsije'k xb'aaneb' li xik' neke'ilok we.