Oseas 9:10 - Q'eqchi Bible

¹⁰ Jo'ka'in xye li Qaawa': “Naq kintaw laj Israel, kisaho'k linch'ool jo' naq natawmank li uub' sa' li chaqich'och'. Kisaho'k linch'ool rik'ineb' leena' leeyuwa' jo' naq natawmank li xb'een ru li ki'il q'een. Ab'an naq ke'wulak aran Bahal-Pehor, ke'xq'axtesi rib' reheb' li yal k'oxlanb'il yos, ut q'axal tz'eqtaananb'ileb' chik ke'kanaak jo'eb' li pek che' raarookeb' xb'aaneb'.

Li Santil hu

¹⁰ Joꞌcaꞌin quixye li Ka̱cuaꞌ: —Junxil kꞌaxal xsahoꞌ inchꞌo̱l riqꞌuineb laj Israel. Quisahoꞌ inchꞌo̱l riqꞌuineb joꞌ nak nasahoꞌ xchꞌo̱l junak chirilbal li cha̱bil uvas saꞌ tikcual chꞌochꞌ. Chanchan rilbal li xbe̱n ru li cha̱bil higos saꞌ xkꞌehil nak nau̱chin lix cheꞌel. Abanan nak queꞌco̱eb Baal-peor, queꞌxjal xnaꞌlebeb ut queꞌrisi ribeb cuiqꞌuin ut queꞌxtiquib xba̱nunquil li xuta̱nalil naꞌleb. Ut lix yibal ru lix naꞌlebeb, chanchan lix yibal ru li jalanil dios li queꞌxlokꞌoni.

Oseas 9:10 ပူးပေါင်းရင်းမြစ်များ

Oseas 4:14

Ab'an laa'in ink'a' tinrahob'tesiheb' leerab'in xb'aan li yumb'eetak chi moko leeralib' xb'aan xmuxb'al li xsumlajikeb', xb'aan naq laa'ex ajwi' nekexxik chi maakob'k rik'ineb' laj yumb'eet, ut nekexmayejak eerochb'eeneb' li ixq li neke'yumb'eetak sa'eb' leetijob'aal; ut lintenamit li maak'a' xna'leb'eb' yookeb' chi sachk.

Jeremías 11:13

K'ajo' xyoseb' laj Judá jo' xk'ihaleb' li xtenamit; ut li xk'ihal li x'artaleb' laj Jerusalén re k'atok k'ajpom chiruheb' laj Bahal, kama' li xk'ihaleb' li b'e wank aran.

Miqueas 7:1

Toq'ob' xaq wu, chanchanin aj chik li nasakonink chirix xq'ehil li q'olok, ut ink'a' chik nintaw in'uub' chi moko in'iig; ink'a' chik nintaw ruheb' li awimq li q'axal nawulak chiwu.

Oseas 2:15

Aran tink'e chaq wi' chik li x'uub'; li xtaq'ahil Akor tkanaaq cho'q nimla sahilal, ut tinraatina wi' chik jo' chaq sa' li xsaajilal, jo' naq ki'elk chaq Ejiipt.

Ezequiel 20:8

«A'ut eb' a'an ke'q'etq'eto'k chiwu ut ink'a' ke'raj inpaab'ankil. Maajun reheb' a'an kixtz'eqtaana li xjalanil yos nab'alaq'ink reheb', chi moko kixkanab' xb'aanunkil li xmaa'usilaleb' laj Ejiipt. Toja' naq kink'oxla risinkil linjosq'il sa' xb'eeneb' ut xrahob'tesinkileb' sa' li tenamit Ejiipt xb'aan xmay linch'ool.

Amós 4:5

K'atomaq leewa li ink'a' yuub'il, cho'q re b'anyoxink, ut yalaq b'ar yehomaq resil leemayej li x'alaak sa' eech'ool xyeechi'inkil, xb'aan naq a'an li nawulak cheru xb'aanunkil, ex ralal xk'ajol laj Israel”, chan li Qaawa'.

Oseas 11:1

“Naq toj saaj chaq laj Israel, q'axal kinra, ut toj Ejiipt kinb'oq chaq li walal.

Jeremías 31:2

Jo'ka'in kixye li Qaawa': “Sa' li chaqich'och' kiwil xtoq'ob'aal ru li tenamit li kikole'k chiru li kamk. Naq laj Israel yo xsik'b'al jun li na'ajej taahilanq wi',

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

Isaías 28:4

Ut li sahob' u yiib'anb'il rik'in tz'umjenaqil uutz'u'uj ut xaqxo sa' xb'een li ru taq'a k'ajo' xq'emal, taasache'q kama' li xb'een ru awimq li sa' junpaat nalowe'k xb'aan li naxokok re xb'enwa.

Salmos 81:12

“A'ut lintenamit ink'a' xrab'i xyaab' linkux, eb' laj Israel ink'a' xe'raj ab'ink chiwu.

1 Reyes 16:31

Ink'a' kitz'aqlok re xb'aanunkil li xmaakeb' laj Jerobohán, ralal laj Nebat; kixk'am aj b'an wi' cho'q rixaqil lix Jesabel, xrab'in laj Itobahal, awab'ej re Sidón, ut ki'ok chi k'anjelak chiru li jalanil yos, Bahal xk'ab'a', ut kixloq'oni ru.

Jueces 6:32

Chalen sa' li kutan a'an, Yerubahal chik kiyehe'k re laj Jedehón, ut neke'xye: “Chixkolaq rib' laj Bahal, xb'aan naq xjuk'e'k li x'artal!”.

Deuteronomio 32:17

Ke'mayejak chiruheb' li maa'us aj musiq'ej, moko chiru ta li Yos: chiruheb' li yal k'oxlanb'il yos li ink'a' xnawomeb' ru junxil, ak'eb', tojo' xe'chalk, ink'a' loq'oninb'ileb' chaq xb'aaneb' li xna' xyuwa'eb'.

Deuteronomio 32:10

Li Qaawa' kixtaw laj Jakob sa' li chaqich'och', sa' junesal na'ajej b'arwi' k'ajo' li wo'teek; ut kixxok, kixch'oolani rilb'al ut kixk'uula chi us kama' tawi' xsa' li ru.

Deuteronomio 4:3

Laa'ex xeril tz'aqal rik'in leeru li k'aru xb'aanu li Qaawa' rik'in laj Bahal-Pehor, jo'ch'inal jo'nimal xe'xk'ul chixjunileb' li xe'taaqenk re a'an: li Qaawa' leeYos xsacheb' ru chixjunileb', ut maak'a'eb' chik anaqwan sa' eeyanq.

Números 15:39

Te'wanq xmach li raq'eb', re naq jo'q'e te'ril, taanaq sa' xch'ooleb' chixjunil li xchaq'rab' li Qaawa'. Chi jo'kan te'xpaab' ut ink'a' te'xb'aanu li naraj xch'ooleb' chi moko taaxik xch'ooleb' chirix li k'aru neke'ril, a' li tz'aqal neke'xmux wi' rib'eb'.

Romanos 6:21

Ab'an k'aru xera chaq rik'in a k'a'aq re ru a'in li nekexxutaanak wi' anaqwan? Xb'aan naq a' li kamk nakoxraqe'q wi'.

Salmos 115:8

Kama'aqeb' ajwi' a'an li xe'yiib'ank reheb', jo'k'ihaleb' li k'ojk'ookeb' xch'ool rik'ineb'.

Jeremías 3:24

Li xloq'oninkil li jalanil yos xsachok re li k'aru reheb' li qana' qayuwa' chalen chaq sa' li qasaajilal: eb' li qakarneer, li qawakax ut eb' li qalal qak'ajol.

Jeremías 24:2

Sa' jun chakach q'axal chaab'il li iig wank chisa' jo' tz'aqal li xb'een ru li awimq; ab'an sa' li jun chik ink'a' us li iig wank chisa', tik ink'a' chaab'il ut ink'a' naru xtzekankil.

Oseas 4:18

Xb'aan li kalaak chixjunileb' neke'raj xmuxb'al rib' ut ink'a' chik neke'xkol rix li xloq'aleb': a' chik li Tz'i'b'eetal nawulak chiruheb'.

Números 18:13

Jo'kan ajwi' chixjunil li xb'een ru li awimq li na'elk chiru li ch'och' ut neke'xk'e re li Qaawa', tink'eheb' aawe. Chixjunileb' li ink'a' muxb'ileb' sa' laawochoch naru te'xtzeka.

2 Reyes 17:11

Aran ke'k'atok pom sa' chixjunileb' li tijob'aal, jo' neke'xb'aanu li tenamit li ke'isiik sa' xna'ajeb' xb'aan li Qaawa' chiruheb' laj Israel. Ke'xb'aanu li ink'a' us ut ke'xchiq' xjosq'il li Qaawa'.

Cantares 3:6

K'aru a'an li yo chaq chi taqe'k sa' li chaqich'och', chanchan wi' li sib' nab'utz'utz'nak, sa' xyanq xsib'el li miir ut k'ajpom, jo'wi' rik'in xb'ook li k'iila paay chi sununkil b'an?

Jeremías 3:25

Qakub'siiq b'i' li qawankil xb'aan qaxutaan, ut chookanaaq chi maak'a' chik qaloq'al, xb'aan naq xoomaakob'k chiru li Qaawa' li qaYos, chalen chaq sa' li qasaajilal, laa'o ut eb' li qana' qayuwa'. Ink'a' xoo'ab'ink chiru li Qaawa' li qaYos”.

Oseas 13:5

Laa'in kinch'oolanink chaq aawe sa' li chaqich'och', b'arwi' maak'a' nayo'laak.