Oseas 8:6 - Q'eqchi Bible

⁶ Li wakax xeyiib' laa'ex aj Samaria, moko Yos ta; a'an yal xyiib'ahom laj tenol ch'iich', ut taaputz'iiq chi junwaakaj.

Li Santil hu

⁶ Aꞌan moco dios ta. Yal yi̱banbil xban jun laj tenol chꞌi̱chꞌ re Israel. Li cuacax oro li nequeꞌxlokꞌoni aran Samaria ta̱puqꞌui̱k.

Oseas 8:6 ပူးပေါင်းရင်းမြစ်များ

Hechos 19:26

ab'anan yookex chi rilb'al ut chi rab'inkil resil naq moko ka'aj ta wi' arin Éfeso, sa' aj b'an wi' naab'aleb' chi tenamit, kach'in chik maa chixjunil Asia, laj Pablo a'in naxq'unb'esi ut naxpo' xch'ooleb' naab'al chi winq ut ixq, rik'in xyeeb'al naq maawa' yoseb' li neke'yiib'aak rik'in uq'ej.

Hechos 17:29

Wi laa'o elenaqo chaq rik'in li Yos, ink'a' truuq taaqak'oxla naq li Yos chanchan ta li oor, li plaat malaj li pek, yiib'anb'ileb' rik'in xseeb'al ruq' ut xk'a'uxl li winq.

Habacuc 2:18

K'aru aj e li xjalam u junaq k'oxlanb'il yos? A'an yal jalanil yos, aj b'alaq'; a'an yal xb'aanuhom junaq aj peech'. Ma naru tixk'ojob' xch'ool li xyiib'ank re? Xb'aan naq eb' li yiib'anb'il yos ink'a' neke'aatinak.

Oseas 10:2

Jachjo li xch'ooleb', ut anaqwan te'xtoj rix li xmaakeb'. Li Qaawa' tixjuk'i eb' li artal ut tixputz'i eb' li jalanil yos.

Jeremías 50:2

“Yehomaq ut puktesihomaq li esil a'in sa'eb' li tenamit; k'ehomaq chi nawe'k ut mik'a' eemuq: «Xchapmank li tenamit Babilonia! Xkanaak sa' xutaan li yos Bel ut nasiksotk li yos Marduk xb'aan xxiw. Maak'a' chik na'ok wi' eb' li xjalanil yos, xlaje'sache'k chixjunileb'».

Jeremías 10:14

Chixjunileb' li poyanam jwal jipeb' ut maak'a' neke'xnaw; eb' laj tenol ch'iich' neke'kanaak sa' xutaan xb'aaneb' li xyoseb', xb'aan naq eb' li jalam u li neke'xyiib', a'an yal tik'ti' ut maak'a' xyu'ameb'.

2 Crónicas 31:1

Naq kiraqe'k chixjunil a'an, chixjunileb' laj Israel li wankeb' aran, koheb' sa'eb' li tenamit sa' xteepal Judá; ke'xjori eb' li pek neke'xloq'oni jo' Yos, ke'xputz'i eb' li xjalam u lix Aserá ut ke'xjuk'i eb' li tijob'aal wankatqeb' chi tzuul jo' ajwi' eb' li artal sa' xteepal Judá, Benjamín, Efraín ut Manasés, toj reetal ke'xsacheb' chi junajwa. Chirix chik a'an, ke'sutq'iik chixjunileb', chi xjunqal sa' li xna'ajeb' ut sa' li xtenamiteb'.

2 Reyes 23:19

Laj Josías kixjuk'eb' ajwi' eb' li tijob'aal li wankatqeb' chi tzuul sa' xteepal Samaria, xyiib'ahomeb' li awab'ej re Israel, naq ke'xyoob' xjosq'il li Qaawa'. Kixjuk'eb' jo' tz'aqal kixb'aanu reheb' li wankeb' Betel.

2 Reyes 23:15

Kixjuk' ajwi' li artal wank Betel ut li tijob'aal li wank chi tzuul, xyiib'ahom laj Jerobohán, ralal laj Nebat, naq kixk'ameb' xb'eheb' laj Israel chi maakob'k. Kixk'at li tijob'aal, kixpuk'iheb' li pek toj reetal kixkanab' jo' pojtz', ut kixk'at li xjalam u lix Aserá.

Jeremías 48:13

Toja' naq Mohab taaxutaanaq xb'aan laj Kemós, li xyos, jo' naq ke'xutaanak eb' laj Israel xb'aan Betel, li q'axal ke'xkawu wi' xch'ooleb'.

Oseas 13:2

Ut toj yookeb' ajwi' chi maakob'k anaqwan! Neke'xha'lesi li plaat re xyiib'ankileb' li jalanil yos; neke'xyiib' li xjalam uheb' jo' chanru neke'raj: chixjunil a'an yal xk'uub'ahom junaq aj tenol ch'iich' ut neke'xye naq yos, neke'mayejak chiru ut neke'xtz'ub' li xjalam u jun li wakax!

Oseas 14:3

Eb' laj Asiria ink'a' naru nokoohe'xkol, chi moko too'eleliq chirixeb' li kawaay; ink'a' chik tqaye «At qaYos» re li xqak'uub' rik'in quq', xb'aan naq ka'ajwi' aawik'in, at Qaawa', naxtaw ruxtaanankil ru li neb'a'yox”.

2 Crónicas 13:8

Ut anaqwan laa'ex teeraj xq'etq'etinkil eerib' chiru li x'awab'ejihom li Qaawa' li wank sa' ruq'eb' li ralal xk'ajol laj David, yal xb'aan naq jwal naab'alex ut wank eerik'in eb' li wakax yiib'anb'ileb' rik'in oor, li xk'ehom eere laj Jerobohán cho'q eeyos.

Miqueas 1:7

Chixjunileb' li xyiib'anb'il yos taaputz'imanq, ut taak'atmanq jo'nimal tamresinb'il rik'in li jo'maajo'il b'aanuhom. Tinjuk' chixjunileb' li yal k'oxlanb'il yos, xb'aan naq yiib'anb'ileb' rik'in xtojb'aleb' laj yumb'eet, ut a'an wi' chik tinkanab'eb' wi'!”.