Oseas 8:4 - Q'eqchi Bible

⁴ “Xe'xxaqab' x'awab'ejeb' chi ink'a' xe'xye we; xe'xsik' ruheb' laj jolominel chi ink'a' ninnaw laa'in. Xe'xpak' xyoseb' rik'in li oor ut li xplaateb' yal re xsachb'aleb' rib' xjuneseb'.

Li Santil hu

⁴ Queꞌxxakab lix reyeb, abanan ma̱cuaꞌ la̱in xinsicꞌoc reheb. Queꞌxxakab li nequeꞌtaklan saꞌ xbe̱neb, abanan yal xjuneseb queꞌxba̱nu xban nak incꞌaꞌ queꞌxpatzꞌ cue ani teꞌxxakab. Queꞌxyi̱b lix dioseb riqꞌuin oro ut plata ut aꞌan ajcuiꞌ ta̱qꞌuehok reheb chi sachecꞌ.

Oseas 8:4 ပူးပေါင်းရင်းမြစ်များ

Oseas 13:2

Ut toj yookeb' ajwi' chi maakob'k anaqwan! Neke'xha'lesi li plaat re xyiib'ankileb' li jalanil yos; neke'xyiib' li xjalam uheb' jo' chanru neke'raj: chixjunil a'an yal xk'uub'ahom junaq aj tenol ch'iich' ut neke'xye naq yos, neke'mayejak chiru ut neke'xtz'ub' li xjalam u jun li wakax!

Oseas 2:8

“Ab'an a'an ink'a' naxnaw naq laa'in ajwi' nink'ehok re li xtriiw, li xb'iin ut li xchaab'il aseeyt; laa'in xink'ehok re naab'al li xplaat ut li x'oor li xyiib'ahom wi' laj Bahal.

1 Reyes 16:31

Ink'a' kitz'aqlok re xb'aanunkil li xmaakeb' laj Jerobohán, ralal laj Nebat; kixk'am aj b'an wi' cho'q rixaqil lix Jesabel, xrab'in laj Itobahal, awab'ej re Sidón, ut ki'ok chi k'anjelak chiru li jalanil yos, Bahal xk'ab'a', ut kixloq'oni ru.

Gálatas 4:9

A'ut anaqwan xenaw ru li Yos, malaj a'an b'an xnawok eeru laa'ex. Chan put ru naq texsutq'iiq wi' chik rub'el xwankil li k'a'aq re ru a'in li maak'a' xkawilal ut maak'a' na'ok wi'? K'a'ut naq teeraj xk'anjelankil wi' chik?

San Juan 10:14

“Laa'in li chaab'il aj k'aak'alenel, ut nekeb'innaw ru linkarneer ut eb' li we neke'xnaw wu,

1 Reyes 12:28

Jo'kan naq laj Jerobohán kixpatz' xna'leb', kixyiib' wiib' xjalam u saaj wakax yiib'anb'ileb' rik'in oor, ut kixye reheb' li tenamit: “Tz'aqalaq li xik chi mayejak aran Jerusalén. A'an a'in laayos, at Israel, li ki'isink chaq aawe sa' li tenamit Ejiipt”.

San Lucas 13:27

A'ut a'an tixye eere: «Ink'a' ninnaw b'ar xexchal chaq. Elenqex chiwu chejunilex aj b'aanuhom maa'usilal!».

San Lucas 13:25

Naq taaxaqliiq chaq laj eechal kab'l ut toxtz'ap li okeb'aal, laa'ex li wanqex chirix kab'l teetikib' b'oqok sa' li okeb'aal: «Qaawa', te li kab'l chiqu», cha'qex. Ut a'an taachaq'oq chaq ut tixye eere: «Ink'a' ninnaw eeru b'ar chalenaqex».

San Mateo 25:12

A'ut a'an kixsumeheb' ut kixye: «Relik chi yaal ninye eere, ink'a' ninnaw eeru».

Ezequiel 18:31

Kanab'omaq chixjunil li maa'usilal xineemajewa wi' ut ak'aq chik leech'ool, ak'aq chik leemusiq'. K'a'ut naq nekeraj kamk, ex aj Israel?

1 Reyes 13:34

Li yib' aj b'aanuhom a'in kik'amok re laj Jerobohán chi maakob'k jo' ajwi' eb' li ralal xk'ajol. A'an ajwi' xyaalal naq kisache'k li xjunkab'al chi junajwa sa' xb'een li ruuchich'och'.

Jeremías 16:20

Ma naru naq li winq tixyiib' junaq xyos? Moko yoseb' ta li xb'aanuhomeb' a'an”, cha'qeb'.

Daniel 3:1

Laj Nabukodonosor kixk'e chi yiib'aak jun li jalam u oor, wan b'eleelaju moqoj li xteram ut oxlaju k'utub' li xnimal ru, ut kixye naq chixaqab'aaq sa' xtaq'ahil Duur, sa' xteepal Babilonia.

Oseas 8:3

A'ut eb' laj Israel xe'xtz'eqtaana li usilal chaab'ilal; jo'kan naq eb' li xik' neke'ilok reheb' te'xkut rib' sa' xb'eeneb'.

Oseas 13:1

Naq neke'aatinak eb' laj Efraín junxil, chixjunileb' neke'xiwak. K'eeb'il xwankileb' sa' xyanqeb' laj Israel. Ab'an ke'maakob'k naq ke'xloq'oni laj Bahal; jo'kan naq ke'kamk.

Oseas 13:11

Sa' linjosq'il kink'e laa'awab'ej, ut xb'aan linjosq'il kiwisi wi' chik chawu.