Oseas 8:13 - Q'eqchi Bible

¹³ Nawulak chiruheb' li mayejak: mayejaqeb' ut xtzekaaqeb' li tib' mayejanb'il! Ab'an laa'in li Qaawa' ink'a' sa inch'ool rik'ineb': jultik we li maa'usilal xe'xb'aanu, ut tinrahob'tesiheb' xb'aaneb' li maak xe'xb'aanu rik'in xtaqlankileb' wi' chik Ejiipt.

Li Santil hu

¹³ Nequeꞌxmayeja li xul chicuu ut eb aꞌan ajcuiꞌ li nequeꞌtzacan re. La̱in incꞌaꞌ nacuulac chicuu lix mayejeb xban nak najulticoꞌ cue li ma̱usilal nequeꞌxba̱nu. Joꞌcan nak re xtojbal rixeb lix ma̱c, ta̱cha̱lk li raylal saꞌ xbe̱neb. Chanchan li raylal li queꞌxcꞌul nak cuanqueb chak Egipto.

Oseas 8:13 ပူးပေါင်းရင်းမြစ်များ

Oseas 9:9

Q'axal xnumtaak leemaa'usilal, jo' keb'aanu chaq aran Kibehá. A'ut li Qaawa' junelik wank sa' xch'ool leemaa'usilal, ut texk'e chi xtojb'al rix leemaak.

Oseas 9:6

Ilomaq: eb' li tenamit xe'elelik xb'aan li rahilal; eb' laj Ejiipt te'k'uluq reheb' ut aran Menfis te'muqlaaq. K'aamla taamuquq re li xb'ihomaleb' ut junes pajl te'yo'laaq sa' li xmuheb'aaleb'.

Amós 8:7

Li Qaawa', li naxnimob'resi wi' rib' laj Israel, kixye sa' jurament: “Maajoq'e taasachq sa' inch'ool chixjunil leeb'aanuhom”.

Amós 5:22

Wi nekemayeja leek'atb'il xul ut leeyeechi'om, laa'in ink'a' tink'ul; chi moko nawulak chiwu naq nekemayeja leeninqi wakax chirix li k'amok ib' sa' usilal.

Oseas 11:5

ab'anan ink'a' ke'raj sutq'iik wik'in. Jo'kan naq tento te'sutq'iiq wi' chik Ejiipt, ut eb' laj Asiria te'awab'ejinq sa' xb'eeneb'.

Oseas 5:6

Rochb'eeneb' li xkarneer ut li xwakaxeb' te'xsik' li Qaawa', ab'anan maab'ar te'xtaw xb'aan naq xrisi rib' sa' xyanqeb'.

Jeremías 14:10

Jo'ka'in kixye li Qaawa' chirix li tenamit Israel: “Li tenamit a'in q'axal nawulak chiru xb'eeninkil rib' yalaq b'ar; ink'a' neke'hilank junpaataq. Jo'kan naq moko sa ta sa' inch'ool chirixeb'. Anaqwan ok we chi xjultikankil li xmaakeb' ut tink'eheb' chi xtojb'al rix a'an”.

Isaías 1:11

“K'aru aj e we leek'iila mayej? Jwal xintitz'k xb'aan leekarneer nekek'at chiwu, ut ninyib' li xk'iila xeeb'ul leewakax. Li xkik'eleb' li wakax ut eb' li chib'aat ink'a' nawulak chiwu.

Deuteronomio 28:68

Li Qaawa' tatxk'am wi' chik Ejiipt, sa' jukub', sa' li b'e b'arwi' xyehom aawe: «Ink'a' chik taawil ru». Ut aran laa'ex teek'ayi eerib' reheb' li xik' neke'ilok eere, re naq texkanaaq cho'q aj mun winq ut aj mun ixq. Ab'anan maajun taaloq'oq eere”.

Apocalipsis 16:19

Li Nimla Tenamit oxib' jachal ki'elk, ut li xtenamiteb' li ruuchich'och' kilaje't'ane'k; ut kinaqk chaq sa' xch'ool li Yos li nimla Babilonia re xk'eeb'al chi ruk'eb' li jun sek' chi b'iin wan wi' li xnimal xjosq'il.

1 Corintios 11:29

Xb'aan naq ani nawa'ak na'uk'ak chi ink'a' naxk'e xloq'al li xtz'ejwal li Qaawa', nawa'ak ut na'uk'ak cho'q re li xtojb'amaak.

1 Corintios 11:20

Naq nekech'utub' eerib' sa' komonil, maawa' chik xtzekankil li xloq'laj wa li Qaawa' nekeb'aanu,

Oseas 12:11

Eb' laj Galahad wankeb' xmaak; jo'kan naq teb'insach. Aran Kilkal neke'mayejak wakax; jo'kan naq li x'artaleb' chanchanaqeb' li pek li neke'kanaak chi tub'tu sa' li awimq”.

Oseas 7:16

Xkoho xch'ooleb' chirixeb' li yal k'oxlanb'il yos, chanchaneb' li yokosil xna' simaj li maak'a' aj e. K'ajo' naq neke'xye laj k'amol xb'eheb': jo'kan naq te'kamsiiq chi q'esnal ch'iich' ut se'leb'aal te'kanaaq wi' xb'aaneb' laj Ejiipt.

Oseas 7:2

Ink'a' neke'xk'oxla naq jultik we li xmaakeb'. Ut anaqwan tz'aptz'ookeb' sa' li maak, junelik wank chiwu li xmaa'usilaleb'.

Oseas 4:9

Ab'an juntaq'eet te'xk'ul laj tij rik'ineb' li tenamit: tink'eheb' chi xtojb'al li xmaakeb' ut teb'inq'ajkamu jo' chanru li xyehom ut xb'aanuhomeb'.

Proverbios 21:27

Li Qaawa' naxtz'eqtaana li xmayejeb' li ink'a' useb' xch'ool. Ma toja' ta chik naq yal kab' rix xch'ooleb' naq neke'xk'e?

1 Samuel 15:22

Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.

Éxodo 32:34

Ayu ut k'ameb' li tenamit b'arwi' xinye aawe; k'amolb'ehaq chawu lin'ánjel. Ab'an naq taawulaq xq'ehil, tinrahob'tesiheb' xb'aan naq xe'maakob'k”.

Éxodo 20:3

“Miwank jalan chik aayos chiwu laa'in.

San Lucas 12:2

Maak'a' wank chi moymo li ink'a' ta taa'elq chi kutankil, chi moko wank k'aru chi muqmu li ink'a' ta taanawmanq.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

Jeremías 6:20

K'aru na'ok wi' we li k'ajpom re Sabá ut li sununkil b'an chalenaq sa' najtil tenamit? Laa'in ink'a' nawulak chiwu leek'atb'il mayej chi moko naxk'ul wu li k'a'aq chik ru nekeyeechi'i we”.

Ezequiel 29:16

Ut eb' laj Israel ink'a' chik te'xkawu xch'ool chirixeb' laj Ejiipt, te'xk'e b'an reetal naq moko us ta xe'xb'aanu naq xe'xpatz' xtenq'ankileb' rik'ineb'. Toja' naq te'xnaw naq laa'in li Qaawa'»”.

Oseas 7:11

Laj Efraín jo' jun li mukuy maak'a' xna'leb', ink'a' naxnaw k'oxlak: naxpatz' xtenq'ankil re Ejiipt ut naxik rik'ineb' laj Asiria.

Oseas 9:7

Ak xwulak xkutankil li raaxiik'; xwulak chik xq'ehil li xtojb'al rix leemaak! Eb' laj Israel tento te'xnaw a'an. Laa'ex nekeye: “Maak'a' xna'leb' li propeet. Li xtaql li Yos xkaano'k ru”, chankex. Ab'an nekeye chi jo'kan, xb'aan naq numtajenaq leemaa'usilal ut q'axal xik' nikineril.

Oseas 6:6

Li nawoyb'eni eerik'in, a'an naq tineera, ut maawa' junes mayejak. Maak'a' aj e naq nekek'at leemayej chiwu laa'in wi ink'a' nekek'e inloq'al jo' Yos.

Amós 3:2

“Ka'ajwi' laa'ex xinsik' eeru sa' xyanqeb' chixjunileb' li tenamit sa' ruuchich'och'. Jo'kan naq texink'e chi xtojb'al rix leek'iila maak”.