Oseas 7:2 - Q'eqchi Bible

² Ink'a' neke'xk'oxla naq jultik we li xmaakeb'. Ut anaqwan tz'aptz'ookeb' sa' li maak, junelik wank chiwu li xmaa'usilaleb'.

Li Santil hu

² Incꞌaꞌ nequeꞌxcꞌoxla nak la̱in yo̱quin chixqꞌuebal retal lix ma̱usilaleb. La̱in nacuil nak li ma̱c yo̱ chi numta̱c saꞌ xbe̱neb.

Oseas 7:2 ပူးပေါင်းရင်းမြစ်များ

San Lucas 12:2

Maak'a' wank chi moymo li ink'a' ta taa'elq chi kutankil, chi moko wank k'aru chi muqmu li ink'a' ta taanawmanq.

Salmos 90:8

Laa'at nakanaw chixjunil li qamaak. Li k'aru xqab'aanu chi muqmu, kutan saqenk chik chawu laa'at.

Amós 8:7

Li Qaawa', li naxnimob'resi wi' rib' laj Israel, kixye sa' jurament: “Maajoq'e taasachq sa' inch'ool chixjunil leeb'aanuhom”.

Jeremías 14:10

Jo'ka'in kixye li Qaawa' chirix li tenamit Israel: “Li tenamit a'in q'axal nawulak chiru xb'eeninkil rib' yalaq b'ar; ink'a' neke'hilank junpaataq. Jo'kan naq moko sa ta sa' inch'ool chirixeb'. Anaqwan ok we chi xjultikankil li xmaakeb' ut tink'eheb' chi xtojb'al rix a'an”.

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

Oseas 9:9

Q'axal xnumtaak leemaa'usilal, jo' keb'aanu chaq aran Kibehá. A'ut li Qaawa' junelik wank sa' xch'ool leemaa'usilal, ut texk'e chi xtojb'al rix leemaak.

Jeremías 32:19

Sachb'ach'oolej rilb'al laak'anjel ut q'axal nim laawankil chi xb'aanunkil. Kutan saqenk chawu chixjunil li xb'aanuhomeb' li poyanam, re xq'ajkamunkil li junjunq jo' chanru xk'ulub' li xyehom ut xb'aanuhom.

Jeremías 16:17

Xb'aan naq kutan saqenk chiwu chixjunil li xb'aanuhomeb', nawil li xmaakeb' ut nink'e reetal chi us li xmaa'usilaleb'.

Jeremías 4:18

“Laana'leb' ut laab'aanuhom xk'amok chaq re li rahilal a'in sa' aab'een; li maa'usilal xwulak li xmay toj sa' laawaanm, xb'aan naq xaq'etq'eti aawib' chiwu”.

Isaías 5:12

Junes aarp, kitaar, tzojtzoj, xolb' ut b'iin nawank junelik sa' li xninq'eheb'; ab'anan ink'a' neke'ril li xb'aanuhom li Qaawa', chi moko neke'xk'e reetal li xk'anjel li Yos.

Salmos 25:7

Ink'a' taxaq chiwanq linmaak sa' laawaanm jo'wi' li ink'a' us li kinb'aanu sa' linsaajilal. Chinnaq sa' aach'ool xb'aan laawuxtaan, jo' chanru xnimal laarahom, at Qaawa'.

Salmos 9:16

Eb' li tenamit xe'sub'e'k sa' li jul ke'xyiib', ut eb' li roq xe't'il sa' li ra'al ke'xmuq.

Oseas 8:13

Nawulak chiruheb' li mayejak: mayejaqeb' ut xtzekaaqeb' li tib' mayejanb'il! Ab'an laa'in li Qaawa' ink'a' sa inch'ool rik'ineb': jultik we li maa'usilal xe'xb'aanu, ut tinrahob'tesiheb' xb'aaneb' li maak xe'xb'aanu rik'in xtaqlankileb' wi' chik Ejiipt.

Isaías 1:3

Li b'ooyx naxnaw ru laj eechal re, ut li b'uur naxnaw b'ar nachalk li xtzekemq. A'ut laj Israel maak'a' naxnaw, maak'a' xna'leb' lintenamit”.

Salmos 50:22

“Chetawaq xyaalal laa'ex li nikineetz'eq chirix leech'ool: mare anchal texint'upi ut maajun taakoloq eere.

Li xHu LAJ JOB 34:21

Li Yos naril ut naxnaw jo'ch'inal jo'nimal naqab'aanu.

Deuteronomio 32:29

Wi ta wank xna'leb'eb', te'xtaw raj ru, te'xk'e raj reetal k'aru te'oso'q wi'.

Números 32:23

Ab'anan wi ink'a' teeb'aanu chi jo'kan, chenawaq naq xexmaakob'k chiru li Qaawa' ut li maak a'an nakanaak sa' eeb'een chi junajwa.

Isaías 44:19

Maak'a' neke'xk'oxla, maak'a' xnawomeb' chi moko neke'xtaw xyaalal re xyeeb'al: “Xink'at li xtoqolal li che', xinyiib' linwa, xinpomok tib' sa' ru xxamlel ut xinwa'ak. Chiru li rela' li che' xinyiib' jun li tz'i'b'eetalil yos, ut anaqwan yookin chi xloq'oninkil yal jun kurul chi che'!”.

Isaías 26:16

At Qaawa', xatqasik' naq yooko chi k'uluk rahilal ut ink'a' chik naqakuy li qarahob'tesinkil aab'aan.

Jeremías 17:1

“Li xmaak laj Judá tz'iib'anb'il rik'in ch'iich', aw'o chi us sa' li xch'ool kaaxtinb'il rik'in ru'uj li lemtz'ilpek, ut let'exinb'ilatq sa' xxuk eb' li x'artal.

Jeremías 44:21

“Ma ink'a' tab'i' naxnaw li Qaawa' malaj naxk'e reetal naq laa'ex jo'wi' eb' leena' leeyuwa', eb' li awab'ej, eb' li xjolomileb' li tenamit ut chixjunileb' li wankeb' sa' li ruuchich'och', xexyeechi'ink k'ajpom chiruheb' li jalanil yos sa'eb' li tenamit re Judá ut sa'atqeb' li b'e re Jerusalén?

Oseas 4:9

Ab'an juntaq'eet te'xk'ul laj tij rik'ineb' li tenamit: tink'eheb' chi xtojb'al li xmaakeb' ut teb'inq'ajkamu jo' chanru li xyehom ut xb'aanuhomeb'.

Oseas 9:15

Jo'ka'in ajwi' xye li Qaawa': “Chixjunil li xmaa'usilaleb' kik'utunk aran Kilkal; aran ajwi' kintikib' xxik'b'al rilb'aleb'. Xb'aan li xyib'al ru xb'aanuhomeb' te'wisiheb' sa' linmuheb'aal ut ink'a' chik tinraheb', xb'aan naq jwal q'etq'eteb' chixjunil laj k'amol xb'eheb'.

Oseas 12:2

Li Qaawa' yo chi jitok chirixeb' laj Judá, ut tixk'eheb' chi xtojb'al rix li xmaakeb' laj Jakob, tixk'e xq'ajkamunkileb' jo' chanru li xyehom ut xb'aanuhomeb'.

Jonás 1:2

“Kawresi aawib' ut ayu Nínive, li xnimal ru tenamit, ut ye reheb' naq chalk re li tojb'amaak sa' xb'eeneb', xb'aan naq toj wik'in xwulak resil li xmaa'usilaleb'”.

Salmos 10:11

Naxye sa' xch'ool: “Li Yos ink'a' chik nak'oxlak, ink'a' na'ilok, maajaruj tixnaw a'in”, chan.

Ezequiel 21:29

Moko yaal ta li k'aru neke'ril sa' moy u ut junes tik'ti' li neke'xye naq neke'q'ehib'k. Te'kamsiiq chi q'esnal ch'iich' eb' a reemaaru aj maak a'an. Ak xwulak xkutankil li xtojb'al rix li xmaakeb'.

Oseas 6:2

Sa' wiib' kutan tixk'e wi' chik qayu'am, ut sa' rox li kutan tooxwaklesi wi' chik re naq wanqo rik'in.