Oseas 7:14 - Q'eqchi Bible

¹⁴ Moko anchaleb' ta xch'ool naq neke'tz'aamank chiwu naq yookeb' chi tz'uyink chiru li xch'aateb'. Yal re xtz'aamankil li triiw ut li b'iin naq neke'xlet'exi li xtib'eleb'. Chi jo'kan xe'xq'etq'eti rib' chiwu.

Li Santil hu

¹⁴ Incꞌaꞌ xeꞌtzꞌa̱man chicuu chi anchaleb xchꞌo̱l nak japjo̱queb re saꞌ lix cuariba̱l. Nak xeꞌxchꞌutub ribeb chixtzꞌa̱manquil lix cua rucꞌaheb, xeꞌxkꞌetkꞌeti ribeb chicuu.

Oseas 7:14 ပူးပေါင်းရင်းမြစ်များ

Santiago 4:3

Nekextz'aamank ut ink'a' nekexk'uluk xb'aan naq ink'a' nekextz'aamank chi chaab'il: yal nekeraj xsachb'al chixjunil rik'in li k'aru naxrahi xb'aanunkil li tz'ejwalej.

Jeremías 3:10

Chirix chixjunil a'an, laj Judá, laj b'alaq', ink'a' ajwi' kisutq'iik chaq wik'in chi anchal xch'ool, junes rik'in b'an b'alaq'il”, chan li Qaawa'.

Filipenses 3:19

Ab'an li xraqikeb' a'in, a'an li sachk; li xyoseb' a'an li xsa'eb'; neke'xnimob'resi rib' sa' li xutaanalil na'leb' neke'xye neke'xb'aanu, ut ka'ajwi' li k'a'aq re ru wank sa' ruuchich'och' neke'reek'a xsahil.

Zacarías 7:5

“Ye reheb' chixjunil li tenamit jo'wi' reheb' laj tij chi jo'ka'in: «Laa'ex nekex'ayuunik ut nekexyaab'ak chiru li ro' ut xwuq po chalen chaq lajeeb' xkaak'aal chihab' toj anaqwan; ab'an moko nekeb'aanu ta a'an re inloq'oninkil laa'in.

Amós 2:8

Sa'eb' ajwi' li tijob'aal neke'xsotob' rib'eb' chiruheb' li t'ikr li xe'xpatz' cho'q ruuchil li to' tumin, ut neke'uk'ak b'iin chiru xtuminal li toj sa' li wochoch.

Isaías 29:13

Li Qaawa' kixye we chi jo'ka'in: “Li tenamit a'in yal chi aatin neke'nach'ok wik'in ut nikine'roxloq'i yal rik'in xtz'uumal reheb'; a'ut li xch'ooleb' najt wank wik'in. Maak'a' aj e naq neke'xloq'oni wu, xb'aan naq li k'aru neke'xk'ut chiruheb' li tenamit a'an yal xtaqlahomeb' li winq.

Miqueas 2:11

Wi wan junaq propeet li taayehoq tik'ti' eere: “Teeruk' naab'al li b'iin ut li ha' nakaltesink”, cha'aq, a'an tz'aqal li propeet nekeraj rab'inkil; a'an tz'aqal xk'ulub' li tenamit a'in.

Isaías 65:14

eb' laj k'anjel chiwu te'b'ichanq chi sa sa' xch'ooleb', ut laa'ex teejap eere chi yaab'ak ut chi q'oqonk, chi k'ajo'aq xmay ut xyot'ik leeraanm.

Jueces 9:27

Eb' a'in koheb' sa' li xna'aj awimq chi sik'ok uub' ut ke'xyatz' re risinkil li xya'al. Chirix chik a'an ke'xtikib' ninq'ehik ut ke'ok sa' rochoch li xyoseb'. Ke'wa'ak, ke'uk'ak ut ke'xmajewa laj Abimélek.

Santiago 5:1

A'ut anaqwan, ex b'ihom, yaab'anqex ut tz'uyinqex xb'aan li rahilal chalk re sa' eeb'een.

Romanos 16:18

xb'aan naq eb' a'an ink'a' neke'xk'anjela ru li Kriist li Qaawa', a' chik li xsa'eb' neke'xk'anjela ru, ut rik'in chaab'il q'unil aatin neke'xb'alaq'i li q'uneb' xch'ool sa' xpaab'aaleb'.

Amós 8:3

Sa' li kutan a'an, eb' li ixq li neke'b'ichank sa' rochoch li awab'ej te'xb'icha rahil b'ich -chan li Qaawa' Yos-. Naab'aleb' li poyanam te'kamq ut maak'a'aq aatinak naq toxe'kutiiq yalaq b'ar”.

Oseas 13:16

Eb' laj Samaria te'xtoj rix li xmaakeb' xb'aan naq ke'xq'etq'eti rib' chiru li Qaawa' li xYoseb'. Te'kamsije'q chi q'esnal ch'iich', eb' li ralal xk'ajol te'pik'aje'q chiru ch'och' ut eb' li ixq wankeb' sa' yu'am te'jachmanq chi ch'iich'”.

Oseas 3:1

Li Qaawa' kixye wi' chik we: “Ayu wi' chik ut chara jun li ixq aj muxul sumlaak, jalan chik winq naxra. Jo'ka'in naq li Qaawa' naxraheb' laj Israel, us ta eb' a'in neke'xik chirixeb' li jalanil yos ut neke'xtzeka li k'uluj yiib'anb'il rik'in chaqi uub', li mayejanb'il chiruheb' li xyoseb'”.

Isaías 52:5

Ut anaqwan k'aru yookin chi xk'ulb'al arin -chan li Qaawa'- xb'aan naq lintenamit xe'k'ame'k chi munil chi maak'a'eb' xmaak? Eb' li neke'numtaak sa' xb'eeneb' neke'xjap reheb' chi q'etq'eteb' ut rajlaleb' kutan chinmajewankil.

Éxodo 32:6

Sa' li kutan jun chik, toj hik'ho, ke'wakliik ut ke'xyeechi'i xmayejeb' ut k'atb'il xul. Moqon eb' li tenamit ke'chunlaak chi wa'ak chi uk'ak, ut chirix a'an ke'wakliik chi xajok ut chi maakob'k.

Lamentaciones 2:18

Tijon chiru li Yos, at xnimal ru tenamit Sión. Kanab' chi elk li xya'al laawu jo' jun nima', chi q'eq ut chi kutan. Mathilank ut maakanab' yaab'ak!

Oseas 8:2

Chi japjookeb' re xe'chalk wik'in chi xyeeb'al: «Naqanaw naq laa'at li xYos laj Israel», chankeb'.

Oseas 13:6

“Ab'an naq ke'wa'ak ut ke'nujak, kiq'etq'eto'k chik li xch'ooleb' ut kine'xtz'eqtaana.

Jeremías 12:2

Laa'at xat-awok reheb' jo'eb' li che', ut eb' a'an neke'xchap xxe' ut neke'uuchink. Laak'ab'a' junelik wank chi xtz'uumal reheb', ab'an li xch'ooleb' najt wank aawik'in.

Oseas 13:9

“At Israel, ani taatenq'anq aawe sa' laasachik?