Oseas 7:13 - Q'eqchi Bible

¹³ “Ra chaalel sa' xb'eeneb' li xe'kanab'ank we. Tz'eqtaananb'ilaqeb' xb'aan naq xe'xjipi rib' chiwu. Laa'in teb'inkol raj, a'ut eb' a'an tik'ti' chik neke'xye chiwix.

Li Santil hu

¹³ Tokꞌob xak ruheb xban nak xineꞌxtzꞌekta̱na la̱in. Raylal ta̱cha̱lk saꞌ xbe̱neb xban nak xeꞌxkꞌetkꞌeti ribeb chicuu ut yal xcab rix xchꞌo̱leb nak xineꞌxlokꞌoni. La̱in xcuaj raj xcolbaleb, abanan eb aꞌan incꞌaꞌ xeꞌraj.

Oseas 7:13 ပူးပေါင်းရင်းမြစ်များ

Oseas 9:12

Us ta toxe'xk'iiresi junaq ralal xk'ajol, laa'in tinmaq'oq re chiruheb'. Ra chaalel sa' xb'eeneb' li poyanam a'an naq teb'inkanab' laa'in!

Oseas 11:12

“Eb' laj Efraín junes tik'ti' neke'xye we, eb' laj Israel junes b'alaq'il na'leb' neke'xk'ut chiwu. A'ut eb' laj Judá toj nikine'xtaaqe, toj kaweb' xch'ool chi paab'ank.

Apocalipsis 8:13

Chirix chik a'an kiwil ut kiwab'i jun li t'iw yo chi xik'ank taqe'q sa' xyi li choxa, kaw xyaab' xkux naq kixye: “Rahilal, rahilal, rahilal sa' xb'eeneb' li wankatqeb' sa' ruuchich'och', sa' xk'ab'a' xyaab'eb' li tronpeet li okeb' re chi xyaab'asinkil eb' li oxib' chik chi ánjel!”.

1 Juan 1:10

Wi naqaye naq ink'a' xoomaakob'k, naqak'e li Yos cho'q aj tik'ti' ut li Raatin moko wank ta qik'in.

San Mateo 23:37

“At Jerusalén, Jerusalén, li nakakamsiheb' li propeet ut nakakuteb' chi pek li taqlanb'ileb' chaq aawik'in! K'ajo' naq xwaj raj xch'utub'ankileb' laawalal aak'ajol, kama' junaq kaxlan naxkupuheb' li ral rub'el li xxik', ut ink'a' xeraj!

Miqueas 6:4

Laa'in kin'isink chaq aawe Ejiipt, katinkol chaq chiru li wank chi munil ut kintaqlaheb' cho'q aj k'amol b'e laj Moisés, laj Aharón ut lix María.

Jonás 1:10

Laj Jonás kixye ajwi' naq elelik yo chiru li Qaawa'. Ut naq eb' laj b'eresinel jukub' ke'ril naq li palaw q'axal chik yo chi kawuuk roq, k'ajo' naq ke'xiwak ut ke'xpatz' re: “K'a'ut naq xab'aanu a'in? K'aru tqab'aanu aawe re naq taach'anaaq ru li ha'?”, chankeb' re.

Jonás 1:3

Ab'anan laj Jonás kixkawresi rib' re elelik chiru li Qaawa' ut koho Jope, ut aran kixtaw jun li jukub' xik xik re Tarsis. Kixtoj li xxikik ut ki'ok chisa' re wulak Tarsis, najt rik'in li Qaawa'.

Oseas 11:2

A'ut naq q'axal kinra, jwal kixnajtob'resi chik rib' wik'in: lintenamit neke'mayejak chiruheb' laj Bahal ut neke'xk'at xpom chiruheb' li jalanil yos.

Oseas 9:17

Li tenamit a'in ink'a' xe'paab'ank chiru li Qaawa'; jo'kan naq te'tz'eqtaanaaq xb'aan linYos ut yal te'xb'eeni aj chik rib' sa'atqeb' li jalanil tenamit.

Oseas 7:3

Rik'in li maa'usilal ut li b'alaq'ik neke'xb'aanu neke'xsahob'resi xch'ooleb' li awab'ej ut li ninqeb' xwankil.

Oseas 7:1

“Naq nawaj raj xk'irtasinkil lintenamit ut xkolb'aleb' li walal ink'ajol aj Israel, nak'utunk li xmaakeb' laj Efraín ut li xmaa'usilaleb' laj Samaria. Xb'aan naq chixjunileb' neke'b'alaq'ik; neke'okje'k sa'eb' li ochoch chi elq'ak ut junch'oleb' chik li poyanam yookeb' chi elq'ak sa' b'e.

Ezequiel 34:6

Xe'sachje'k sa'eb' li k'iche' ut sa'atqeb' li tzuul, xe'xcha'cha'i rib' sa' chixjunil li ruuchich'och', chi maajun napatz'ok reheb' chi moko xkoheb' chi xsik'b'al.

Ezequiel 18:25

Ut wi laa'ex teeye: «Moko us ta naxb'aanu li Qaawa'», ab'ihomaq, ex aj Israel: Ma ink'a' us li ninb'aanu? Ma ink'a' tab'i' laa'ex li ink'a' us yookex xb'aanunkil?

Ezequiel 18:2

“K'a'ut naq junelikex chi xyeeb'al li jaljookil ru aatin a'in sa' xteepal Israel: «Eb' li na'b'ej yuwa'b'ej xe'xk'ux li al uub'; ut eb' li alal k'ajolb'ej xulum aj chik li ruuch reheb'»?

Ezequiel 16:23

«Toq'ob' aawu, ra chaalel sa' aab'een -chan li Qaawa' Yos-. Xb'aan xnumtajenaqil laamaa'usilal

Lamentaciones 5:16

X'oso'k li qaloq'al; toq'ob' qu li xoomaakob'k!

Jeremías 42:20

Yookex chi xb'alaq'inkil eerib' eejunes, xb'aan naq laa'ex ajwi' xexyehok we: «Tijon chiqix chiru li Qaawa' laaYos, re naq tixk'ut chiqu li b'e tooxik wi' ut k'aru li tqab'aanu».

Jeremías 14:10

Jo'ka'in kixye li Qaawa' chirix li tenamit Israel: “Li tenamit a'in q'axal nawulak chiru xb'eeninkil rib' yalaq b'ar; ink'a' neke'hilank junpaataq. Jo'kan naq moko sa ta sa' inch'ool chirixeb'. Anaqwan ok we chi xjultikankil li xmaakeb' ut tink'eheb' chi xtojb'al rix a'an”.

Isaías 63:8

Li Qaawa' kixye: “Relik chi yaal naq a'aneb' lintenamit, a'aneb' li walal li maajoq'e tine'xb'alaq'i”. Ut A'an kikolok reheb'

Isaías 59:13

Xqamajewa ut xqatz'eqtaana li Qaawa', ink'a' xqaj xtaaqenkil li qaYos; ka'ajwi' li maa'usilal ut li raaxiik' xqak'oxla xb'aanunkil, ut junes b'alaq'ik x'alaak sa' qach'ool.

Isaías 43:1

Anaqwan, jo'ka'in kixye li Qaawa', laj yoob'tesihom aawe, a Israel, laj winqob'resihom aawe, a Jakob: “Matxiwak xb'aan naq laa'in xatinkol; laa'in xink'ehok laak'ab'a', wehat chik.

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

Isaías 31:1

Ra chaalel sa' xb'eeneb' li neke'xik Ejiipt chi xpatz'b'al xtenq'ankileb', eb' li neke'xk'ojob' xch'ooleb' chirix li xk'iila kawaayeb' ut b'eleb'aal ch'iich'eb', eb' li kaweb' xch'ool xb'aan naq naab'aleb' naq neke'b'eek chirix kawaay, ab'anan ink'a' neke'xsik' li Qaawa' ut maak'a' royb'enihomeb' rik'in li xSant laj Israel.

Salmos 106:10

Kixkoleb' chiruheb' li ke'raj xrahob'tesinkileb'; kixmaq'eb' sa' ruq'eb' li xik' neke'ilok reheb'.

Li xHu LAJ JOB 22:17

Xe'xye re li Yos: “Elen arin! K'aru tixb'aanu qe li Nimajwal Yos?”, chankeb'.

Nehemías 1:10

“At Qaawa', laa'o aj k'anjel chawu; misachk sa' aach'ool naq laa'o laatenamit li xakoleb' rik'in xnimal aawankil ut aametz'ew.

Deuteronomio 15:15

Jultikaq aawe naq laa'at katwank chaq chi munil sa' li tenamit Ejiipt ut li Qaawa' laaYos ki'ach'ab'ank aawe. Jo'kan naq laa'in nink'e aawe li chaq'rab' a'in anaqwan.

Jeremías 7:15

Texwisi chi xnaq' wu jo' kinb'aanu junxil reheb' li ralal xk'ajoleb' laj Efraín, leerech'alal».

Jeremías 51:9

Ak xqab'an Babilonia, ab'an ink'a' xk'iraak. Qakanab'aq ut li junjunq xikaq sa' li xtenamit, xb'aan naq li xmaa'usilal xwulak toj sa' choxa ut xnawmanje'k toj sa' xb'eeneb' li choql.

Miqueas 6:12

Chixjunileb' li b'ihom sa' li tenamit a'in aj rahob'tesineleb'; ut eb' li tenamit aj tik'ti'eb' ut aj b'alaq'eb'.

Isaías 30:1

Ra chaalel sa' xb'eeneb' li q'etq'et aj aleb', chan li Qaawa', li neke'xk'uub' li k'aru neke'raj, chi ink'a' neke'xpatz' we, ut neke'xk'ojob' sumwank li ink'a' inyehom reheb'. Jo'kan naq yo chi tamk li xmaakeb'.

Isaías 30:2

Neke'xik Ejiipt chi ink'a' neke'xye we; neke'xpatz' xtenq'ankileb' re laj Parahón ut neke'xsik' xkolb'aleb' rub'el xwankil Ejiipt.

Oseas 5:7

Xe'xtz'eqtaana li Qaawa' ut xe'xsiya eb' li yal sik'b'il k'uula'al. Jo'kan naq chiru jun po te'sache'q ru rochb'eeneb' li rawimqeb'.