Oseas 7:11 - Q'eqchi Bible

¹¹ Laj Efraín jo' jun li mukuy maak'a' xna'leb', ink'a' naxnaw k'oxlak: naxpatz' xtenq'ankil re Ejiipt ut naxik rik'ineb' laj Asiria.

Li Santil hu

¹¹ Eb li ralal xcꞌajol laj Efraín chanchaneb li mucuy ma̱cꞌaꞌ xnaꞌleb. Incꞌaꞌ naxnau cꞌoxlac. Xbe̱n cua nequeꞌxpatzꞌ xtenkꞌanquil riqꞌuineb laj Egipto ut nequeꞌxpatzꞌ ajcuiꞌ riqꞌuineb laj Asiria.

Oseas 7:11 ပူးပေါင်းရင်းမြစ်များ

Oseas 12:1

Eb' laj Efraín maak'a' xyaalal li neke'xb'aanu; rajlal kutan neke'xsik' xtenq'ankileb' sa' jalanil tenamit. Nanumtaak li xtik'ti'eb' ut li elq'ak neke'xb'aanu, neke'xk'e rib' sa' aatin rik'ineb' laj Asiria ut neke'k'amok aseeyt aran Ejiipt”, chan li Yos.

Oseas 5:13

“Naq laj Efraín tixk'e reetal li xyajel ut laj Judá taaril li xtiq'ilal, toja' naq laj Efraín taaxik Asiria ut laj Judá tixpatz' xtenq'ankil re li nimajwal awab'ej; ab'an a'an ink'a' taaruhanq chi xk'irtasinkileb' chi moko xb'anb'aleb'.

Oseas 11:11

“Jo'eb' li kok' xul naq te'chalq chaq Ejiipt, jo'eb' li mukuy naq te'elq chaq Asiria. Ut laa'in teb'ink'e chi hilank sa' li rochocheb'”, chan li Qaawa' Yos.

Oseas 4:11

“Li ko'b'eetak ut li b'iin neke'sachok na'leb'.

Oseas 9:3

Eb' laj Efraín te'sutq'iiq wi' chik Ejiipt ut aran Asiria te'xtzeka li k'aru ink'a' us xtzekankil. Ink'a' chik te'wanq sa' li xch'och' li Qaawa'.

Oseas 14:3

Eb' laj Asiria ink'a' naru nokoohe'xkol, chi moko too'eleliq chirixeb' li kawaay; ink'a' chik tqaye «At qaYos» re li xqak'uub' rik'in quq', xb'aan naq ka'ajwi' aawik'in, at Qaawa', naxtaw ruxtaanankil ru li neb'a'yox”.

Jeremías 2:36

K'a'ut naq sa' junpaat nakajal laana'leb'? Eb' laj Ejiipt ajwi' tate'xkanab' sa' xutaan jo' naq xate'xkanab' sa' xutaan eb' laj Asiria.

Jeremías 2:18

Ut anaqwan, k'aru teetaw chirix naq texxik Ejiipt re ruk'b'al li xha'il li nima' Nilo? K'aru aj e naq texxik Asiria chi uk'uk ha' sa' li nima' Éwfrates?

Proverbios 17:16

K'aru taa'ok wi' li tumin sa' ruq' li maak'a' xna'leb'? Li chaab'il na'leb' ink'a' naloq'mank!

Proverbios 15:32

Li ink'a' naraj q'use'k, ink'a' naxra rib'; a'ut li naxk'e sa' xch'ool li xq'usb'al, naxtaw xna'leb'.

Proverbios 6:32

Ab'an li naxch'ik rib' rik'in junaq ab'li ixq, xjunes rib' naxsach li xyu'am.

2 Reyes 15:19

Sa'eb' li kutan a'an kiwulak laj Pul, awab'ej re Asiria, ut ki'ok sa' xch'och'eb' laj Israel. Ab'an laj Menajén kixk'e waqxaqib' mil rik'in lajeek'aal (8,200) chi tumin plaat re naq laj Pul tixtenq'a ut tixxaqab' xwankil chi junajwa sa' li x'awab'ejihom.

San Mateo 10:16

“Chek'e reetal, laa'in texintaqla jo'eb' li karneer sa' xyanqeb' laj xojb'. Chiwanq b'i' eena'leb' jo'kaqex eb' li k'anti', ut tuulanaqex jo'kaqex eb' li mukuy.

Oseas 4:6

Yo chi kamk lintenamit xb'aan naq ink'a' neke'xnaw wu. Ut laa'at, aj tij, xatz'eqtaana xnawb'al wu, jo'kan naq tatwisi sa' laak'anjel. Xb'aan naq xatz'eqtaana li xchaq'rab' laaYos, laa'in ajwi' teb'intz'eq chirix inch'ool eb' laawalal aak'ajol.

Oseas 5:4

Li xtz'i'b'eetal aj b'aanuhomeb' li tenamit ink'a' nakanab'ank reheb' chi sutq'iik rik'in li xYoseb', xb'aan naq xnumtaak li xmaa'usilaleb' ut ink'a' neke'xnaw ru li Qaawa'.

Oseas 8:13

Nawulak chiruheb' li mayejak: mayejaqeb' ut xtzekaaqeb' li tib' mayejanb'il! Ab'an laa'in li Qaawa' ink'a' sa inch'ool rik'ineb': jultik we li maa'usilal xe'xb'aanu, ut tinrahob'tesiheb' xb'aaneb' li maak xe'xb'aanu rik'in xtaqlankileb' wi' chik Ejiipt.

Oseas 9:6

Ilomaq: eb' li tenamit xe'elelik xb'aan li rahilal; eb' laj Ejiipt te'k'uluq reheb' ut aran Menfis te'muqlaaq. K'aamla taamuquq re li xb'ihomaleb' ut junes pajl te'yo'laaq sa' li xmuheb'aaleb'.

2 Reyes 16:7

Toja' naq laj Ajás kixtaqla xyeeb'al resil re laj Tiklat-Piléser, awab'ej re Asiria: “Laa'in aj k'anjel chawu ut chanchanin aawalal. Jo'kan naq kim ut cholinaakol chiru li awab'ej re Aram ut chiru li awab'ej re Israel, li xe'chalk chi yalok wik'in”.

Oseas 12:2

Li Qaawa' yo chi jitok chirixeb' laj Judá, ut tixk'eheb' chi xtojb'al rix li xmaakeb' laj Jakob, tixk'e xq'ajkamunkileb' jo' chanru li xyehom ut xb'aanuhomeb'.

Abdías 1:7

Chixjunileb' li neke'okenk chawix xate'xb'alaq'i ut xate'risi sa' laana'aj. Eb' li nakawotz wi' laatzekemq, xik' aj chik nakate'ril ut xe'xk'e aara'lenkil: «Laj Edom maak'a' chik xna'leb'!», chankeb'”.