Oseas 6:8 - Q'eqchi Bible

⁸ Galahad a'an xna'ajeb' li ink'a' useb' xna'leb', ut nujenaq chi kik'.

Li Santil hu

⁸ Kꞌaxal nabaleb li cui̱nk yibru xnaꞌlebeb saꞌ li tenamit Galaad ut nabaleb ajcuiꞌ li nequeꞌxcamsi ras ri̱tzꞌin.

Oseas 6:8 ပူးပေါင်းရင်းမြစ်များ

Oseas 12:11

Eb' laj Galahad wankeb' xmaak; jo'kan naq teb'insach. Aran Kilkal neke'mayejak wakax; jo'kan naq li x'artaleb' chanchanaqeb' li pek li neke'kanaak chi tub'tu sa' li awimq”.

Hechos 25:3

ut kaw ke'xtz'aama chiru laj Festo naq tixb'aanu li usilal a'in: xtaqlankil li apóstol aran Jerusalén, xb'aan naq te'raj raj xra'lenkil ut xkamsinkil sa' b'e.

Miqueas 7:2

Sa' ruuchich'och' maajun chik tiik xch'ool ut maa'ani chik junaq aj paab'anel. Chixjunileb' kawal wankeb' chi b'aanunk maa'usilal ut neke'xra'le rib' chirib'ileb' rib'.

Oseas 5:1

“Ex aj tij, ab'ihomaq a'in; ex aj k'amol xb'eheb' laj Israel, q'esaq leexik chi ab'ink; laa'ex li wank eewankil sa' rochoch li awab'ej, k'ehomaq reetal: sa' eeb'een laa'ex taa'uxmanq li raqok aatin, xb'aan naq xeluktasi xch'ooleb' li tenamit aran Mispá ut xera'leheb' li poyanam sa' xb'een li tzuul Tabor.

Oseas 4:2

Neke'yehok jurament ut ink'a' neke'xb'aanu li k'aru neke'xye; k'ajo' li tik'ti'ik, li kamsink poyanam ut li elq'ak, numtajenaq li muxuk sumlaak ut li raaxiik', ut junelik aj chik wank li kamsij ib'.

Jeremías 11:19

Ut laa'in wankin chaq jo' jun karneer li nak'ame'k sa' li kamsib'aal, chi ink'a' ninnaw naq yookeb' chi xk'uub'ankil linkamik: “Qayok'aq li che' naq kaw chi us; qisihaq sa' xyanqeb' li wankeb' xyu'am re naq ink'a' chik taapatz'manq li xk'ab'a'”, chankeb'.

Isaías 59:6

Li xkemomeb' moko us ta re li aq'ej; maa'ani naru xb'atb'al rib' rik'in li xk'uub'ahomeb'. Li xb'aanuhomeb' a'an junes raaxiik', ut li ruq'eb' junes rahob'tesink neke'xb'aanu.

Salmos 59:2

At inYos, chinaakol taxaq chiruheb' li xik' neke'ilok we, chinaawisi sa' ruq'eb' li neke'raj inrahob'tesinkil;

Salmos 10:8

Naxk'utzub' rib' sa' ruq' b'e chi oyb'enink, re xkamsinkil chi muqmu li maak'a' xmaak. Ink'a' naxkanab' xch'uukinkil li maak'a' xmetz'ew.

1 Reyes 2:5

“Ch'olch'o chawu k'aru kixb'aanu we laj Johab, ralal laj Sarbia, naq kixkamsiheb' wiib' xjolomileb' laj puub' re Israel, a' laj Abner, ralal laj Ner, ut laj Amasá, ralal laj Jéter: sa' xq'ehil li wank sa' tuqtuukilal kireeqaju li kamsink kiwank sa' li nimla yalok, ut sa' inb'een kixteneb' li maak a'an.

2 Samuel 20:8

Naq ke'wulak nach' rik'in li nimla pek wank aran Gabahón, xaqaamil laj Amasá chiruheb'. Tiqto laj Johab rik'in raq' aj puub', ut sa' xb'een a'an wank xch'iich' sa' rochoch, chi b'ak'b'o chi xsa'. Ab'anan li ch'iich' ki'elk sa' rochoch ut kit'ane'k.

2 Samuel 3:27

Naq laj Abner kisutq'iik chaq Hebrón, laj Johab kixk'am xjunes chire li rokeb'aal li tenamit chanchan wi' ok re chi xyeeb'al junaq aatin sa' hasb', ut aran ajwi' kixtiq' rub'el xsa' ut kixkamsi re xtojb'al rix xkamik laj Asahel li riitz'in.

Josué 21:38

Sa' xteepal Gad, ke'xk'ul Ramot re Galahad cho'q tenamit b'arwi' te'xkol rib' eb' laj kamsinel ras riitz'in, ut Majanáhin,

Salmos 141:4

Chinaatenq'a re naq ink'a' taaxik inch'ool chirix li k'aru ink'a' us; ink'a' taxaq chin'okenq xb'aanunkil li maa'usilal wochb'eeneb' laj maak, chi moko chixk'ul li waanm li k'aru neke'xtzeka.

Oseas 12:12

Laj Jakob ki'elelik sa' xteepal Aram ut kaw kik'anjelak aran cho'q aj ilol ketomq re naq taak'ehe'q rixaqil.