Oseas 6:3 - Q'eqchi Bible

³ Qasik'aq li Qaawa', qayalaq qaq'e chi xnawb'al ru. Relik chi yaal naq taachalq qik'in jo' naq nahik'e'k li kutan; taachalq qik'in jo' naq li hab' naxt'aqresi li ch'och' sa' li hab'alq'e”.

Li Santil hu

³ Chikanauhak biꞌ ru li Ka̱cuaꞌ. Chikaqꞌuehak kachꞌo̱l chixnaubal ru chi tzꞌakal. Chꞌolchꞌo nak ta̱cꞌulu̱nk li Ka̱cuaꞌ. Ta̱cꞌulu̱nk joꞌ nak nachal li cutan rajlal. Ta̱cꞌulu̱nk joꞌ nak nachal li hab re xtꞌakresinquil li chꞌochꞌ saꞌ xkꞌehil li a̱uc ut nachal ajcuiꞌ mokon re xtꞌakresinquil li acui̱mk.—

Oseas 6:3 ပူးပေါင်းရင်းမြစ်များ

Oseas 14:5

Jo'kaqin li k'ajob' cho'q re laj Israel, ut a'an taa'atz'umaq jo' li saqihix. Tixchap xxe' chi us sa' ch'och', jo'eb' li che' re Líbano.

Jeremías 24:7

Tink'e xna'leb'eb' re naq te'xnaw naq laa'in li Qaawa': a'anaqeb' lintenamit ut laa'inaq li xYoseb', xb'aan naq te'sutq'iiq chaq wik'in chi anchaleb' xch'ool.

Salmos 72:6

Kama'aq li hab' li nat'ane'k sa' xb'een li pim, kama'aq li xchu'ke li nat'aqresink re li ch'och'.

Apocalipsis 22:16

“Laa'in, li Jesus, xintaqla lin'ánjel eerik'in re xyeeb'al a'in chirixeb' li Iklees. Laa'in li xtuxm ut li ralal laj David, laa'in li kaq chahim nalemtz'unk toj eq'la”.

San Mateo 13:11

Kixsumeheb' ut kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal wankilal li choxa, ab'an ink'a' k'eeb'il reheb' a'an.

Zacarías 10:1

Patz'omaq li hab' re li Qaawa' sa' xq'ehil, ut li Qaawa', li naxk'e li kaaq, tixk'e li hab' chi yo'oon, ut taaraxo'q wi' chik li pim sa' leena'aj chejunilex.

2 Pedro 1:19

Chi jo'kan q'axal chik paab'ajel cho'q qe li raatineb' li propeet. Us teeb'aanu wi teek'e eech'ool chi xk'ulub'ankil jo' nak'ulub'aak junaq saqenk nakutanob'resink sa' junaq na'ajej q'oqyink ru, toj reetal taahik'e'q li kutan ut taayo'laaq li kaq chahim sa' leech'ool.

San Lucas 1:78

Rik'in xnimal ruxtaan li qaYos toloorula'ani jun saqenk chaalel toj taqe'q,

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

Miqueas 4:2

k'ajo'aqeb' xk'ihal li poyanam te'chalq ut te'xye: “Kimqex ut taqe'qo sa' xtzuulul li Qaawa', sa' rochoch li xYos laj Jakob. A'an tixk'ut chiqu k'aru li rajom ut laa'o tqataaqe li b'e sik'b'il ru xb'aan”. Xb'aan naq aran Sión taa'elq chaq li chaq'rab', ut Jerusalén taachalq li raatin li Yos.

Hebreos 3:14

Xb'aan naq laa'o nokootz'aqonk rik'in li Kriist wi kaw qach'ool sa' li qapaab'aal, jo' chaq sa' xtiklajik jo'kanaq ajwi' chalen sa' roso'jik.

San Juan 17:3

A'an a'in li junelik yu'am: naq te'xnaw aawu laa'at li junat chi tz'aqal Yos ut li xataqla chaq, li Jesus a' li Kriist.

Oseas 10:12

Inyehom eere: «Wi teeraw li tiikilal, teeq'ol li chaab'ilal usilal. Chapomaq li ch'och' re li awk ut k'alenqex. Ak xq'ehil anaqwan xsik'b'al li Qaawa', re naq A'an taachalq eerik'in chekolb'al jo' naq nachalk li loq'laj hab'».

Isaías 54:13

Chixjunileb' laawalal aak'ajol te'tzole'q xb'aan li Qaawa', ut k'ajo'aq li sahilwank toxe'xtaw chixjunileb'.

Hechos 17:11

Eb' a'in q'axal q'uneb' xch'ool chiruheb' li wankeb' Tesalónika: ke'xk'ulub'a li Aatin chi anchaleb' xch'ool, yookeb' chi xtz'ilinkil xsa' li Santil Hu rajlal kutan re rilb'al ma yaal li naxye laj Pablo.

Oseas 2:20

Tatink'am wik'in rik'in chaab'ilal ut aran taanaw naq laa'in li Qaawa' laaYos.

Isaías 44:3

Tintaqla li hab' sa' li chaqich'och' ut tinyoob'tesiheb' li nima' sa' li joxk' na'ajej. Tinhoy linmusiq' sa' xb'eeneb' laawalal aak'ajol ut twosob'tesiheb' laawi aamam.

Isaías 32:15

Ab'anan taqe'q taahoye'q chaq li Musiq'ej sa' qab'een. Toja' naq li chaqich'och' tkanaaq cho'q xna'aj awimq ut li xna'aj awimq taak'iche'o'q wi' chik.

Salmos 65:9

Eb' li wankeb' sa' xmaril li ruuchich'och' k'ajo'eb' xxiw xb'aaneb' laasachb'ach'oolej; neke'b'ichank rik'in sahil ch'oolej jo'k'ihaleb' li wankeb' sa' releb'l ut rokeb'l li saq'e.

Deuteronomio 32:2

Kama' ta li hab' naq chihoye'q li tzolok tink'e; jo' ta li k'ajob' naq chikub'eeq li waatin, kama' ta li musmus hab' sa' xb'een li raxpim, jo' ta li kawil hab' sa' xb'een li pach'aya'.

Miqueas 5:2

A'ut laa'at, Belén Efratá, jwal kach'inat sa' xteepal Judá, aawik'in taa'elq chaq li taa'awab'ejinq re Israel. A'an taayo'laaq sa' riyajil jun mayer junkab'al”.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Isaías 5:6

Nakirirnak tinkanab' li ch'och' a'an: ink'a' chik taa'aq'iiq chi moko taasaab'esiiq, chamo'qaq li pim ut chinujaq li k'ix sa' xb'een. Ut tinram chiruheb' li choql re naq ink'a' tixk'e li hab' sa' xb'een.

Proverbios 4:18

Li xyu'ameb' li tiikeb' xch'ool a'an chanchan xsaqenkil li hik'e'k: na'ok chi lemtz'unk toj reetal nakutano'k ru sa' wa'leb'.

Li xHu LAJ JOB 29:23

ut neke'xk'ul inna'leb', jo' nak'ule'k li hab' sa' xtiklajik li hab'alq'e.

Miqueas 5:7

Toja' naq eb' li te'kole'q sa' xyanqeb' laj Israel chanchanaqeb' li k'ajob' nachalk rik'in li Qaawa', cho'q reheb' li k'iila tenamit; jo'aqeb' li hab' sa' xb'een li raxpim, k'ojk'ooqeb' xch'ool rik'in li Yos, ut ink'a' yal rik'in winq.

Salmos 19:4

Us ta ink'a' neke'aatinak ut tik maak'a' neke'xye, chi moko naru rab'inkil xyaab' xkuxeb',

San Juan 7:17

Wi junaq traj xb'aanunkil li rajom li Yos, tixnaw ma re li Yos li nintzoleb' wi' malaj yal injunes wib' nin'aatinak.

2 Samuel 23:4

chanchanaq li kutan naq yo chi hik'e'k, chanchanaq li saq'e naq maak'a' li choql eq'la ut naxk'e chi lemtz'unk li pim chiru ch'och' sa' xraqik li hab'».

Salmos 19:6

ut chanchan junaq b'eelomej li na'elk sa' xwarib'aal, nasaho'k sa' xch'ool li saq'e naq na'elk chaq eq'la, kama' junaq aj aanilanel li naxchap xb'e chi aanilak.

Salmos 63:8

laa'at laj tenq'ahom we. K'ajo' naq ninsaho'k chi wank rub'el laakupuhom;

Isaías 2:3

k'ajo'aqeb' xk'ihal li poyanam te'chalq ut te'xye: “Kimqex ut taqe'qo sa' xtzuulul li Qaawa', sa' rochoch li xYos laj Jakob. A'an tixk'ut chiqu k'aru li rajom ut laa'o tqataaqe li b'e sik'b'il ru xb'aan”. Xb'aan naq aran Sión taa'elq chaq li chaq'rab', ut Jerusalén taachalq li raatin li Yos.

Oseas 14:6

Taak'ihanq ut tixtaw xloq'al jo' li xchaq'alil ru xtoonal li oliiw; k'ajo'aq li xsununkil jo' xsununkil li tzuul Líbano.