Oseas 6:2 - Q'eqchi Bible

² Sa' wiib' kutan tixk'e wi' chik qayu'am, ut sa' rox li kutan tooxwaklesi wi' chik re naq wanqo rik'in.

Li Santil hu

² Usta ac xsach ku, abanan tixqꞌue cuiꞌchic li kayuꞌam chiru cuib oxib cutan ut tocua̱nk riqꞌuin.

Oseas 6:2 ပူးပေါင်းရင်းမြစ်များ

2 Reyes 20:5

“Sutq'in ut ye re laj Esekías, li xjolomil lintenamit: «Jo'ka'in xye li Qaawa', xYos laj David laayuwa': Xwab'i laatij ut xwil li xya'al laawu. Tatink'irtasi, ut sa' rox li kutan tatxik sa' rochoch li Qaawa'.

1 Corintios 15:4

kimuqe'k ut kiwakliik chi yo'yo sa' rox li kutan, jo' ak yeeb'il chaq resil chi junxilaj xb'aan li Santil Hu;

Isaías 26:19

Eb' laakamenaq te'wanq xyu'am, te'yo'laaq wi' chik li xb'aqel rismaleb'; te'ajq ruheb' ut te'b'ichanq xb'aan xsahil xch'ooleb' jo'k'ihaleb' li wankeb' sa' pojtz'. Xb'aan naq laak'ajob' a'an jun k'ajob' nalemtz'unk ru, ut li xna'ajeb' li kamenaq taa'alanq.

San Juan 14:19

Sa' jun k'amok chik li ruuchich'och' ink'a' chik taaril wu, a'ut laa'ex teeril wu xb'aan naq yo'yookin ut yo'yooqex ajwi' laa'ex.

Oseas 13:14

Ma tinkol tab'i' chiru li muqleb'aal kamenaq? Ma twisi tab'i' sa' ruq' li kamk? At kamk, b'ar wank laawankil? B'ar wank laatiq'leb', at muqleb'aal kamenaq? Ink'a' twil xtoq'ob'aal ru laj Efraín.

Génesis 17:18

Toja' naq laj Abrahán kixye re li Yos: “Ka'aj taxaq laj Ismael twanq rub'el laawosob'tesihom!”, chan re li Qaawa'.

Romanos 14:8

Wi yo'yooko, re li Qaawa' naq yo'yooko; ut wi tookamq, re li Qaawa' naq tookamq. Jo'kan naq sa' qayu'am sa' qakamik reho li Qaawa'.

Salmos 61:7

Chatiq roq li xyu'am li awab'ej ut chiyo'yooq taxaq chiru naab'al chihab'.

Salmos 71:20

Us ta xinaak'e chi rilb'aleb' li k'iila ch'a'ajkilal ut rahilal, ab'an taak'e wi' chik inyu'am; tulinaawisi sa' xchamal li jul wankin wi',

Eclesiastés 3:3

Wank xq'ehil li kamsink, ut wank xq'ehil li k'irtasink. Wank xq'ehil li juk'uk, ut wank xq'ehil li kab'lak.

Isaías 30:26

Toja' naq li xsaqenkil li po taalemtz'uno'q jo' li saq'e tuqtu wa'leb', ut li xsaqenkil li saq'e taalemtz'uno'q wuqub' sut chik jo' xsaqenkil li wuqub' kutan, naq li Qaawa' tixk'irtasi ut tixlan li xtiq'ilal li xtenamit.

Oseas 7:2

Ink'a' neke'xk'oxla naq jultik we li xmaakeb'. Ut anaqwan tz'aptz'ookeb' sa' li maak, junelik wank chiwu li xmaa'usilaleb'.