Oseas 6:11 - Q'eqchi Bible

¹¹ Ut cho'q aawe, at Judá, ak xaqxo sa' aab'een li xkutankil li tojb'amaak.

Li Santil hu

¹¹ Ac xinxakab li cutan nak texinqꞌue chixtojbal rix le̱ ma̱c la̱ex aj Judá. Abanan ta̱cuulak xkꞌehil nak texcuosobtesi cuiꞌchic.

Oseas 6:11 ပူးပေါင်းရင်းမြစ်များ

Joel 3:13

Xnumtaak li xmaa'usilaleb'; jo'kan naq setomaqeb' jo' na'uxk re li triiw sa' li q'olok; yatz'omaqeb' jo' na'uxk re li uub', xb'aan naq ak xnujak li yatz'leb'aal.

Jeremías 51:33

Xb'aan naq li Nimajwal Yos, li xYos laj Israel, xye chi jo'ka'in: “Li tenamit Babilonia a'an chanchan li na'ajej na'isimank wi' li rix li triiw; wulak re xkutankil li q'olok!”.

Li xHu LAJ JOB 42:10

Chirix naq laj Job kitijok chirixeb' li ramiiw, li Qaawa' kixk'e wi' chik xsahil li xch'ool, ut ka'sut chik xk'ihal li k'aru re kixk'e chiru li kiwank xb'enwa.

Apocalipsis 14:15

Moqon ki'elk jun chik li ánjel sa' rochoch li Yos, japjo re chi xyeeb'al chi kaw xyaab' xkux re li k'ojk'o sa' xb'een li choql: “Tikib' li setok rik'in laach'iich', xb'aan naq xwulak xq'ehil li q'olok: ak xq'ano'k li awimq sa' ruuchich'och'”.

Sofonías 2:7

Ut jo'k'ihaleb' te'kole'q sa' xteepal Judá a'aneb' chik te'eechaninq re li na'ajej a'an. Aran te'xk'aak'ale li xketomqeb' ut te'hilanq sa' rochocheb' laj Askalón, naq li Qaawa' li qaYos tolxtenq'aheb' laj Judá ut tixsutq'isiheb' wi' chik sa'eb' li xna'ajeb'.

Miqueas 4:12

Ab'an eb' a'an ink'a' neke'xnaw li xk'a'uxl li Qaawa' chi moko neke'xtaw ru li k'aru naraj; ink'a' neke'xnaw naq A'an xch'utub'ank reheb' jo' na'uxk re li triiw sa' xq'ehil risinkil li rix.

Salmos 126:1

B'ich re li taqsink. Naq li Qaawa' kixsutq'isiheb' chaq wi' chik eb' laj Sión, chanchan wi' matk'ek yooko chiqajunil.

Salmos 85:1

Re li xjolomileb' laj b'ichanel. Xsaalm eb' li ralal xk'ajol laj Koré.

Jeremías 30:10

“Ab'an laa'at, a Jakob, aj k'anjelat chiwu, matxiwak -chan li Qaawa'-; mich'inank laach'ool, a Israel, xb'aan naq we'kin laa'in. Tinchalq chakolb'al laa'at jo'wi' eb' laawalal aak'ajol, tatwisi chaq sa' li najtil tenamit katintaqla wi' chi tawasiik, ut tatwanq wi' chik sa' tuqtuukilal, sa' sahilal, chi maajun chik taaxib'esinq aawe.