Oseas 6:1 - Q'eqchi Bible

¹ “Yo'qeb', sutq'iiqo rik'in li Qaawa', xb'aan naq A'an xrahob'tesink qe, ab'an anaqwan tooxk'irtasi; A'an xtiq'ok qe, ut anaqwan tooxb'an.

Li Santil hu

¹ Eb li tenamit teꞌxye: —Kajalak kacꞌaꞌux ut sukꞌi̱ko cuiꞌchic riqꞌuin li Ka̱cuaꞌ. Quixtakla chak li raylal saꞌ kabe̱n, abanan anakcuan toxtenkꞌa. Coxrahobtesi, abanan anakcuan toxqꞌuirtesi.

Oseas 6:1 ပူးပေါင်းရင်းမြစ်များ

Deuteronomio 32:39

Chek'e reetal naq laa'in injunes wib' ut maak'a' chik junaq yos chiwu laa'in. Nink'ehok chi kamk ut nink'e ajwi' li yu'am, nintiq'ok ut nink'irtasink. Maajun tixkol rib' chiru linwankil.

Li xHu LAJ JOB 5:18

xb'aan naq a'an natiq'ok ut nak'irtasink, narahob'tesink ut naxkotz li rahilal.

1 Samuel 2:6

Li Qaawa' nak'ehok yu'am ut li kamk; nataqlank sa' xna'ajeb' li kamenaq ut na'isink chaq.

Oseas 14:4

Ut li Qaawa' tixye: “Twisi chixjunil li xq'etq'etil laj Israel, ut q'axal tinra chi anchal inch'ool; xb'aan naq maak'a' chik injosq'il sa' xb'een.

Isaías 55:7

Li ink'a' us xch'ool xkanab'aq xb'aanunkil li maa'usilal, ut li yib'ru xna'leb' mixk'oxla chik li ink'a' us. Sutq'iiq chaq rik'in li Qaawa' ut A'an taaruxtaana ru, sutq'iiq chaq rik'in li qaYos li jwal chaab'il chi kuyuk maak.

Jeremías 30:17

Relik chi yaal naq tatink'irtasi wi' chik ut tinb'an laatiq'ilal, us ta xak'ab'a'in: «Tz'eqtaananb'il» jo' ajwi': «Maajun nak'oxlank re li tenamit Sión». Laa'in, li Qaawa', ninyehok re a'in”.

Isaías 2:3

k'ajo'aqeb' xk'ihal li poyanam te'chalq ut te'xye: “Kimqex ut taqe'qo sa' xtzuulul li Qaawa', sa' rochoch li xYos laj Jakob. A'an tixk'ut chiqu k'aru li rajom ut laa'o tqataaqe li b'e sik'b'il ru xb'aan”. Xb'aan naq aran Sión taa'elq chaq li chaq'rab', ut Jerusalén taachalq li raatin li Yos.

Li xHu LAJ JOB 34:29

Ab'anan wi li Yos ink'a' na'aatinak, ani truuq tixye naq moko us ta a'an? Wi tixmuq rib', ani taaruhanq chi rilb'al ru? A'an na'ilok reheb' chixjunil li tenamit sa' ruuchich'och',

Oseas 14:1

At aj Israel, sutq'in wi' chik rik'in li Qaawa' laaYos, xb'aan naq laamaak xt'anok aawe.

Jeremías 50:4

“Sa'eb' li kutan a'an te'sutq'iiq chaq eb' li ralal xk'ajol laj Israel, rochb'eenaqeb' chaq laj Judá, chi yooqeb' chaq chi yaab'ak naq te'chalq chi xsik'b'al li Qaawa' li xYoseb'.

Jeremías 3:22

Chalqex wi' chik wik'in, ex walal ink'ajol aj q'etolex aatin, ut laa'in twisi leeq'etq'etil”. “Waaye'o arin, xoosutq'iik chaq aawik'in, xb'aan naq laa'at li Qaawa' li qaYos.

Isaías 30:26

Toja' naq li xsaqenkil li po taalemtz'uno'q jo' li saq'e tuqtu wa'leb', ut li xsaqenkil li saq'e taalemtz'uno'q wuqub' sut chik jo' xsaqenkil li wuqub' kutan, naq li Qaawa' tixk'irtasi ut tixlan li xtiq'ilal li xtenamit.

Salmos 30:7

Naq tuqtu linch'ool, xink'oxla: “Maajoq'e taach'inanq li waanm!”.

Jeremías 30:12

Li Qaawa' kixye ajwi' chi jo'ka'in: “Laarahilal maak'a' chik xb'anol ut maak'a' chik xja'lenkil.

Isaías 30:22

Toja' naq teetz'eqtaana leejalanil yos yiib'anb'il rik'in plaat ut leejalam u uutz'u'ujinb'il rik'in oor. Teekuteb' chi najt jo' li mul ut teeye reheb': “Elenqex arin”, cha'qex reheb'.

Sofonías 2:1

Ch'utub'omaq eerib', ex poyanam li maak'a' eexutaan,

1 Samuel 7:3

Jo'kan naq laj Samuel kixye reheb' chixjunil laj Israel: “Wi teeraj sutq'iik rik'in li Qaawa' chi anchal eech'ool, isihomaq sa' eeyanq eb' li jalanil yos ut eb' lix Astarté. Q'axtesihomaq eerib' re li Qaawa' ut junes A'an teeloq'oni, ut A'an taakoloq eere sa' ruq'eb' laj Filistea”.

Li xHu LAJ JOB 16:9

Li xjosq'il li Qaawa' xchalk sa' inb'een; nikinxsik' ut nikinxt'upi, chanchan junaq josq' aj xul; naxk'uxuxi li ruuch re ut xik' nikinril.

Salmos 6:2

At Qaawa', minaaq'us chi yo laajosq'il, minaak'e chi xtojb'al linmaak naq nikinaak'ahi.

Salmos 71:20

Us ta xinaak'e chi rilb'aleb' li k'iila ch'a'ajkilal ut rahilal, ab'an taak'e wi' chik inyu'am; tulinaawisi sa' xchamal li jul wankin wi',

Eclesiastés 3:3

Wank xq'ehil li kamsink, ut wank xq'ehil li k'irtasink. Wank xq'ehil li juk'uk, ut wank xq'ehil li kab'lak.

Isaías 17:7

Sa' li kutan a'an li winq tixtaqsi li rilob'aal chiru Li kiyoob'tesink re ut taaril ru li xSant laj Israel.

Jeremías 33:6

K'ehomaq reetal, laa'in tink'e xb'aneb' ut teb'ink'irtasi wi' chik. Tink'e naab'al xsahil xch'ooleb' re naq te'wanq sa' tuqtuukilal chi maak'a'aq chik xiwak.

Jeremías 50:5

Te'xpatz' xb'ehil li tenamit Sión ut aran te'xik: «Kimqex, qak'amaq qib' sa' usilal rik'in li Qaawa' ut qak'ojob'aq jun sumwank li maajoq'e taasachq sa' qach'ool», cha'qeb'.

Lamentaciones 3:11

Sa' xsachb'esinkil linb'e kok' q'uy xinxkanab', chi k'ajo' xsachik linch'ool.

Oseas 11:10

A' chik li Qaawa' te'xtaaqe, ut A'an tixjap re jo' naxb'aanu li kaqkoj. Tixjap re, ut chixjunileb' li alalb'ej te'chalq sa' xjayal rokeb'l saq'e chi siksootqeb' xb'aan xxiweb'.

Oseas 12:6

Jo'kan naq laa'ex aj Israel sutq'inqex rik'in leeYos: chexrahoq ut chexwanq sa' tiikilal, ut k'ojk'ooq leech'ool rik'in leeYos chi junelik.

Levítico 14:48

“Ab'anan wi laj tij sa' rilb'al li ochoch tixk'e reetal naq ink'a' xpukank li yajel sa' li kab'l chalen naq xyiib'amank, tixch'olob' naq ch'ajob'resinb'il chik li ochoch, xb'aan naq li yajel ak xraqe'k chikan.

2 Crónicas 30:6

Jo'kan naq eb' li xtaql li awab'ej ke'xb'eeni chixjunil xteepal Israel ut Judá chi wank rik'ineb' li hu tz'iib'anb'il xb'aan li awab'ej ut eb' li xjolomileb' li tenamit, ut ke'xpuktesi resil a'in: “Ex ralal xk'ajolex laj Israel, sutq'inqex wi' chik rik'in li Qaawa', xYos laj Abrahán, laj Isahak ut laj Israel, ut A'an taasutq'iiq eerik'in, jarub'ex xexkole'k sa' ruq'eb' li awab'ej re Asiria.

Li xHu LAJ JOB 22:23

Wi nakatsutq'iik rik'in li Nimajwal chi kub'enaq aawankil, taanajto'q li rahilal rik'in laajunkab'al.

Oseas 3:5

Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.