Oseas 5:4 - Q'eqchi Bible

⁴ Li xtz'i'b'eetal aj b'aanuhomeb' li tenamit ink'a' nakanab'ank reheb' chi sutq'iik rik'in li xYoseb', xb'aan naq xnumtaak li xmaa'usilaleb' ut ink'a' neke'xnaw ru li Qaawa'.

Li Santil hu

⁴ Xban le̱ ma̱usilal incꞌaꞌ chic nequecꞌoxla sukꞌi̱c cuiqꞌuin la̱in le̱ Dios. Nequeqꞌue ban e̱chꞌo̱l chixlokꞌoninquil li yi̱banquil dios. Joꞌcan nak incꞌaꞌ naru te̱nau cuu nak la̱in li Ka̱cuaꞌ.

Oseas 5:4 ပူးပေါင်းရင်းမြစ်များ

Oseas 4:12

Lintenamit neke'patz'ok rik'in jun tolol chi che' ut li xxuq'eb' neke'sumenk reheb'. Xb'aan xmuxb'al li xpaab'aaleb' yo chi sachk lintenamit ut xe'xnajtob'resi rib' rik'in li Qaawa' li xYoseb'.

San Juan 16:3

Te'xb'aanu a'in xb'aan naq ink'a' xe'xnaw ru li Yuwa'b'ej chi moko xe'xnaw wu laa'in.

San Juan 8:55

us ta ink'a' nekenaw ru. Laa'in yaal naq ninnaw ru, ut wi tinye ta naq ink'a' ninnaw ru, laa'inaq raj aj tik'ti' jo' laa'ex. Ab'anan ninnaw ru ut nink'e inch'ool chirix li raatin.

Oseas 4:6

Yo chi kamk lintenamit xb'aan naq ink'a' neke'xnaw wu. Ut laa'at, aj tij, xatz'eqtaana xnawb'al wu, jo'kan naq tatwisi sa' laak'anjel. Xb'aan naq xatz'eqtaana li xchaq'rab' laaYos, laa'in ajwi' teb'intz'eq chirix inch'ool eb' laawalal aak'ajol.

Oseas 4:1

Ab'ihomaq li raatin li Qaawa', ex aj Israel. Ok re sa' raqb'a aatin rik'ineb' li wankeb' sa' li tenamit a'in, xb'aan naq maak'a' chik arin li tiikil ch'oolej ut li rahok, maajun chik nanawok ru li Qaawa'.

Jeremías 50:38

Talaje'chaqiq chixjunileb' li nima' wankeb' aran, xb'aan naq Babilonia nujenaq chi jalanil yos ut k'ajo' naq xkoho xch'ooleb' chirixeb' a'an.

Jeremías 24:7

Tink'e xna'leb'eb' re naq te'xnaw naq laa'in li Qaawa': a'anaqeb' lintenamit ut laa'inaq li xYoseb', xb'aan naq te'sutq'iiq chaq wik'in chi anchaleb' xch'ool.

Jeremías 9:24

Li ani naraj xnimankil rib', xnimaaq rib' rik'in a'in: naq naxnaw wu ut naxtaw ru naq laa'in li Qaawa', li nin'uxtaanak u ut ninxaqab' xwankil li tiikil ch'oolej ut li yaal sa' ruuchich'och'. Xb'aan naq a'an a'in li nawulak chiwu”, chan li Qaawa'.

Jeremías 9:6

Ka'aj chik li b'alaq'ik ut li tik'ti'ik wank sa' xch'ooleb', ink'a' neke'raj xnawb'al ru li Qaawa'.

Salmos 78:8

Re naq ink'a' te'xb'aanu kama'eb' li xna' xyuwa'eb': eb' a'an tz'aqal aj q'etoleb' aatin chaq ut kaweb' xjolom, a'aneb' jun tenamit li kok'aq xsa' nach'inank xch'ool ut naxq'et li xchaq'rab' li Qaawa'.

Salmos 9:10

Li Qaawa' naxk'aak'ale li rahob'tesinb'ileb', a'an li nak'aak'alenk reheb' sa' xq'ehil li rahilal.

1 Samuel 2:12

Eb' li ralal laj Elí ink'a' useb' xna'leb' ut ink'a' neke'xk'e xloq'al li Qaawa',

Oseas 4:14

Ab'an laa'in ink'a' tinrahob'tesiheb' leerab'in xb'aan li yumb'eetak chi moko leeralib' xb'aan xmuxb'al li xsumlajikeb', xb'aan naq laa'ex ajwi' nekexxik chi maakob'k rik'ineb' laj yumb'eet, ut nekexmayejak eerochb'eeneb' li ixq li neke'yumb'eetak sa'eb' leetijob'aal; ut lintenamit li maak'a' xna'leb'eb' yookeb' chi sachk.

Oseas 7:11

Laj Efraín jo' jun li mukuy maak'a' xna'leb', ink'a' naxnaw k'oxlak: naxpatz' xtenq'ankil re Ejiipt ut naxik rik'ineb' laj Asiria.

Oseas 13:13

Xwulak xkutankil naq taa'alaaq, ab'anan laj Efraín a'an jun li al kaw xjolom li ink'a' naraj yo'laak sa' xyaalal.

Oseas 4:11

“Li ko'b'eetak ut li b'iin neke'sachok na'leb'.

Oseas 8:11

“Laj Efraín xtamresiheb' li x'artal ka'ajwi' re xb'aanunkil li maak.