Oseas 5:3 - Q'eqchi Bible

³ Laa'in ninnaw ru laj Efraín; nawno ru laj Israel inb'aan. Relik chi yaal naq laj Efraín chanchan junaq aj yumb'eet, ut laj Israel xmuxum rib' sa' li xpaab'aal”.

Li Santil hu

³ La̱in ninnau chanru le̱ naꞌleb la̱ex ralal xcꞌajol laj Efraín. Incꞌaꞌ naru te̱muk e̱rib chicuu ex aj Israel. Li ralal xcꞌajol laj Efraín xineꞌxtzꞌekta̱na ut yo̱queb chixlokꞌoninquil li jalanil dios. Ut lix ma̱usilaleb aꞌan xbon rib saꞌ e̱ya̱nk che̱junilex la̱ex aj Israel.

Oseas 5:3 ပူးပေါင်းရင်းမြစ်များ

Amós 3:2

“Ka'ajwi' laa'ex xinsik' eeru sa' xyanqeb' chixjunileb' li tenamit sa' ruuchich'och'. Jo'kan naq texink'e chi xtojb'al rix leek'iila maak”.

Apocalipsis 3:15

Ninnaw laab'aanuhom; moko kehat ta chi moko tiqat. Us rajan kehat ta malaj tiqat taxaq!

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

Amós 5:12

Laa'in ninnaw naq k'ajo' xk'ihal leemaa'usilal, ninnaw naq numtajenaq leemaak: nekerahob'tesi li tiik xch'ool, natuminaak eeru ut nekesach xwankileb' li neb'a' sa'eb' li raqleb'aal aatin.

Oseas 13:1

Naq neke'aatinak eb' laj Efraín junxil, chixjunileb' neke'xiwak. K'eeb'il xwankileb' sa' xyanqeb' laj Israel. Ab'an ke'maakob'k naq ke'xloq'oni laj Bahal; jo'kan naq ke'kamk.

Oseas 12:1

Eb' laj Efraín maak'a' xyaalal li neke'xb'aanu; rajlal kutan neke'xsik' xtenq'ankileb' sa' jalanil tenamit. Nanumtaak li xtik'ti'eb' ut li elq'ak neke'xb'aanu, neke'xk'e rib' sa' aatin rik'ineb' laj Asiria ut neke'k'amok aseeyt aran Ejiipt”, chan li Yos.

Oseas 8:11

“Laj Efraín xtamresiheb' li x'artal ka'ajwi' re xb'aanunkil li maak.

Oseas 6:4

“K'aru tinb'aanu aawe, a Efraín? K'aru tinb'aanu aawe, a Judá? Linraab'al nekeye, a'an jo' li choql toj eq'la, jo' li xchu'ke li sa' junpaat nanume'k xb'aan li iq'.

Oseas 5:13

“Naq laj Efraín tixk'e reetal li xyajel ut laj Judá taaril li xtiq'ilal, toja' naq laj Efraín taaxik Asiria ut laj Judá tixpatz' xtenq'ankil re li nimajwal awab'ej; ab'an a'an ink'a' taaruhanq chi xk'irtasinkileb' chi moko xb'anb'aleb'.

Oseas 5:11

Q'axal rahob'tesinb'ileb' laj Efraín, ink'a' chik nak'eemank reheb' li k'aru xk'ulub'eb', xb'aan naq chirixeb' li jalanil yos yo chi xik li xch'ooleb'.

Oseas 5:9

Laa'in ninjultika li tz'aqal yaal reheb' li xteepaleb' laj Israel: eb' laj Efraín te'juk'manq chi junwaakaj sa' xkutankil li raqb'a aatin.

Isaías 7:17

“Sa'eb' li kutan a'an li Qaawa' tixtaqla chaq sa' aab'een, sa' xb'een laatenamit ut sa' xb'een laajunkab'lal naab'al li rahilal jo' maajun wa xk'ulmank chaq chalen naq eb' laj Efraín ke'xjek' rib' rik'ineb' laj Judá”.

Isaías 7:5

Eb' laj Siria, rochb'eeneb' laj Efraín ut li ralal laj Romelías, xe'xk'uub' chaq aasachb'al naq xe'xye:

Deuteronomio 33:17

Chaq'al ru jo' li xb'een ral li teelom wakax, kaw rib' jo' li k'iche'il b'ooyx: tixxe'q'eb' li tenamit toj sa' xmaril li ruuchich'och'! Jo'kaneb' li k'iila o'q'ob' chi aj Efraín, jo'kaneb' li xk'ihaleb' laj Manasés”, chan laj Moisés.

Isaías 7:16

Ab'anan naq toj maji' tixnaw xtz'eqtaanankil li ink'a' us ut xsik'b'al li k'aru us, li xch'och'eb' li wiib' chi awab'ej li nakaxiwa ruheb' taakanaaq chi maajun chik xpoyanamil.

Oseas 1:2

Jo'ka'in naq kixtikib' aatinak li Qaawa' chi xtz'uumal re laj Oseas. Li Qaawa' kixye re laj Oseas: “Ayu ut sumlan rik'in junaq ixq aj yumb'eet, ut chiwanq leeralal eek'ajol, xb'aan naq li tenamit xe'po'k xna'leb' chi junajwa, ut tik xe'najto'k wik'in, jo'keb' laj yumb'eet”.

Oseas 6:10

Jwal yib'ru li kiwil sa' li tenamit Israel: eb' laj Efraín ke'xmux li xpaab'aaleb' ut eb' laj Israel ke'xb'on rib'eb'.

Oseas 13:5

Laa'in kinch'oolanink chaq aawe sa' li chaqich'och', b'arwi' maak'a' nayo'laak.