Oseas 5:2 - Q'eqchi Bible

² Xeb'ek jun li jul q'axal cham aran Sitín; jo'kan naq texink'e chi xtojb'al rix leemaa'usilal chejunilex.

Li Santil hu

² Chanchan nak xebec jun li jul kꞌaxal cham chokꞌ re li raꞌal xban lix qꞌuial li ma̱usilal nequeba̱nu. Joꞌcan nak texinqꞌue chixtojbal rix le̱ ma̱usilal che̱junilex la̱ex.

Oseas 5:2 ပူးပေါင်းရင်းမြစ်များ

Oseas 9:15

Jo'ka'in ajwi' xye li Qaawa': “Chixjunil li xmaa'usilaleb' kik'utunk aran Kilkal; aran ajwi' kintikib' xxik'b'al rilb'aleb'. Xb'aan li xyib'al ru xb'aanuhomeb' te'wisiheb' sa' linmuheb'aal ut ink'a' chik tinraheb', xb'aan naq jwal q'etq'eteb' chixjunil laj k'amol xb'eheb'.

Isaías 29:15

Ra chaalel sa' xb'eeneb' li neke'xmuq rib' chiru li Qaawa' yal re xmuqb'al li xk'a'uxeb'! Neke'b'aanunk maa'usilal sa' li aak'ab' ut neke'xye: “Maajun na'ilok qe, maajun nanawok qu”, chankeb'.

Oseas 6:9

Eb' laj tij a'aneb' jun ch'uut chi aj elq' li yo'oon wankeb' chi xramb'aleb' li poyanam; neke'kamsink ut xutaanal neke'xb'aanu sa' li b'e naxik Sikem.

Apocalipsis 3:19

«Laa'in chixjunileb' li nekeb'inra, nekeb'inq'us ut nekeb'intij. K'e b'i' aach'ool ut jal aak'a'uxl.

Oseas 6:5

Jo'kan naq xintaqlaheb' li propeet chesachb'al ut xexinkamsi rik'in li waatin. Chanchan naq nayo'laak li saqenk naq tinraqoq aatin sa' eeb'een.

Oseas 4:2

Neke'yehok jurament ut ink'a' neke'xb'aanu li k'aru neke'xye; k'ajo' li tik'ti'ik, li kamsink poyanam ut li elq'ak, numtajenaq li muxuk sumlaak ut li raaxiik', ut junelik aj chik wank li kamsij ib'.

Jeremías 18:18

Toja' naq ke'xye: “Kimqex ut qak'uub'aq chanru tqakamsi laj Jeremías. Junelik te'wanq aj tij re qatzolb'al, jo' ajwi' li wankeb' xna'leb' re te'xk'e qana'leb', ut wanqeb' ajwi' propeet li te'xye qe li raatin li Yos. Qajitaq laj Jeremías re naq taakamsiiq, ut miqapaab' chik chixjunil li naxye”, chankeb'.

Jeremías 6:28

Chixjunileb' jwal kaweb' li xjolom, chanchaneb' li q'anch'iich' ut li ki'ch'iich'; q'etq'eteb' chixjunileb' ut junes q'ab'ank neke'xb'aanu.

Jeremías 5:3

At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.

Isaías 1:5

K'a'ut naq toj yookex chi xq'etq'etinkil eerib'? Ma toj teeraj naq texinrahob'tesi? Tiq'b'il chik leejolom ut tawajenaqex chi junwaakaj.