Oseas 5:14 - Q'eqchi Bible

¹⁴ Xb'aan naq laa'in jo'kaqin jun kaqkoj naq tinrahob'tesiheb' laj Efraín ut eb' laj Judá. Laa'in tinputz'inq reheb', ut chirix a'an teb'inkanab' xjuneseb'; tink'eheb' sa' rahilal, ut maajun taaruuq chi kolok reheb' sa' wuq'.

Li Santil hu

¹⁴ La̱in tincꞌut lin joskꞌil chiruheb li ralal xcꞌajol laj Efraín. Chanchanakin li cakcoj nak tinrahobtesiheb. Chanchanakin li ral li cakcoj nak tinrahobtesiheb li ralal xcꞌajol laj Judá. Joꞌ nak naxchap lix tib li cakcoj, joꞌcan ajcuiꞌ tinba̱nu la̱in riqꞌuineb. La̱in tinqꞌueheb saꞌ raylal ut tincanabeb xjuneseb ut ma̱ ani ta̱ru̱k ta̱colok reheb saꞌ cuukꞌ.

Oseas 5:14 ပူးပေါင်းရင်းမြစ်များ

Miqueas 5:8

Sa' xyanqeb' li tenamit ut eb' li k'iila poyanam, li rela'eb' li ralal xk'ajol laj Jakob chanchanaqeb' li kaqkoj sa' xyanqeb' li k'iila josq' aj xul sa'eb' li k'iche', jo'aqeb' li ral kaqkoj sa' xyanqeb' li karneer: nat'upink ut nasachok b'arwi' nanume'k, ut maajun naramok chiru.

Salmos 7:2

At Qaawa', at inYos, ninmuhenk aawik'in, chinaakol taxaq, chinaawach'ab' chiruheb' li xik' neke'ilok we.

Salmos 50:22

“Chetawaq xyaalal laa'ex li nikineetz'eq chirix leech'ool: mare anchal texint'upi ut maajun taakoloq eere.

Amós 2:14

Toja' naq li kaw na'aanilak ink'a' tixkuy elelik; li kaw xmetz'ew maak'a' chik taa'ok wi' chi moko li kaw rib' tixkol li xyu'am.

Isaías 5:29

Chanchan li kaqkoj li xyaab'eb', jo' nayaab'ak li ral li kaqkoj; naxjap re naq naxtaw li xtzak, ut naxk'am chi maajun namaq'ok chiru.

Lamentaciones 3:10

Li Yos chanchan jun tz'uqtz'un cho'q we, kama' jun kaqkoj yo chi woyb'eninkil.

Li xHu LAJ JOB 10:16

Junelik nikinaasik', chanchanat junaq kaqkoj; nakak'ut xnimal aawankil sa' inb'een.

Li xHu LAJ JOB 10:7

Laa'at nakanaw naq maak'a' inmaak ut maa'ani naru taakoloq we sa' laawuq'.

Deuteronomio 28:31

Sa' xnaq' ajwi' aawu taakamsiiq laab'ooyx ut maak'a' taatiw re a'an. Jo'kan ajwi' laab'uur taa'elq'aaq chawu laa'at ut ink'a' chik taaq'ajsiiq aawe; eb' laakarneer te'q'axtesimanq reheb' li xik' neke'ilok aawe ut maajun taatenq'anq aawe.

Jeremías 25:38

Jo' junaq kaqkoj li x'elk sa' li xna'aj, jo'kan ajwi' naq li Qaawa' x'elk chi xsachb'al ru li xtenamit, ut li na'ajej xkanaak chi po'lemil, xb'aan naq xlochk xxamlel xjosq'il li Qaawa', ut jun nimla raaxiik' xtaqlaak chaq sa' xb'eeneb'.

Oseas 6:1

“Yo'qeb', sutq'iiqo rik'in li Qaawa', xb'aan naq A'an xrahob'tesink qe, ab'an anaqwan tooxk'irtasi; A'an xtiq'ok qe, ut anaqwan tooxb'an.

Deuteronomio 32:39

Chek'e reetal naq laa'in injunes wib' ut maak'a' chik junaq yos chiwu laa'in. Nink'ehok chi kamk ut nink'e ajwi' li yu'am, nintiq'ok ut nink'irtasink. Maajun tixkol rib' chiru linwankil.

Oseas 2:12

Tink'e chi sache'k chixjunileb' li rawimq li naxye wi': «A'aneb' a'in linq'ajkamunkil li xk'ehomeb' we li neke'rahink we». Tink'eheb' chi pimo'k ut tinkanab' cho'q xwaheb' li k'iche'il xul.

Oseas 13:6

“Ab'an naq ke'wa'ak ut ke'nujak, kiq'etq'eto'k chik li xch'ooleb' ut kine'xtz'eqtaana.