Oseas 4:7 - Q'eqchi Bible

⁷ “Naq k'ajo' xk'ihaleb' laj tij, k'ajo' chik xe'maakob'k; ut laa'in twisi xloq'aleb' ut tink'ut xxutaaneb'.

Li Santil hu

⁷ Joꞌ le̱ qꞌuial la̱ex aj tij, joꞌcan ajcuiꞌ xqꞌuialeb le̱ ma̱c. Joꞌcan nak tincuisi le̱ lokꞌal ut tincꞌut e̱xuta̱n.

Oseas 4:7 ပူးပေါင်းရင်းမြစ်များ

Oseas 13:6

“Ab'an naq ke'wa'ak ut ke'nujak, kiq'etq'eto'k chik li xch'ooleb' ut kine'xtz'eqtaana.

Filipenses 3:19

Ab'an li xraqikeb' a'in, a'an li sachk; li xyoseb' a'an li xsa'eb'; neke'xnimob'resi rib' sa' li xutaanalil na'leb' neke'xye neke'xb'aanu, ut ka'ajwi' li k'a'aq re ru wank sa' ruuchich'och' neke'reek'a xsahil.

1 Samuel 2:30

Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

Malaquías 2:9

“Xb'aan a'an laa'in ajwi' texink'e chi tz'eqtaanaak ut chi maak'a'aq eeloq'al chiru chixjunileb' li tenamit, xb'aan naq ink'a' nekepaab' li waatin ut toj neketi ruheb' li poyanam sa' xch'olob'ankil li Chaq'rab'”, chan li Nimajwal Yos.

Oseas 10:1

Li tenamit Israel chanchan jun toon chi uub' li naab'al naruuchin. Ab'an naq naab'al naruuchin, naxtamresi ajwi' li x'artal; ut naq q'axal chaab'il li xch'och', naab'al ajwi' li chaab'il pek naxyiib' cho'q jalam u.

Oseas 4:10

Te'tzekanq, ab'an ink'a' te'k'ojlaaq xch'ool; te'ko'b'eetaq, ab'an ink'a' te'alanq. Xb'aan naq xe'xkanab' k'anjelak chiru li Qaawa' ut a' chik li ko'b'eetak xe'xb'aanu.

Habacuc 2:16

Taanujob'resi aawib' rik'in xutaan ut ink'a' rik'in loq'al, xb'aan naq li Qaawa' tixk'e chawuk' laaha' ut tatxkanab' chi t'ust'u.

Oseas 6:9

Eb' laj tij a'aneb' jun ch'uut chi aj elq' li yo'oon wankeb' chi xramb'aleb' li poyanam; neke'kamsink ut xutaanal neke'xb'aanu sa' li b'e naxik Sikem.

Oseas 5:1

“Ex aj tij, ab'ihomaq a'in; ex aj k'amol xb'eheb' laj Israel, q'esaq leexik chi ab'ink; laa'ex li wank eewankil sa' rochoch li awab'ej, k'ehomaq reetal: sa' eeb'een laa'ex taa'uxmanq li raqok aatin, xb'aan naq xeluktasi xch'ooleb' li tenamit aran Mispá ut xera'leheb' li poyanam sa' xb'een li tzuul Tabor.

Esdras 9:7

Chalen chaq sa' xkutankileb' li qana' qayuwa' toj anaqwan wanko sa' maak. Xb'aan li qamaa'usilal laa'o ut xmaakeb' li awab'ej ut eb' laj tij xooq'axtesiik sa' ruq'eb' li awab'ej li jalanq xtenamiteb'. Xootiq'e'k, xook'ehe'k sa' tz'alam, xoohob'e'k ut xe'relq'a li k'aru wank qe, ut toj yo a'in anaqwan.

Oseas 13:14

Ma tinkol tab'i' chiru li muqleb'aal kamenaq? Ma twisi tab'i' sa' ruq' li kamk? At kamk, b'ar wank laawankil? B'ar wank laatiq'leb', at muqleb'aal kamenaq? Ink'a' twil xtoq'ob'aal ru laj Efraín.

Oseas 9:11

Li xloq'aleb' laj Efraín taa'oso'q jo' naq naxik'ank junaq xul chiru choxa: ink'a' chik te'wanq ralal xk'ajoleb', maajun chik ixq taakanaaq sa' yu'am ut ink'a' chik taasiyaaq junaq k'uula'al.

Oseas 10:6

Li wakax oor taak'ame'q ajwi' aran Asiria, jo' xsimaatan li xnimal ru awab'ej. Chi jo'kan eb' laj Efraín te'kaqo'q xb'aaneb' xxutaan ut eb' laj Israel te'xutaanaq chi rilb'al li xyoseb'.

Deuteronomio 32:15

“Ke'tzekank chi us eb' laj Israel; ke'nimank xtib'el laj Yesurún ut ke'xq'etq'eti rib'; ke'nimank li xsa'eb', ke'xb'olob' rib' ut ke'xkanab' li Yos, a' laj Yoob'tesinel reheb'. Ke'xtz'eqtaana li Saqoonak, laj Kolol reheb'.