Oseas 4:15 - Q'eqchi Bible

¹⁵ “At Israel, wi laa'at nakamux laapaab'aal, ab'an ink'a' taxaq taamaakob'q laj Judá. Mexxik aran Kilkal chi moko chex'ok Bet-Abén; meeye eejurament sa' xk'ab'a' li Qaawa'.

Li Santil hu

¹⁵ Usta niquine̱tzꞌekta̱na la̱ex aj Israel, aban incꞌaꞌ taxak tineꞌxtzꞌekta̱na eb laj Judá. Mexxic aran Gilgal chi lokꞌoni̱nc, chi moco texxic Bet-avén, chi moco te̱ba̱nu li juramento saꞌ incꞌabaꞌ la̱in li yoꞌyo̱quil Dios.

Oseas 4:15 ပူးပေါင်းရင်းမြစ်များ

Oseas 12:11

Eb' laj Galahad wankeb' xmaak; jo'kan naq teb'insach. Aran Kilkal neke'mayejak wakax; jo'kan naq li x'artaleb' chanchanaqeb' li pek li neke'kanaak chi tub'tu sa' li awimq”.

Oseas 9:15

Jo'ka'in ajwi' xye li Qaawa': “Chixjunil li xmaa'usilaleb' kik'utunk aran Kilkal; aran ajwi' kintikib' xxik'b'al rilb'aleb'. Xb'aan li xyib'al ru xb'aanuhomeb' te'wisiheb' sa' linmuheb'aal ut ink'a' chik tinraheb', xb'aan naq jwal q'etq'eteb' chixjunil laj k'amol xb'eheb'.

Amós 4:4

“Ayuqex aran Betel ut Kilkal chi xb'aanunkil leemaa'usilal, ut cheq'etq'eti eerib' chiru li Qaawa' chi anchal leech'ool! Toj eq'la k'amomaq leemayej ut rajlal oxib' kutan a' chik li xlajeetqil leerawimq!

Amós 8:14

Eb' li neke'xye xjurament sa' xk'ab'a' li xyoseb' laj Samaria, eb' li neke'yehok: «Sa' xk'ab'a' laayos, a Dan», malaj: «Sa' xk'ab'a' laayos, a Berseba», te'oso'q ut maajun wa chik te'wakliiq chaq”.

Amós 5:5

Mexxik chi loq'onink aran Betel; mineesik' aran Kilkal chi moko chexnume'q Berseba, xb'aan naq eb' laj Kilkal te'k'ame'q sa' najtil tenamit ut Betel taakanab'aaq cho'q po'lem”.

Oseas 10:8

Te'sachmanq eb' li tijob'aal wankeb' chi tzuul b'arwi' neke'maakob'k eb' laj Israel; k'im ut k'ix taak'iiq sa' xb'eeneb' li artal. Toja' naq te'xye reheb' li tzuul: “Chooheemuq”; ut reheb' li b'ool: “Chex'uq'e'q sa' qab'een”, cha'qeb'.

Oseas 10:5

Eb' laj Samaria neke'siksotk ut neke'yaab'ak xb'aan naq xsache'k li wakax oor re Bet-Abén. Neke'huyhutk chi yaab'ak eb' li tenamit rochb'eeneb' laj tij, xb'aan naq xsache'k xloq'al li xyoseb'.

Oseas 5:8

Yaab'asihomaq li pur aran Kibehá ut puktesihomaq li esil a'in aran Ramá. Yehomaq chaq reheb' laj Bet-Abén; kawal wanqeb' laj Benjamín.

Jeremías 5:2

Wankeb' neke'xpatz' xk'ab'a' li Qaawa' sa' jurament, ab'anan moko neke'xb'aanu ta li neke'xye”.

Efesios 5:11

ut mex'okenk chi xb'aanunkil xk'anjel li aak'ab' li maak'a' na'ok wi', jwal us b'an naq teerisi chi kutankil re xjitb'al.

Amós 6:10

Yal wiib' oxib' ajwi' li te'kole'q re risinkileb' li kamenaq sa' li kab'l; ut wi taapatz'manq re li toj wanq chaq sa' li kab'l: “Ma maajun chik wan chaq aawochb'een?”, a'an tixsume chaq: “Maajun chik”. Ut tixye li xpatz'ok: “Mat-aatinak, mare anchal taapatz' xk'ab'a' li Qaawa'”, cha'aq.

Oseas 11:12

“Eb' laj Efraín junes tik'ti' neke'xye we, eb' laj Israel junes b'alaq'il na'leb' neke'xk'ut chiwu. A'ut eb' laj Judá toj nikine'xtaaqe, toj kaweb' xch'ool chi paab'ank.

Oseas 4:12

Lintenamit neke'patz'ok rik'in jun tolol chi che' ut li xxuq'eb' neke'sumenk reheb'. Xb'aan xmuxb'al li xpaab'aaleb' yo chi sachk lintenamit ut xe'xnajtob'resi rib' rik'in li Qaawa' li xYoseb'.

Ezequiel 20:39

«Ex aj Israel, li Qaawa' xye chi jo'ka'in: Ayuqex chi xloq'oninkileb' ru leejalanil yos chejunjunqalil; chirix chik a'an ninye li waatin naq tineepaab' ut ink'a' chik teemux linsantil k'ab'a' rik'in leemayej ut leejalanil yos.

Isaías 48:1

“Ab'ihomaq a'in, ex ralal xk'ajol laj Jakob, li nekek'ab'a'in ajwi' Israel, laa'ex li xexyo'laak sa' riyajil laj Judá. Nekeye eejurament sa' xk'ab'a' li Qaawa' ut nekepatz' xk'ab'a' li xYos laj Israel, ab'an ink'a' nekeb'aanu sa' xyaalal chi moko rik'in xtiikilal eech'ool.

Jeremías 44:26

Ab'anan ab'ihomaq li raatin li Qaawa', chejunilex laa'ex aj Judá li wankex Ejiipt: Laa'in, li Nimajwal Yos, ninye eere chi tz'aqal yaal naq maajun wa chik taapatz'manq link'ab'a' arin xb'aan junaq aj Judá; maajun chik tixye sa' xsutam Ejiipt: Sa' xk'ab'a' li Qaawa'!, cha'aq.

Josué 5:9

Toja' naq li Qaawa' kixye re laj Josué: “Sa' li kutan a'in xwisi sa' eeb'een leexutaan kitiklaak chaq Ejiipt”, chan. Jo'kan naq Kilkal xk'ab'a' li na'ajej a'an chalen toj anaqwan.

Josué 7:2

Wankeb' winq ke'taqlaak xb'aan laj Josué toj Ay, nach' rik'in Bet-Abén, sa' releb'l saq'e sa' xjayal Betel: “Ayuqex ut k'ehomaq chaq reetal li tenamit Ay”, chu'uxkeb' re. Eb' a'an ke'elk Jerikó, koheb' ut ke'xk'e reetal li tenamit Ay.

2 Crónicas 17:4

kik'anjelak b'an chiru li Qaawa', xYos eb' li xxe'toonil yuwa', rik'in xpaab'ankil li xchaq'rab', chi ink'a' kixk'anasi reheb' laj Israel.

2 Crónicas 21:11

Kixyiib'atq ajwi' li tijob'aal chi tzuul sa' xteepal Judá. Kixk'am xb'eheb' laj Jerusalén chi xtz'eqtaanankil li Qaawa', ut jo'kan ajwi' kixb'aanu rik'ineb' laj Judá.

Oseas 12:1

Eb' laj Efraín maak'a' xyaalal li neke'xb'aanu; rajlal kutan neke'xsik' xtenq'ankileb' sa' jalanil tenamit. Nanumtaak li xtik'ti'eb' ut li elq'ak neke'xb'aanu, neke'xk'e rib' sa' aatin rik'ineb' laj Asiria ut neke'k'amok aseeyt aran Ejiipt”, chan li Yos.

Oseas 12:12

Laj Jakob ki'elelik sa' xteepal Aram ut kaw kik'anjelak aran cho'q aj ilol ketomq re naq taak'ehe'q rixaqil.