Oseas 4:12 - Q'eqchi Bible

¹² Lintenamit neke'patz'ok rik'in jun tolol chi che' ut li xxuq'eb' neke'sumenk reheb'. Xb'aan xmuxb'al li xpaab'aaleb' yo chi sachk lintenamit ut xe'xnajtob'resi rib' rik'in li Qaawa' li xYoseb'.

Li Santil hu

¹² Lin tenamit yo̱queb chixtzꞌa̱manquil xnaꞌlebeb chiru li pechꞌbil dios cheꞌ. ¿Ma ta̱qꞌuehekꞌ ta biꞌ xnaꞌlebeb xban li yal cheꞌ? Lin tenamit chanchan li ixakilbej nayumbe̱tac xban nak xineꞌxtzꞌekta̱na ut yo̱queb xsicꞌbal jalan chic xdioseb.

Oseas 4:12 ပူးပေါင်းရင်းမြစ်များ

Oseas 5:4

Li xtz'i'b'eetal aj b'aanuhomeb' li tenamit ink'a' nakanab'ank reheb' chi sutq'iik rik'in li xYoseb', xb'aan naq xnumtaak li xmaa'usilaleb' ut ink'a' neke'xnaw ru li Qaawa'.

Jeremías 2:27

«At inyuwa'», chankeb' re li jun tolol chi che'; «At inna'», chankeb' re li pek. Ut laa'in ink'a' nikine'xpatz' chi moko nikine'xk'oxla. Ab'an naq nachalk junaq rahilal sa' xb'eeneb', neke'xye we: «Kim chi qakolb'al».

Habacuc 2:19

Ra chaalel sa' aab'een laa'at li nakatyehok: “Ajsi aawu”, chankat re jun tolol chi che'. “Waklin”, chankat re jun li pek ink'a' na'aatinak. Ma naru tab'i' taa'aatinaq? Us ta nujob'resinb'il chi oor ut plaat, maak'a' jun tz'uqukaq yu'am rik'in.

Deuteronomio 31:16

Toja' naq li Qaawa' kixye re laj Moisés: “K'e reetal, chi seeb' tatq'ajq tatsutq'iiq rik'ineb' laana' laayuwa', ut li tenamit a'in te'xtikib' xmuxb'al rib' rik'ineb' li jalanil yos, xyoseb' li ch'och' toxe'okaq wi'. Tine'xkanab' ut te'xq'et li Sumwank kinb'aanu rik'ineb'.

Números 15:39

Te'wanq xmach li raq'eb', re naq jo'q'e te'ril, taanaq sa' xch'ooleb' chixjunil li xchaq'rab' li Qaawa'. Chi jo'kan te'xpaab' ut ink'a' te'xb'aanu li naraj xch'ooleb' chi moko taaxik xch'ooleb' chirix li k'aru neke'ril, a' li tz'aqal neke'xmux wi' rib'eb'.

Miqueas 2:11

Wi wan junaq propeet li taayehoq tik'ti' eere: “Teeruk' naab'al li b'iin ut li ha' nakaltesink”, cha'aq, a'an tz'aqal li propeet nekeraj rab'inkil; a'an tz'aqal xk'ulub' li tenamit a'in.

Oseas 9:1

Misaho'k aach'ool, a Israel; matpisk'ok xb'aan xsahilal aawaanm jo'eb' li tenamit junch'ol, xb'aan naq xab'alaq'i laaYos ut q'axal chik xarahi ru li xtuminal li maakob'k sa'atqeb' li na'ajej na'isiik wi' li rix li triiw.

Ezequiel 21:21

Xb'aan naq li awab'ej re Babilonia xxaqliik sa' li xaalib'e ut yo xq'ehinkil b'ar taaxik: naxchiq'le li xsimaj, yo chi patz'ok reheb' li xyos ut rik'in xsaaseb' li xul li kixmayeja.

Jeremías 10:8

Chixjunileb' a'an jwal jipeb' ut memeb' chawu laa'at; junes memil neke'xtzol chirixeb' li che'il yos.

Salmos 73:27

Eb' li neke'najto'k aawik'in, te'oso'q; laa'at tatsachoq ruheb' li neke'xmux laarahom.

2 Crónicas 21:13

xataaqe b'an li xb'eheb' li awab'ej re Israel ut xak'eheb' laj Judá ut eb' laj Jerusalén chi xtz'eqtaanankil li Qaawa' jo' ke'xb'aanu eb' laj Ajab. Xakamsiheb' ajwi' laawiitz'in, tz'aqal ralaleb' laayuwa', li jwal chaab'ileb' xch'ool chawu laa'at.

Levítico 20:5

laa'in tinjosq'o'q sa' xb'een a'an jo'wi' sa' xb'een li xjunkab'al, ut twisi sa' xyanqeb' li rech tenamitul rochb'eeneb' chixjunil li xe'xmux rib' chi xloq'oninkil laj Molok.

Levítico 17:7

Ut maajun wa chik te'xq'axtesi li xmayejeb' reheb' li maa'us a'an, li ke'xloq'oni chaq. A'an a'in jun chaq'rab' wanq xwankil cho'q reheb' chi junelik q'e kutan.

Salmos 106:39

ke'xtz'ajni rib' rik'in li xb'aanuhomeb', ke'xmux rib' rik'in li maa'usilal ke'xb'aanu.

Oseas 14:3

Eb' laj Asiria ink'a' naru nokoohe'xkol, chi moko too'eleliq chirixeb' li kawaay; ink'a' chik tqaye «At qaYos» re li xqak'uub' rik'in quq', xb'aan naq ka'ajwi' aawik'in, at Qaawa', naxtaw ruxtaanankil ru li neb'a'yox”.

Jueces 18:5

Ut eb' li winq ke'xye re: “Patz' re li Yos ma us too'elq sa' li qab'e a'in”, chankeb'.

2 Reyes 17:7

A'in kik'ulmank xb'aan naq eb' laj Israel ke'maakob'k chiru li Qaawa' li xYoseb', li ki'isink chaq reheb' sa' li tenamit Ejiipt ut kixmaq'eb' sa' ruq' laj Parahón, awab'ej re Ejiipt. Ke'xloq'oniheb' li jalanil yos,

Jeremías 23:13

“Jwal yib'ru li xb'aanuhomeb' li propeet aj Samaria: neke'aatinak sa' xk'ab'a' laj Bahal ut neke'xk'e eb' laj Israel, lintenamit, chi sachk sa' li xb'eheb'.

Ezequiel 20:32

Sa' eech'ool laa'ex naq kama'aqex eb' li tenamit junch'ol, jo'kaqex eb' li poyanam li neke'loq'onink che' ut pek; ab'anan a'an maajoq'e taak'ulmanq.

Oseas 6:10

Jwal yib'ru li kiwil sa' li tenamit Israel: eb' laj Efraín ke'xmux li xpaab'aaleb' ut eb' laj Israel ke'xb'on rib'eb'.