Oseas 4:1 - Q'eqchi Bible

¹ Ab'ihomaq li raatin li Qaawa', ex aj Israel. Ok re sa' raqb'a aatin rik'ineb' li wankeb' sa' li tenamit a'in, xb'aan naq maak'a' chik arin li tiikil ch'oolej ut li rahok, maajun chik nanawok ru li Qaawa'.

Li Santil hu

¹ Abihomak ra̱tin li Ka̱cuaꞌ, ex ralal xcꞌajol laj Israel, xban nak yo̱ xjoskꞌil saꞌ e̱be̱n la̱ex li cuanquex saꞌ li naꞌajej aꞌin. Joꞌcaꞌin yo̱ chixyebal li Ka̱cuaꞌ Dios: —Ma̱ ani ti̱c xchꞌo̱l ut ma̱ ani na-uxta̱nan u ut ma̱ ani naqꞌuehoc retal nak La̱in li Ka̱cuaꞌ Dios.

Oseas 4:1 ပူးပေါင်းရင်းမြစ်များ

Jeremías 4:22

“Maak'a' xna'leb' lintenamit, ink'a' naxnaw wu -chan li Qaawa'-. Jipeb' ut maak'a' xk'a'uxeb'. K'ajo' xna'leb'eb' chi b'aanunk maa'usilal, ab'an maak'a' neke'xnaw chirix li chaab'ilal”.

Miqueas 6:2

Ab'ihomaq, ex tzuultaq'a ut laa'ex li rub'elankil li ruuchich'och': li Qaawa' ok re sa' raqb'a aatin rik'in li xtenamit, ok re chi jitok chirix laj Israel.

1 Corintios 15:34

Ajsihomaq eeru jo' xk'ulub', ut mexmaakob'k chik xb'aan naq wank wankeb' sa' eeyanq li ink'a' neke'xnaw ru li Yos. Re xk'utb'al eexutaan naq ninye a'in eere.

Romanos 1:28

Ink'a' ke'raj xk'uulankil sa' xch'ooleb' li yaal chirix li Yos, jo'kan naq ke'q'axtesiik xb'aan li Yos sa' li xmaa'us aj k'a'uxeb' re te'xb'aanu li moko uxk naraj.

Oseas 12:2

Li Qaawa' yo chi jitok chirixeb' laj Judá, ut tixk'eheb' chi xtojb'al rix li xmaakeb' laj Jakob, tixk'e xq'ajkamunkileb' jo' chanru li xyehom ut xb'aanuhomeb'.

Jeremías 25:31

Li xyaab' xkux li Qaawa' taa'ab'imanq xb'aaneb' chixjunil li poyanam, toj sa' xmaril li ruuchich'och', xb'aan naq li Qaawa' ok re chi xjitb'al chixjunileb' li poyanam; A'an taaraqoq aatin sa' xb'een chixjunileb' li tenamit ut tixsach ruheb' chi ch'iich' li ink'a' useb' xna'leb', chan li Qaawa'»”.

Jeremías 5:4

Toja' naq xinye: “Relik chi yaal naq maak'a' neke'xnaw li ink'a' tzolb'ileb': ink'a' neke'xtaw ru li rajom li Qaawa' chi moko li xchaq'rab' li xYoseb'.

Isaías 34:1

Jilonqex chaq, ex tenamit, ut ab'ihomaq; k'ehomaq reetal chi us, ex poyanam. Ab'in, at ruuchich'och' ut chixjunil li wank chisa'; k'e reetal, at choxach'och' jo'wi' chixjunil li nayo'laak chiru.

Isaías 1:18

“Kimqex ut aatinanqo -chan li Qaawa'-. Us ta kaqeb' leemaak kama' li kik' ut li kaqi b'on, ab'an saq chik te'kanaaq jo' li tuuxil isb' ut li ratz'amke.

Apocalipsis 2:29

Ani wank xxik, chirab'ihaq li naxye li Musiq'ej reheb' li Iklees».

Apocalipsis 2:11

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u ink'a' taarahob'tesiiq xb'aan li xkab' kamk».

San Juan 8:55

us ta ink'a' nekenaw ru. Laa'in yaal naq ninnaw ru, ut wi tinye ta naq ink'a' ninnaw ru, laa'inaq raj aj tik'ti' jo' laa'ex. Ab'anan ninnaw ru ut nink'e inch'ool chirix li raatin.

Amós 7:16

Ut anaqwan ab'i li raatin li Qaawa'. Laa'at nakaye: «Mat-aatinak jo' propeet chirixeb' laj Israel; mik'a' aaye chi kaw chirixeb' li ralal xk'ajol laj Isahak».

Oseas 5:1

“Ex aj tij, ab'ihomaq a'in; ex aj k'amol xb'eheb' laj Israel, q'esaq leexik chi ab'ink; laa'ex li wank eewankil sa' rochoch li awab'ej, k'ehomaq reetal: sa' eeb'een laa'ex taa'uxmanq li raqok aatin, xb'aan naq xeluktasi xch'ooleb' li tenamit aran Mispá ut xera'leheb' li poyanam sa' xb'een li tzuul Tabor.

Jeremías 34:4

At Sedesías, awab'ejat re Judá, ab'i li ninye aawe laa'in li Qaawa': Ink'a' tatkamq chi q'esnal ch'iich',

Jeremías 19:3

Taaye reheb': «Ab'ihomaq li raatin li Qaawa', ex awab'ej re Judá jo'wi' laa'ex li wankex Jerusalén. Li Nimajwal Yos, li xYos laj Israel, xye chi jo'ka'in: Nimla rahilal li tintaqla sa' xb'een li na'ajej a'in, toj reetal taaraho'q sa' xxikeb' li te'ab'inq re.

Jeremías 9:20

Ex ixq, ab'ihomaq li raatin li Qaawa'; k'uulahomaq sa' leech'ool li aatin na'elk chi xtz'uumal re. Tzolomaqeb' leeko' rik'in li b'ich a'in re rahil ch'oolejil ut tzolomaqeb' ajwi' leeramiiw ixq chi jo'ka'in:

Jeremías 7:28

Ye reheb' chi jo'ka'in: «A'an a'in li tenamit li ink'a' xraj xpaab'ankil raatin li Qaawa' li xYos, chi moko xraj q'use'k. Maak'a' chik li tiikilal ut li yaal rik'ineb'; x'oso'k chi junwaakaj»”.

Jeremías 6:13

“Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij ka'ajwi' b'alaq'ik neke'xb'aanu chixjunileb'.

Jeremías 4:28

Taaraho'q xch'ool li ruuchich'och' ut li choxa taa'aak'ab'o'q ru. Xin'aatinak, ut ink'a' tinjal ru li aatin xinye; jo'kan xink'uub' xb'aanunkil, ut ink'a' traho'q linch'ool.

Jeremías 2:4

“Ex aj Israel, ralal xk'ajolex laj Jakob, ab'ihomaq li naxye li Qaawa'.

Isaías 66:5

Ab'ihomaq li naxye li Qaawa', laa'ex li nekexsiksotk ut nekexpaab'ank chiru: “Wankeb' eerech tenamitul xik' nekexrileb' ut nekextz'eqtaanaheb' xb'aan link'ab'a', ut neke'xye: «Xk'utaq xloq'al li Qaawa'; naqaj naq sahaq sa' leech'ool», chankeb'. A'ut eb' a'an xutaanal te'kanaaq.

Isaías 34:8

Xb'aan naq a'anaq xkutankil li eeqajunk cho'q re li Qaawa', a'anaq xchihab'il li q'axok u cho'q re laj kolol re Sión.

Isaías 28:14

Ab'ihomaq li raatin li Qaawa', laa'ex li jwal sa nekexse'ek anaqwan ut li nekexjolomink re li tenamit Jerusalén.

Isaías 5:3

Ut anaqwan, ex aj Jerusalén ut aj Judá, raqomaq aatin sa' qab'een: ani xmaakob'k, ma li wawimq malaj laa'in?

Isaías 1:10

Ex jolomil re Sodoom, ab'ihomaq li raatin li Qaawa', ex aj Gomoor, k'ehomaq eech'ool chi rab'inkil li naxye li qaYos:

1 Reyes 22:19

Toja' naq kixye laj Mikeas: “K'e reetal, ab'i li naxye li Qaawa'. Xwil li Qaawa' k'ojk'o sa' li xk'ojarib'aal, rochb'een chixjunileb' laj k'anjel chiru sa' li choxa, xaqxookeb' sa' xnim ut sa' xtz'e uq'.

Isaías 59:4

Maajun napatz'ok li tiikilal sa' li raqleb'aal aatin, chi moko wank li naraqok aatin rik'in sa' xyaalal; kaw b'an xch'ooleb' li poyanam chirix li moko yaal ta ut junelik yo'oon wankeb' chi xyeeb'al li tik'ti'. Maa'usilal nasiyaak sa' xch'ooleb', ut nayo'laak chaq li raaxiik'.

Isaías 59:8

Ink'a' neke'xnaw li xb'ehil li tuqtuukilal, chi moko neke'xb'aanu li tiikilal; neke'xjal ru li k'ulub'ej: maajun sa' xyanqeb' li neke'taaqenk re li xb'eheb', toxtaw li tuqtuukil usilal.

Jeremías 9:3

yo'oon wankeb' chi yehok tik'ti', ut chanchan xq'esnal li simaj li ru'uj raq'eb'. Li tik'ti' nanumtaak sa' li tenamit a'in ut li yaal maak'a' na'ok wi'. Moko te'xtaw ta chik xna'leb'eb' ut ink'a' neke'xnaw ru li Qaawa'.

Jeremías 51:5

Xb'aan naq chixjunileb' laj Israel ut eb' laj Judá k'ajo' li xmaakeb' chiwu laa'in; xe'xnujob'resi li tenamit rik'in li xmaa'usilaleb', ab'an ink'a' xe'kanab'aak xjuneseb' inb'aan laa'in li Qaawa', li Nimajwal Yos, li xSant laj Israel.

Joel 1:2

Ab'ihomaq li aatin a'in, ex cheekel winq; ab'inqex, chejunilex li wankex sa' li tenamit. Ma eerilom a'in jun sutaq chiru leeyu'am? Ma kik'ulmank a'in chiru li xyu'ameb' leexe'toonal?

Salmos 81:9

“Ex intenamit, chineerab'i; ok we cheq'usb'al. Ex aj Israel, us raj teerab'i li k'aru tinye!

Jeremías 2:9

Jo'kan naq toj yooqin chi jitok cherix laa'ex ut chirixeb' leeri leemam -chan li Qaawa'-.

Jeremías 9:7

Jo'kan naq li Qaawa', li Nimajwal Yos, kixye chi jo'ka'in: “Tinrahob'tesi lintenamit re xch'ajob'resinkileb', xb'aan naq k'a' ta chik ru tinb'aanu reheb' re te'usaaq?

Jeremías 11:7

Naq ke'wisi chaq Ejiipt eb' leena' leeyuwa', kinye reheb' naq tine'xpaab', ut chalen toj anaqwan junelik yookin cheq'usb'al: Ab'ihomaq xyaab' linkux, chankin.

Ezequiel 16:35

«Jo'kan utan, at aj yumb'eet, ab'i li waatin:

Oseas 5:4

Li xtz'i'b'eetal aj b'aanuhomeb' li tenamit ink'a' nakanab'ank reheb' chi sutq'iik rik'in li xYoseb', xb'aan naq xnumtaak li xmaa'usilaleb' ut ink'a' neke'xnaw ru li Qaawa'.

Oseas 12:3

Naq toj maji' nayo'laak, laj Jakob kixmaq' li xb'een alalb'ejil chiru li ras; ut naq winq chik, kiyalok rik'in li Qaawa' Yos.

Amós 3:1

Ab'ihomaq li naxye li Qaawa' cherix laa'ex aj Israel, jo'k'ihalex li kexwisi chaq sa' li tenamit Ejiipt: