Oseas 3:1 - Q'eqchi Bible

¹ Li Qaawa' kixye wi' chik we: “Ayu wi' chik ut chara jun li ixq aj muxul sumlaak, jalan chik winq naxra. Jo'ka'in naq li Qaawa' naxraheb' laj Israel, us ta eb' a'in neke'xik chirixeb' li jalanil yos ut neke'xtzeka li k'uluj yiib'anb'il rik'in chaqi uub', li mayejanb'il chiruheb' li xyoseb'”.

Li Santil hu

¹ Ut li Ka̱cuaꞌ quia̱tinac cuiꞌchic cuiqꞌuin ut quixye cue: —Chara cuiꞌchic li ixk aꞌan, usta yo̱ chixmuxbal ru lix sumlajic. Ra aꞌan joꞌ nak ninraheb lin tenamit Israel la̱in, usta yo̱queb chixlokꞌoninquil li yi̱banbil dios ut nacuulac chiruheb xcuaꞌbal li caxlan cua yi̱banbil riqꞌuin chaki uvas, li mayejanbil chiruheb lix dioseb, chan li Ka̱cuaꞌ.

Oseas 3:1 ပူးပေါင်းရင်းမြစ်များ

Jeremías 31:20

“Laj Efraín a'an jun alalb'ej jwal loq' cho'q we laa'in, a'an li walal q'axal raaro inb'aan. Us ta ninq'us chi kaw, ab'an junelik wank sa' inch'ool; namayok li waanm chirix, nawil xtoq'ob'aal ru ut jwal ninra -chan li Qaawa'-.

Isaías 45:22

“Sutq'inqex chaq wik'in re naq texinkol, chejunilex li wankatqex chaq sa' xmaril li ruuchich'och', xb'aan naq laa'in li Yos ut maak'a' chik junaq.

Miqueas 7:7

A'ut laa'in kaw nin'oyb'enink rik'in li Qaawa', k'ojk'o linch'ool rik'in li Yos laj kolol we: ninnaw naq A'an taa'ab'inq we.

Oseas 11:8

“Chanru naq tatinkanab', a Efraín? Chanru naq tatintz'eqtaana, a Israel? Ma tatinsach tab'i' jo' xinb'aanu re li tenamit Admá malaj tinb'aanu ta aawe jo' xinb'aanu reheb' laj Seboín xb'aan li xmaa'usilaleb'? Q'axal nayot'e'k li waanm ut namayok linch'ool chawix.

1 Pedro 4:3

Ak naab'al li kutan xenumsi chaq chi xb'aanunkil li nawulak chiruheb' li ink'a' neke'paab'ank: xexwank sa' li jo'maajo'il na'leb', jo' li naxrahi li tz'ejwalej, rik'in num uk'ak num wa'ak, rik'in kalaak ut xloq'oninkileb' ru li yal k'oxlanb'il yos: a'an ink'a' naru xb'aanunkil.

Zacarías 1:16

Jo'kan naq li Qaawa' xye chi jo'ka'in: Twuxtaana wi' chik ru Jerusalén. Tink'e wi' chik chi yiib'aak linloq'laj muheb'aal ut taawaklesiiq wi' chik chixjunil lintenamit, chan li Qaawa'»”.

Jeremías 3:20

Ab'anan jo' junaq ixq naxb'alaq'i li xb'eelom, jo'kan ajwi' naq xineeb'alaq'i laa'ex aj Israel -chan li Qaawa'-.

Salmos 123:2

Jo' laj k'anjel winq kaw na'ilok sa' ruq' laj eechal re, kama' laj k'anjel ixq kaw na'ilok sa' ruq' laj eechal re, jo'kano ajwi' laa'o: kaw li qilob'aal rik'in li Qaawa' li qaYos toj reetal tolril xtoq'ob'aal qu.

1 Corintios 10:21

Ink'a' naru teeruk' xsa' li xsek' li Qaawa' ut xsa' xsek'eb' li maa'us. Ink'a' naru textz'aq rik'in li xmeex li Qaawa' ut rik'in xmeexeb' li maa'us.

Amós 6:6

Nekex'uk'ak b'iin sa'eb' li xninqal sek' ut nekeyul eerib' sa' sununkil b'an jwal chaab'il; ab'an maak'a' nekeraj wi' li xrahilaleb' laj José.

Amós 2:8

Sa'eb' ajwi' li tijob'aal neke'xsotob' rib'eb' chiruheb' li t'ikr li xe'xpatz' cho'q ruuchil li to' tumin, ut neke'uk'ak b'iin chiru xtuminal li toj sa' li wochoch.

Nehemías 9:31

Ut sa' xk'ab'a' xnimal laarahom ink'a' kasacheb' chi junajwa chi moko kakanab'eb' xjunes, xb'aan naq laa'at jun Yos aj uxtaan ut chaab'il laach'ool.

2 Reyes 13:23

Ab'an li Qaawa' kixtoq'ob'a ut kiruxtaana ruheb', kisutq'iik wi' chik rik'ineb' sa' xk'ab'a' li xsumwank rik'in laj Abrahán, laj Isahak ut laj Jakob, ut ink'a' kiraj xsachb'aleb' ru chi junajwa, chi moko kixtz'eqtaanaheb' chalen toj anaqwan.

2 Samuel 6:19

ut chixjunileb' laj Israel, jo' winq ut ixq, ke'xk'ul chi xjunjunqaleb' xkaxlan waheb' jo'wi' jun k'uluj yiib'anb'il rik'in ru che' ut jun chik yiib'anb'il rik'in chaqi uub'. Moqon chixjunileb' koheb' sa' rochocheb'.

Jueces 10:16

Ke'risi eb' li jalanil yos sa' xyanqeb' ut ke'xtikib' wi' chik xloq'oninkil ru li Qaawa'. Ut li Qaawa' ink'a' chik kixkuy rilb'al li rahilal wankeb' wi'.

Jueces 9:27

Eb' a'in koheb' sa' li xna'aj awimq chi sik'ok uub' ut ke'xyatz' re risinkil li xya'al. Chirix chik a'an ke'xtikib' ninq'ehik ut ke'ok sa' rochoch li xyoseb'. Ke'wa'ak, ke'uk'ak ut ke'xmajewa laj Abimélek.

Éxodo 32:6

Sa' li kutan jun chik, toj hik'ho, ke'wakliik ut ke'xyeechi'i xmayejeb' ut k'atb'il xul. Moqon eb' li tenamit ke'chunlaak chi wa'ak chi uk'ak, ut chirix a'an ke'wakliik chi xajok ut chi maakob'k.

1 Corintios 10:7

Mex'okenk chi xloq'oninkil li yal k'oxlanb'il yos jo' wan ke'b'aanunk chaq sa' xyanqeb' a'an, kama' tz'iib'anb'il sa' li Santil Hu: “Eb' li tenamit ke'chunlaak chi wa'ak chi uk'ak, ut chirix a'an ke'wakliik chi xajok ut chi maakob'k”.

San Mateo 26:50

Li Jesus kixye re: —At wamiiw, b'aanu li xatchalk wi'. Toja' naq ke'nach'ok rik'in li Jesus ut ke'xchap.

Oseas 7:5

Sa' xninq'e li awab'ej, neke'yajerk li xninqaleb' ru winq xb'aan li num uk'ak; neke'reetz'u eb' li poyanam, ut li awab'ej naxb'aanu jo' neke'xb'aanu eb' a'an.

Oseas 4:11

“Li ko'b'eetak ut li b'iin neke'sachok na'leb'.

1 Crónicas 16:3

ut chixjunileb' laj Israel, jo' winq ut ixq, ke'xk'ul chixjunqaleb' xkaxlan waheb' jo'wi' jun k'uluj yiib'anb'il rik'in ru che' ut jun chik yiib'anb'il rik'in chaqi uub'.

Cantares 2:5

K'ehomaq inkawub' rik'in k'uluj yiib'anb'il rik'in chaqi uub', k'ehomaq chaq inmansaan re naq tk'ulunq linch'ool, xb'aan naq kamk we chi rahok.

Oseas 2:5

Li xna'eb' kixmux li xyu'am; li ixq li ki'alank reheb' kixsach xloq'al naq kixye: «Tinxik rik'ineb' li neke'rahink we, a'eb' li neke'k'ehok inwa ut wuk'a', jo'wi' linliin ut lintuuxnoq', lin'aseeyt ut linb'iin», chan.