Oseas 2:9 - Q'eqchi Bible

⁹ Jo'kan naq sa' xq'ehil li q'olok tinxok wi' chik lintriiw ut linb'iin, ut tinmaq' chiru lintuuxnoq' ut linliin li xink'e chi raq'un.

Li Santil hu

⁹ Joꞌcan nak saꞌ xkꞌehil li kꞌoloc, la̱in incꞌaꞌ chic tinqꞌue re li trigo ut li vino. Tinmakꞌ chiru li tꞌicr lana ut lino li xinqꞌue re, re li rakꞌ.

Oseas 2:9 ပူးပေါင်းရင်းမြစ်များ

Malaquías 3:18

Toja' naq laa'ex teenaw wi' chik b'ar wank li tiik xch'ool ut li ink'a' us xna'leb', li nak'anjelak chiru li Yos ut li ink'a' napaab'ank chiru”.

Malaquías 1:4

Wi ta eb' laj Esaú te'xye: “Yaal naq xoosache'k, ab'an tqawaklesi wi' chik li qatenamit”, cha'qeb', li Qaawa', li Nimajwal Yos, tixye: “Wi eb' a'an te'xwaklesi wi' chik li xtenamiteb', laa'in tinjuk'uq wi' chik re. Ut li na'ajej a'an tixk'ab'a'in: «Xtenamitul li maa'usilal», ut «Tenamit b'arwi' junelik wanq li xjosq'il li Qaawa'»”.

Oseas 2:3

Wi ink'a' tixkanab' xb'aanunkil, laa'in tinkanab' sa' xutaan ut chi t'ust'u, jo' naq kiyo'laak; jo' li chaqich'och' tkanaaq ut chi pojtz' ch'och', re naq taakamq xb'aan xmajelal li ha'.

Sofonías 1:13

Jo'kan naq taa'elq'aaq li xb'ihomaleb' ut taajuk'manq li rochocheb'. Xe'yiib'ank ochoch, ab'an ink'a' te'wanq chisa'; xe'awk uub', ab'an ink'a' te'uk'aq b'iin”.

Joel 2:14

Mare anchal taaril xtoq'ob'aal eeru ut texrosob'tesi wi' chik: tixtaqla chaq eetriiw ut eeb'iin cho'q eemayej chiru li Qaawa' leeYos.

Oseas 9:2

Ab'anan ink'a' chik taawanq laatriiw ut laa'uub', ut maak'a'aq chik li ak' b'iin li taawuk' raj.

Oseas 8:7

Chanchan naq xex'awk sa' li iq', ut a' chik li kaqsut-iq' teetaw. Li k'aru xeraw, ink'a' taa'uuchinq; ut wi taa'uuchinq, jalaneb' chik te'yaloq xsahil.

Daniel 11:13

Li awab'ej re Siria tixch'utub' wi' chik naab'aleb' laj puub' chi q'axal yo'oon wi' chik chiruheb' li xb'enwa, ut sa' wiib' oxib' chihab' chik taaxik chi yalok rochb'een k'iila o'q'ob' chi aj puub' ut jwal kawresinb'ilaqeb' chik.

Ezequiel 23:26

Te'xmaq'i laab'aatal chawu ut te'risi eb' laachaab'il q'ol.

Ezequiel 16:39

Tatinq'axtesi sa' ruq'eb', re naq eb' a'an te'juk'uq re eb' li na'ajej katmaakob'k wi' ut te'xsach ru eb' laatijob'aal. Te'xmaq'i laab'aatal, te'xsaapu laasahil eechej ut tik t'ust'u tate'xkanab'.

Ezequiel 16:27

«Toja' naq kintaqsi li wuq' sa' aab'een charahob'tesinkil. Kinjeb' laatzekemq ut katinq'axtesi sa' ruq'eb' laj Filistea, li q'axal xik' nakate'ril ut neke'xutaanak xb'aan laatz'i'b'eetalil yu'am.