Oseas 2:7 - Q'eqchi Bible

⁷ Tixtaaqeheb' li xsum, ab'an ink'a' toxtaweb'; tixsik'eb', ab'an maab'ar tixtaweb'. Toja' naq tixye: «Tinsutq'iiq wi' chik rik'in linb'eelom, xb'aan naq sa ajwi' xinwank rik'in chiru anaqwan», cha'aq.

Li Santil hu

⁷ Tixyal xkꞌe chixsicꞌbal ani ta̱rahok re. Abanan incꞌaꞌ chic tixtau. Ut riqꞌuin aꞌan ta̱yotꞌekꞌ xchꞌo̱l ut tixye: —Tinsukꞌi̱k cuiꞌchic riqꞌuin lin be̱lom. Kꞌaxal us nak xincuan riqꞌuin chiru nak cuanquin anakcuan, chaꞌak.

Oseas 2:7 ပူးပေါင်းရင်းမြစ်များ

Jeremías 2:2

“Ayu ut jap aawe chi aatinak sa' xxikeb' laj Jerusalén: Jo'ka'in xye li Qaawa': Nakatjultiko'k we naq sa' laasaajilal jwal k'ojk'o laach'ool chiwix. Q'axal kinaara naq kinsumlaak aawik'in, ut kinaataaqe sa' li chaqich'och', sa' li joxk' na'ajej b'arwi' maak'a' nayo'laak.

Oseas 5:13

“Naq laj Efraín tixk'e reetal li xyajel ut laj Judá taaril li xtiq'ilal, toja' naq laj Efraín taaxik Asiria ut laj Judá tixpatz' xtenq'ankil re li nimajwal awab'ej; ab'an a'an ink'a' taaruhanq chi xk'irtasinkileb' chi moko xb'anb'aleb'.

Oseas 13:6

“Ab'an naq ke'wa'ak ut ke'nujak, kiq'etq'eto'k chik li xch'ooleb' ut kine'xtz'eqtaana.

Ezequiel 23:4

Li chaq'na'b'ej x'Oholá xk'ab'a', ut li iitz'inb'ej x'Oholibá nayeemank re. Chi xkab'ichaleb' ke'wank cho'q wixaqil, ut ke'wank walal ink'ajol rik'ineb'. Lix Oholá a'an Samaria ut lix Oholibá a'an Jerusalén.

Jeremías 14:22

Ma wank tab'i' junaq xyoseb' li najtil tenamit li nataqlank chaq li hab'? Ma nachalk tab'i' li musmus hab' sa' choxa yal xjunes rib'? Ink'a', at Qaawa', at qaYos! Laa'at nakattaqlank chaq re, laa'at nakatb'aanunk re chixjunil a'an. Jo'kan naq aawik'in nokoo'oyb'enink chi junelik.

Oseas 14:1

At aj Israel, sutq'in wi' chik rik'in li Qaawa' laaYos, xb'aan naq laamaak xt'anok aawe.

Oseas 5:15

“Chirix chik a'an tinsutq'iiq wi' chik sa' linna'aj, toj reetal te'xk'e reetal li xmaakeb' ut toline'xsik'. Naq wanqeb' sa' rahilal, relik chi yaal naq toline'xsik'”.

Daniel 5:21

Ki'isiik sa' xyanqeb' li poyanam ut kiwank jo' junaq xul; kiwank chaq sa' xyanqeb' li k'iche'il xul ut kiwa'ok pim jo'eb' li wakax. Kit'aqresiik xb'aan li xchu'ke, toj reetal kixk'e reetal naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e xwankil li naraj wi' xk'eeb'al.

Daniel 4:32

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut jo'kan tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e li wankilal re li ani naraj wi' xk'eeb'al”.

Daniel 4:25

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut tatxt'aqresi li xchu'ke. Jo'ka'in naq tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e xwankil li naraj wi' xk'eeb'al.

Daniel 4:17

A'an a'in li raqb'a aatin xxaqab'aak xb'aaneb' laj santil k'aak'alenel, re naq taanawmanq xb'aaneb' chixjunileb' li poyanam naq li Nimajwal Yos nataqlank sa' xb'eeneb' li x'awab'ejihom li ruuchich'och': naxk'e xwankil li naraj wi' xk'eeb'al ut naxterq'usi xloq'al li jwal kub'enaq xwankil sa' xyanqeb' chixjunil li poyanam».

Ezequiel 23:22

Jo'kan naq laa'in, li Qaawa', ninye chi jo'ka'in: Eb' li xe'rahink aawu ut nakayib'eb' anaqwan, te'kanaaq cho'q aj xik' ilol aawe, ut yalaq b'ar te'chalq chaq re aasutb'al:

Ezequiel 20:32

Sa' eech'ool laa'ex naq kama'aqex eb' li tenamit junch'ol, jo'kaqex eb' li poyanam li neke'loq'onink che' ut pek; ab'anan a'an maajoq'e taak'ulmanq.

Ezequiel 16:18

Kalaneb' rik'in laachaab'il aq' ut kamayeja lin'aseeyt jo'wi' linpom chiruheb' a'an.

Ezequiel 16:8

«Naq kinnume'k wi' chik chak'atq, katinka'ya: ak tz'aqalat chik chi k'ame'k. Toja' naq katinlan sa' linb'aatal re aatz'apb'al, ut kinyeechi'i wib' rik'in jurament. Kink'e wib' sa' aatin aawik'in ut katweechani -chan li Qaawa'-.

Jeremías 31:32

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq Ejiipt. Eb' a'an ke'xsach xwankil linSumwank, us ta laa'in laj eechal reheb' -chan li Qaawa'-.

Jeremías 31:18

Xwab'i chi tz'uyink laj Efraín: «Xinaatij, at Qaawa', ab'an xinaatij chi kaw jo' naxk'ul junaq saaj wakax ink'a' tuulanob'resinb'il. Kanab'in chi sutq'iik ut tinsutq'iiq wi' chik aawik'in, xb'aan naq laa'at li Qaawa', linYos.

Jeremías 2:36

K'a'ut naq sa' junpaat nakajal laana'leb'? Eb' laj Ejiipt ajwi' tate'xkanab' sa' xutaan jo' naq xate'xkanab' sa' xutaan eb' laj Asiria.

Jeremías 2:28

B'ar wankeb' laayos li xayiib' rik'ineb' laawuq', a Judá? K'ajo'eb' laayos, chanchan xk'ihaleb' laatenamit! Chalqeb' b'i' a'an re rilb'al ma te'ruuq chakolb'al naq wanqat sa' rahilal.

Isaías 30:16

ut xeye chi jo'kan: “Ink'a', jwal us too'eleliq chirix kawaay”. Us b'i', elelinqex! Xeye ajwi': “Too'eleliq sa' b'eleb'aal ch'iich' li kaw neke'xik”. Us a'an, jo'kanaqeb' ajwi' li te'aanilasinq eere!

Salmos 116:7

K'ojk'o li waanm anaqwan xb'aan naq li Qaawa' xrusila wu.

Jeremías 3:1

“Qayehaq: wi junaq winq naxkanab' li rixaqil ut li ixq na'elk ut nasumlaak rik'in jalan chik, ma naru taasutq'iiq wi' chik rik'in li xwank cho'q xb'eelom? A'an q'axal xutaanal cho'q re chixjunil li tenamit. Jo'kan b'i', a Israel, laa'at xamux aawib' rik'in naab'aleb' li xe'rahink aawu, ut anaqwan taawaj wi' chik sutq'iik chaq wik'in!

Oseas 2:16

Sa' li kutan a'an tixye we: «At inb'eelom», cha'aq; ut ink'a' chik: «At inBahal».

2 Crónicas 28:23

Kimayejak chiruheb' li xyoseb' laj Damaask, xb'aan kixye sa' xch'ool: “Li xyoseb' li awab'ej re Aram neke'xtenq'aheb'. Jo'kan naq tinmayejaq chiruheb' re naq tine'xtenq'a ajwi' laa'in”, chan sa' xch'ool. A'aneb' li ke'sachok xwankil laj Ajás jo' ajwi' xwankil chixjunileb' laj Israel.

Jeremías 44:17

tqab'aanu b'an chixjunil li wank sa' qach'ool xb'aanunkil. Toj yooqo chi xmayejankil k'ajpom ut b'iin chiru li xNa' li choxa, jo' naqab'aanu chalen toj anaqwan, jo' ke'xb'aanu chaq eb' li qana' qayuwa', eb' li awab'ej ut eb' li xjolomileb' li qatenamit sa' xteepal Judá ut sa'atqeb' li b'e re Jerusalén. Xb'aan naq junxil chaq k'ajo' li qatzekemq, jwal us koowank ut maajun rahilal kiqataw.

Ezequiel 23:12

Kixq'axtesi ajwi' rib' reheb' laj Asiria, reheb' laj jolominel jo'wi' reheb' li ruuchil awab'ej, rechkab'aleb', tiqtookeb' chi chaab'il; chixjunileb' a'an junes saaj winqeb', chaab'il rilb'aleb' ut neke'b'eek chirix kawaay.

Oseas 1:2

Jo'ka'in naq kixtikib' aatinak li Qaawa' chi xtz'uumal re laj Oseas. Li Qaawa' kixye re laj Oseas: “Ayu ut sumlan rik'in junaq ixq aj yumb'eet, ut chiwanq leeralal eek'ajol, xb'aan naq li tenamit xe'po'k xna'leb' chi junajwa, ut tik xe'najto'k wik'in, jo'keb' laj yumb'eet”.