Oseas 2:4 - Q'eqchi Bible

⁴ Ink'a' tintoq'ob'a ruheb' li ralal xk'ajol xb'aan naq ralaleb' li yumb'eetak.

Li Santil hu

⁴ Incꞌaꞌ tincuil xtokꞌoba̱l ruheb li ralal xcꞌajol,

Oseas 2:4 ပူးပေါင်းရင်းမြစ်များ

Oseas 1:6

Lix Gómer kikanaak wi' chik sa' yu'am ut kiyo'laak jun xch'ina ixqa'al. Ut li Qaawa' kixye re laj Oseas: “«Ink'a' uxtaananb'il ru» taak'e cho'q xk'ab'a', xb'aan naq ink'a' chik twuxtaana ru eb' laj Israel, ut xeb'intz'eq chirix inch'ool.

Oseas 1:2

Jo'ka'in naq kixtikib' aatinak li Qaawa' chi xtz'uumal re laj Oseas. Li Qaawa' kixye re laj Oseas: “Ayu ut sumlan rik'in junaq ixq aj yumb'eet, ut chiwanq leeralal eek'ajol, xb'aan naq li tenamit xe'po'k xna'leb' chi junajwa, ut tik xe'najto'k wik'in, jo'keb' laj yumb'eet”.

Ezequiel 8:18

K'ajo' linjosq'il sa' xb'eeneb'! Ink'a' twil xtoq'ob'aal ruheb' chi moko tinkuy li xmaakeb'. Us ta te'xjap re chi xyaab'ankil link'ab'a', ab'an laa'in ink'a' twab'iheb'”, chan li Qaawa'.

Jeremías 13:14

Chirix chik a'an tink'eheb' chi xteninkileb' rib' chirib'ileb' rib': li na'b'ej yuwa'b'ej rik'in li alal k'ajolb'ej, jo' naq najore'k junaq kuk. Ink'a' tintoq'ob'a ruheb', chi moko tinkuy xmaakeb' malaj twil xtoq'ob'aal ruheb' naq teb'insach»”, chan li Qaawa'.

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

Romanos 11:22

K'e reetal naq chaab'il li Yos, ab'anan kaw ajwi' na'aatinak. Kaw na'aatinak rik'ineb' li ke't'ane'k, ab'an k'ajo' xchaab'ilal aawik'in wi junelik wanqat sa' li xchaab'ilal. Wi ink'a' jo'kan, tat-isiiq ajwi' laa'at.

Romanos 9:18

Jo'kan utan, li Yos naruxtaana ru li ani naraj ruxtaanankil ru, ut naxjipob'resi xch'ool li ani naraj xjipob'resinkil.

San Juan 8:41

Laa'ex nekeb'aanu li naxb'aanu leeyuwa'. Ke'xye ut re: —Laa'o ink'a' xooyo'laak sa' muxuk ib'; jun ajwi' li qayuwa': a'an li Yos!

Zacarías 1:12

Ut li x'ánjel li Qaawa' kixye: “At Nimajwal Yos, ak wank lajeeb' xkaak'aal chihab' yo laajosq'il sa' xb'een Jerusalén ut Judá. Toj jo'q'e taawuxtaana ruheb'?”.

Ezequiel 9:10

Jo'kan naq laa'in ink'a' twil xtoq'ob'aal ruheb' chi moko tinkuy li xmaakeb'; anaqwan tinraq aatin sa' xb'eeneb' jo' chanru li xyehom ut xb'aanuhomeb'”, chan li Qaawa'.

Jeremías 16:5

Li Qaawa' kixye wi' chik we: “Mat-ok sa' junaq ochoch b'arwi' yo li yo'lenk kamenaq. Matyaab'ak chirixeb' li kamenaq chi moko taak'ojob' xch'ooleb', xb'aan naq sa' li tenamit a'in xwisi linrahom, lintuqtuukil usilal ut li wuxtaan -chan li Qaawa'-.

Isaías 57:3

Kimqex arin, laa'ex ralal xk'ajol laj tuul, ex riyajil laj yumb'eet ut laj muxul sumlaak.

Isaías 27:11

Naq eb' li ruq' che' neke'chaqik, neke'toqiik; toja' naq neke'chalk eb' li ixq ut neke'xtz'ab' xxameb' chiru. Li tenamit a'an maak'a' xna'leb', jo'kan naq Li kiyoob'tesink re, laj Winqob'resihom re, ink'a' taaril xtoq'ob'aal ru.

2 Reyes 9:22

Naq laj Jorán kiril ru laj Jehú, kixpatz' re: “Ma re tuqtuukilal xatchalk, a Jehú?”, chan. Kichaq'ok laj Jehú: “K'aru chi tuqtuukilal taawanq naq lix Jesabel laana' toj yo chi xb'aanunkil li maa'usilal ink'a' nawulak chiru li Qaawa' ut k'ajo' chi tuulak?”, chan.

Ezequiel 23:25

Twisi linjosq'il sa' aab'een re naq kaw tate'xrahob'tesi: te'xset laawu'uj ut eb' laaxik; ut eb' li te'kole'q sa' xyanqeb' laakomon, te'kamsiiq chi ch'iich'. Te'relq'a eb' laawalal aak'ajol, ut eb' li te'kanaaq aawik'in, xam taasachoq reheb'.

Oseas 5:7

Xe'xtz'eqtaana li Qaawa' ut xe'xsiya eb' li yal sik'b'il k'uula'al. Jo'kan naq chiru jun po te'sache'q ru rochb'eeneb' li rawimqeb'.

Isaías 50:1

Jo'ka'in kixye li Qaawa': “Ma wank b'araq li xhuhil li jachok ib', reetalil naq xintz'eqtaana leena'? Malaj xexink'ayi ta laa'ex, re xtojb'al link'as? K'ehomaq reetal naq laa'ex xexk'ayiik xb'aan leemaak; xb'aan ajwi' leeq'etb'a aatin xtz'eqtaanaak leena'.