Oseas 2:19 - Q'eqchi Bible

¹⁹ Laa'in tatink'am wik'in chi junajwa; ut laa'ataq li wixaqil sa' tiikilal ut jo' aak'ulub', xb'aan naq nawil xtoq'ob'aal aawu ut jwal nakatinra.

Li Santil hu

¹⁹ Joꞌcaꞌin quixye li Ka̱cuaꞌ reheb lix tenamit: —La̱ex aj Israel, chanchanex li cuixakil. Texincꞌam chi jun aj cua cuiqꞌuin. Texincꞌam saꞌ ti̱quilal ut saꞌ xya̱lal. Junelic texinra ut tincuuxta̱na e̱ru.

Oseas 2:19 ပူးပေါင်းရင်းမြစ်များ

2 Corintios 11:2

Xb'aan naq xexinsi re sumlaak rik'in jun chi b'eelomej re eexaqab'ankil chiru li Kriist jo' jun tuq'ixq saq ru xch'ool.

Apocalipsis 21:2

Ut kiwil li santil tenamit, a' li ak' Jerusalén, yo chaq chi kub'eek sa' choxa rik'in li Yos, jo' jun li ixq ok re chi sumlaak, tiqib'anb'il chi us cho'q re li xb'eelom.

Isaías 54:14

K'ojk'ooqat sa' xb'een li tiikilal, kolb'ilaqat chiru li rahob'tesiik ut li xiwak, ut maajun chik taaxib'esinq aawe.

Salmos 85:10

Nach' chik wank li kolb'a ib' cho'q reheb' li neke'paab'ank re; li xloq'al li Qaawa' taahilanq sa' qana'aj.

Romanos 7:4

Jo'kan utan, ex was wiitz'in, laa'ex ajwi' xexkanaak chi kamenaq chiru xChaq'rab' laj Moisés sa' xk'ab'a' xkamik li Kriist, re naq jalan chik taa'eechaninq eere: a' Li kiwaklesiik wi' chik chi yo'yo sa' xyanqeb' li kamenaq re naq laa'o too'uuchinq cho'q re li Yos.

San Juan 3:29

Li ani aj ik'in wank li ixaqilb'ej a'an li b'eelomej; ut li ramiiw li b'eelomej li nawank aran ut narab'i, k'ajo' naq nasaho'k sa' xch'ool chi rab'inkil xyaab' xkux li b'eelomej. A'an a'in li xsahil inch'ool, ut ak tz'aqlojenaq chik ru.

Ezequiel 39:29

Ink'a' chik teb'inkanab' xjuneseb', xb'aan naq xinhoy linmusiq' sa' xb'eeneb' li ralal xk'ajol laj Israel. Laa'in li Qaawa' ninye li waatin”.

Isaías 1:27

Xb'aan lintiikilal tinkol Jerusalén jo'wi' eb' li te'raj sutq'iik wik'in.

Joel 3:20

A'ut Judá k'ojk'ooq chik chi junajwa ut Jerusalén wanq junq'e junq'e kutan.

Isaías 54:5

Xb'aan naq laasum'aatin a'an laj Yoob'tesihom aawe, li Nimajwal Yos xk'ab'a'; li xSant laj Israel a'an laj kolol aawe: “xYos chixjunil li ruuchich'och'” naxk'ab'a'in.

Jeremías 4:2

wi taaye aajurament sa' xk'ab'a' li Qaawa' rik'in li yaal, li tiikilal ut tiikil ch'oolej, sa' xk'ab'a' a'an osob'tesinb'ilaqeb' chixjunil li tenamit ut te'nimaaq xloq'al chi junelik”.

Isaías 54:6

Laa'at chanchanat jun li ixaqilb'ej naq xatwank, jo' jun li ixq kanab'anb'il xb'aan li xb'eelom ut ra sa' xch'ool; ab'an anaqwan xatxb'oq wi' chik li Qaawa' ut naxye aawe: “Ma naru xtz'eqtaanankil li ixq sik'b'il chaq ru sa' linsaajilal?

Ezequiel 16:8

«Naq kinnume'k wi' chik chak'atq, katinka'ya: ak tz'aqalat chik chi k'ame'k. Toja' naq katinlan sa' linb'aatal re aatz'apb'al, ut kinyeechi'i wib' rik'in jurament. Kink'e wib' sa' aatin aawik'in ut katweechani -chan li Qaawa'-.

Oseas 14:4

Ut li Qaawa' tixye: “Twisi chixjunil li xq'etq'etil laj Israel, ut q'axal tinra chi anchal inch'ool; xb'aan naq maak'a' chik injosq'il sa' xb'een.

Zacarías 13:2

“Sa' li kutan a'an tinsachi li xk'ab'a'eb' li jalanil yos, sa' xteepal Judá, re naq maajun chik taajultikanq reheb'. Tinsacheb' ajwi' li propeet aj b'alaq' ut eb' li maa'us aj musiq'ej -chan li Nimajwal Yos-.