Oseas 2:13 - Q'eqchi Bible

¹³ Tolinrahob'tesi li ixq a'an xb'aan naq xk'atok k'ajpom chiruheb' laj Bahal, xtiqib' rib' chi chaab'il rik'in matq'ab' ut q'ol ut xkoho chirixeb' li neke'rahink re, chi ink'a' chik nikinxk'oxla laa'in li Qaawa' -chan li Yos-.

Li Santil hu

¹³ La̱in tinqꞌue chixtojbal xma̱c a ixk aꞌin li quinixtzꞌekta̱na ut quixcꞌat li pom chiru laj Baal. Kꞌaxal chꞌinaꞌus nak quixtikib rib nak quixqꞌue li xcaꞌ xic oro ut quixqꞌue lix matkꞌab ut lix kꞌol ut co̱ chirixeb li cui̱nk li nequeꞌrahoc re ut incꞌaꞌ chic niquinixcꞌoxla la̱in li Ka̱cuaꞌ.

Oseas 2:13 ပူးပေါင်းရင်းမြစ်များ

Oseas 13:6

“Ab'an naq ke'wa'ak ut ke'nujak, kiq'etq'eto'k chik li xch'ooleb' ut kine'xtz'eqtaana.

Jueces 3:7

Eb' laj Israel ke'xb'aanu li k'aru ink'a' nawulak chiru li Qaawa', xb'aan naq kisachk sa' xch'ooleb' li Qaawa' li xYoseb', ut a' chik eb' laj Bahal ut lix Aserá ke'xloq'oni ru.

Oseas 13:1

Naq neke'aatinak eb' laj Efraín junxil, chixjunileb' neke'xiwak. K'eeb'il xwankileb' sa' xyanqeb' laj Israel. Ab'an ke'maakob'k naq ke'xloq'oni laj Bahal; jo'kan naq ke'kamk.

Oseas 11:2

A'ut naq q'axal kinra, jwal kixnajtob'resi chik rib' wik'in: lintenamit neke'mayejak chiruheb' laj Bahal ut neke'xk'at xpom chiruheb' li jalanil yos.

Jeremías 7:9

Nekex'elq'ak, nekekamsi leeras eeriitz'in, nekexmuxuk sumlaak, nekexyehok jurament sa' tik'ti', nekexmayejak chiruheb' laj Bahal ut nekeloq'oni ruheb' li yos ink'a' eenawomeb' ru.

Oseas 9:7

Ak xwulak xkutankil li raaxiik'; xwulak chik xq'ehil li xtojb'al rix leemaak! Eb' laj Israel tento te'xnaw a'an. Laa'ex nekeye: “Maak'a' xna'leb' li propeet. Li xtaql li Yos xkaano'k ru”, chankex. Ab'an nekeye chi jo'kan, xb'aan naq numtajenaq leemaa'usilal ut q'axal xik' nikineril.

Oseas 8:14

Eb' laj Israel xe'xyiib' naab'al li xninqal ru ochoch, ut xsachk sa' xch'ooleb' laj Yoob'tesihom reheb'. Eb' laj Judá xe'xsuttz'aki naab'aleb' li tenamit; a'ut laa'in tink'eheb' xxamlel, ut te'k'ate'q chixjunileb' li xchaq'alil ru ochoch”.

Oseas 4:6

Yo chi kamk lintenamit xb'aan naq ink'a' neke'xnaw wu. Ut laa'at, aj tij, xatz'eqtaana xnawb'al wu, jo'kan naq tatwisi sa' laak'anjel. Xb'aan naq xatz'eqtaana li xchaq'rab' laaYos, laa'in ajwi' teb'intz'eq chirix inch'ool eb' laawalal aak'ajol.

Oseas 4:13

Neke'xik chi mayejak sa' xjolomeb' li tzuul ut sa' xb'eeneb' li b'ool neke'k'atok k'ajpom; jo'kan ajwi' neke'xb'aanu rub'eleb' li xninqal che', xb'aan naq sa neke'hilank rub'el li xmuheb' a'an. Eb' leerab'in neke'yumb'eetak ut eb' leeralib' neke'xmux li xsumlajikeb'.

Oseas 2:7

Tixtaaqeheb' li xsum, ab'an ink'a' toxtaweb'; tixsik'eb', ab'an maab'ar tixtaweb'. Toja' naq tixye: «Tinsutq'iiq wi' chik rik'in linb'eelom, xb'aan naq sa ajwi' xinwank rik'in chiru anaqwan», cha'aq.

Oseas 2:5

Li xna'eb' kixmux li xyu'am; li ixq li ki'alank reheb' kixsach xloq'al naq kixye: «Tinxik rik'ineb' li neke'rahink we, a'eb' li neke'k'ehok inwa ut wuk'a', jo'wi' linliin ut lintuuxnoq', lin'aseeyt ut linb'iin», chan.

Ezequiel 23:35

“Jo'kan naq laa'in, li Qaawa', ninye chi jo'ka'in: Sa' xk'ab'a' naq xinaatz'eq chirix laach'ool ut xinaakanab', jo'kan naq taatoj rix laamaa'usilal ut laayib' aj b'aanuhom”.

Ezequiel 22:12

Wankeb' neke'tuminaak ru chi xkamsinkileb' li poyanam, ut numtajenaq ral li to' tumin neke'xpatz'; neke'xtawasi eb' li ras riitz'ineb' ut neke'xmaq' sa' josq'il li k'a'aq ru reheb', ut xine'xtz'ek laa'in chirix xch'ooleb' -chan li Qaawa'-.

Ezequiel 16:17

Kaxokeb' laachaab'il eechej oor ut plaat li ink'ehom aawe, kayiib' xjalam uheb' li winq ut kamux aawib' rik'ineb' naq kaloq'oniheb' ru.

Jeremías 23:2

Jo'ka'in kixye li Qaawa', li xYos laj Israel, chirixeb' li neke'ilok re li xtenamit: “Laa'ex xexcha'cha'ink reheb' linkarneer, xek'eheb' chi elelik ut ink'a' xerileb'. Jo'kan naq laa'in texink'e chi xtojb'al rix leemaak -chan li Qaawa'-.

Jeremías 18:15

Ab'an lintenamit xinxtz'eq chirix li xch'ool, ut namayejak chik k'ajpom chiruheb' li jalanil yos. Xe'tichk'ok ut xe'xkanab' li chaab'il b'e ink'utum chiruheb' junxil, ut a' chik li ink'a' usil b'e ke'ok xtaaqenkil li ink'a' xnawomeb' ru.

Jeremías 11:13

K'ajo' xyoseb' laj Judá jo' xk'ihaleb' li xtenamit; ut li xk'ihal li x'artaleb' laj Jerusalén re k'atok k'ajpom chiruheb' laj Bahal, kama' li xk'ihaleb' li b'e wank aran.

Jeremías 2:32

Ma nasachk tab'i' sa' xch'ool junaq tuq'ixq li xchaab'il b'aatal, malaj li sum'anmej ink'a' chik najultiko'k re li xsahob' ru? Ab'an lintenamit ak najter ninsachk sa' li xch'ool.

Isaías 17:10

Xb'aan naq xatz'eqtaana li Yos, laj kolol aawe, ut xsachk sa' laach'ool naq A'an li nak'ehok aakawilal. Jo'kan naq xawaw eb' li ch'ina'usil awimq rik'in jalanil iyaj li chalenaq sa' ab'l tenamit.

Salmos 106:21

Kisachk sa' xch'ooleb' li Yos laj Kolol reheb', li kixb'aanu chaq xninqal eetalil aran Ejiipt:

Salmos 106:13

Ab'an sa' junpaat kisachk sa' xch'ooleb' li xb'aanuhom, ink'a' ke'xk'uula sa' xch'ooleb' li xnimal xk'a'uxl li Yos.

Salmos 78:11

Kilajsachk sa' xch'ooleb' li k'aru kixb'aanu li Qaawa', eb' li xninqal ru b'aanuhom kixk'ut chiruheb',

Li xHu LAJ JOB 8:13

Kama' a'an te'xk'ul li ink'a' useb' xna'leb', a'eb' li nasachk li Yos sa' xch'ooleb': maak'a' te'xtaw naq te'kamq.

2 Reyes 21:3

Kixyiib' wi' chik eb' li tijob'aal sa' xjolomeb' li tzuul, li kixjuk'eb' laj Esekías li xyuwa'. Kixxaqab'eb' li x'artal laj Bahal ut kixyiib' ajwi' jun xjalam u lix Aserá, jo' li kixyiib' laj Ajab, awab'ej re Israel. Kixwiq'ib' rib' chiruheb' li xsaqenkil ru li choxa ut kixloq'oniheb',

2 Reyes 10:28

Jo'ka'in naq laj Jehú kixsach ru laj Bahal sa' li tenamit Israel.

2 Reyes 1:2

Sa' jun kutan laj Okosías kit'ane'k chaq sa' xb'entaanil sa' xkab' k'ojaril li rochoch li wank aran Samaria, ut kixtiq' rib'. Toja' naq kixtaqlaheb' xtaql ut kixye reheb': “Ayuqex chi patz'ok rik'in laj Bahal-Sebub, xyoseb' laj Ekrón, re xnawb'al ma tink'iraaq chiru lintiq'ilal a'in”, chan.

1 Samuel 12:9

A'ut eb' a'an ke'sachk sa' xch'ool li Qaawa' li xYoseb', jo'kan naq A'an kixq'axtesiheb' sa' ruq' laj Sísara, xjolomileb' laj puub' re laj Jasor, jo' ajwi' sa' ruq'eb' laj Filistea ut li awab'ej re Mohab, li ke'yalok rik'ineb'.

Jueces 10:6

Ab'anan eb' laj Israel ke'ok wi' chik chi xb'aanunkil li ink'a' nawulak chiru li Qaawa': ke'xloq'oniheb' laj Bahal ut eb' lix Astarté, jo' ajwi' li xyoseb' laj Aram ut Sidón, li xyoseb' laj Mohab, li reheb' laj Amón ut reheb' laj Filistea. Ke'xtz'eqtaana li Qaawa' ut ink'a' chik ke'k'anjelak chiru.

Deuteronomio 32:18

“At Israel, xsachk sa' aach'ool li Saqoonak, laj Yoob'tesinel aawe; xatz'eqtaana li Yos li kisiyank aawe.

Deuteronomio 6:12

Naq akaq xatwa'ak ut xk'ojlaak laach'ool, misachk sa' laach'ool li Qaawa' li ki'isink chaq aawe sa' li tenamit Ejiipt, b'arwi' katwank chaq chi munil.

Éxodo 32:34

Ayu ut k'ameb' li tenamit b'arwi' xinye aawe; k'amolb'ehaq chawu lin'ánjel. Ab'an naq taawulaq xq'ehil, tinrahob'tesiheb' xb'aan naq xe'maakob'k”.

Isaías 65:7

chirix leemaa'usilal laa'ex jo'wi' chirix li xmaakeb' leena' leeyuwa'. Eb' a'an xe'k'atok k'ajpom sa'eb' li tzuul ut xine'xmajewa sa' xb'eeneb' li b'ool; jo'kan naq tink'e li xq'ajkamunkileb' chi tz'aqal re ru”, chan li Qaawa'.

Ezequiel 16:12

Kink'e jun matq'ab' sa' laawu'uj ut kinsi aaka'xik jo' ajwi' jun aakoroon chajolom k'ajo' xch'ina'usal.

Jeremías 7:34

Tinsach li sahil ch'oolejil sa'eb' li tenamit re Judá ut sa'eb' li b'e re Jerusalén; ink'a' chik taa'ab'iiq li b'ichank na'uxk sa' xkutankil li sumlaak. Xb'aan naq nakirirnak taakanaaq chixjunil li na'ajej”.

Lamentaciones 1:4

Jwal ra rilb'aleb' li b'e neke'xik aran Sión: maa'ani chik nachalk chi ninq'ehik. Maa'ani wank chiruheb' li rokeb'aal li tenamit. Neke'yaab'ak eb' laj tij, neke'huyhutk eb' li tuq'ixq, ut q'axal ra xch'ooleb' chixjunileb' laj Jerusalén.

Lamentaciones 5:14

Eb' li ak cheekeb' ink'a' chik neke'k'ojlaak sa' rokeb'aal li tenamit, ut eb' li saaj al ink'a' chik neke'b'ichank.

Amós 8:10

Tink'e naq leeninq'e taakanaaq cho'q rahil ch'oolej ut chixjunil leeb'ich cho'q tz'uyink. Tink'e naq chejunilex teeb'at eerib' sa' q'es ruhil t'ikr ut teejo leejolom xb'aan xrahil eech'ool. Texyaab'aq jo' tawi' xkamk leeralal jun chirib'il, ut chixjunil junes rahilal toxraqe'q wi'.