Oseas 14:2 - Q'eqchi Bible

² Sutq'inqex rik'in li Qaawa' ut yehomaq re: “At Qaawa', kuy chixjunil li qamaak ut k'ulub'a li us xqab'aanu. Cho'q ruuchil li kok' wakax tootijoq ut toob'ichanq chawu.

Li Santil hu

² Chexsukꞌi̱k cuiꞌchic riqꞌuin li Ka̱cuaꞌ ut joꞌcaꞌin te̱ye re: —Chacuy chasach taxak li kama̱c. Chasume taxak li katij. Li kamayej li takaqꞌue a̱cue, aꞌan la̱ lokꞌoninquil.

Oseas 14:2 ပူးပေါင်းရင်းမြစ်များ

Hebreos 13:15

Sa' xk'ab'a' li Jesus qamayejaaq ut qayeechi'iiq junelik li qatij re li Yos, naraj naxye, a' li xk'anjel li xtz'uumal qe li naqanima wi' li xk'ab'a'.

Li xHu LAJ JOB 7:21

K'a'ut naq ink'a' nasachk sa' laach'ool linmaak ut taakuy li xinmaakob'k wi'? Chi seeb' wanqin chi jiljo sa' ch'och': tinaasik', ab'an ink'a' chik wanqin.

1 Juan 3:5

Nekenaw naq li Jesukriist kolxk'ut rib' re risinkil li maak; nekenaw ajwi' naq A'an maak'a' xmaak.

1 Pedro 2:5

Laa'ex ajwi', jo'qex li yo'yookil pek, chek'e eerib' chi kab'laak cho'q musiq'ejil ochoch, re naq laa'exaq aj tij sa' santilal, re q'axtesink mayej sa' li Musiq'ej, a' li naxk'ulub'an xch'ool li Yos sa' xk'ab'a' li Jesukriist.

2 Timoteo 1:9

li kooxkol ut kooxb'oq rik'in jun qasantil b'oqb'al, maawa' xb'aan qab'aanuhom, rik'in b'an naq kiraj xch'ool ut sa' xk'ab'a' li rusilal li kixsi qe sa' xk'ab'a' li Kristo Jesus junxilaj naq toj maji' kitiklaak li ruuchich'och'.

San Lucas 18:13

“Ut laj titz'ol toj najt kixk'e chaq rib'; chi moko kiraj xtaqsinkil li rilob'aal sa' choxa, naxtenyan li re xch'ool: «At inYos, laa'in aj maak. Chawuxtaana taxaq wu!», chan.

Joel 2:17

Sa' xyanq li neb'aal rik'in li artal yaab'aqeb' laj tij li neke'k'anjelak chiru li Yos, ut te'xye: “Kuy xmaakeb' laatenamit, at Qaawa', ut maakanab'eb' chi se'eek xb'aaneb' li xik' neke'ilok re. Ink'a' taxaq te'xye eb' li junch'ol chik: «B'ar wank li xYoseb'?»”.

2 Samuel 24:10

Naq ak ke'ajlaak chixjunileb' li tenamit, kiyot'e'k xch'ool laj David ut kixye re li Qaawa': “Nimla maak xinb'aanu laa'in aj k'anjel chawu. Ab'an anaqwan nintz'aama chawu, at Qaawa', chakuy inmaak xb'aan naq xmaak'a'il inna'leb' xinb'aanu wi'”, chan.

2 Samuel 12:13

Kichaq'ok laj David ut kixye: “Xinmaakob'k chiru li Qaawa'”. Ut laj Natán kixye re: “Li Qaawa' ak xkuy aamaak; ink'a' tatkamq.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Hebreos 10:4

xb'aan naq li xkik'eleb' li wakax ut eb' li teelom chib'aat ink'a' naruhank risinkil li maak.

Romanos 11:27

A'anaq a'in linSumwank rik'ineb', naq tinsach li xmaakeb'”.

San Juan 1:29

Sa' li kutan jun chik laj Jwan kiril li Jesus yo chi chalk rik'in, ut kixye: “Wahe' li xKarneer li Yos li naxkuy xmaak li ruuchich'och'.

San Lucas 11:13

Jo'kan utan, wi laa'ex li moko chaab'ilex ta nekenaw xk'eeb'al li chaab'il simaatan reheb' leeralal eek'ajol, ma toja' ta chik li choxahil Yuwa'b'ej ink'a' tixk'e li Santil Musiq'ej reheb' li te'xtz'aama chiru!”.

San Mateo 7:11

Jo'kan utan, wi laa'ex li moko chaab'ilex ta nekenaw xk'eeb'al li chaab'il simaatan reheb' leeralal eek'ajol, ma toja' ta chik leechoxahil Yuwa' ink'a' tixk'e li q'axal chaab'il reheb' li neke'tz'aamank chiru!

Zacarías 3:4

Toja' naq li ánjel kixye reheb' li xaqxookeb' chiru: “Isihomaq li tz'ajn aj aq' li wank chirix ut k'ehomaq li raq'ul li ninq'ehik chirix.

Isaías 6:7

Kixtoch' li xtz'uumal we rik'in li lochlookil ru xam ut kixye: “K'e reetal, rik'in li ru xam a'in xinch'e' li xtz'uumal aawe. Kuyb'il sachb'il chik laamaak”, chan.

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

Salmos 50:14

Laa'in li Nimajwal Yos! Li mayej li taaq'axtesi we, a'an jun ch'oolej li naxnaw yoxink; chab'aanu chi tz'aqal li xayeechi'i we.

Salmos 51:16

Chinaakol taxaq chiru li kamk, at inYos aj kololat we, ut laa'in tinb'icha naq tiik laach'ool.

Salmos 51:17

At Qaawa', chate taxaq li xtz'uumal we, re naq tinpuktesi resil li xnimal aawankil.

Salmos 119:108

Chak'ul taxaq li ninyeechi'i aawe sa' lintij, at Qaawa', ut chak'ut chiwu laak'uub'ahom.

Oseas 6:6

Li nawoyb'eni eerik'in, a'an naq tineera, ut maawa' junes mayejak. Maak'a' aj e naq nekek'at leemayej chiwu laa'in wi ink'a' nekek'e inloq'al jo' Yos.

Jonás 2:9

A'ut laa'in tinyoxinq ut tinmayejaq chawu; tinb'aanu li k'aru inyeechi'om aawe. At Qaawa', ka'ajwi' aawik'in nachalk li kolb'a ib'”.

Isaías 44:22

Laa'in xinkuy laaq'etq'etil ut xinsach laamaak jo' naq nasachk li choql ut li mayuus. Sutq'in chaq wik'in xb'aan naq laa'in xinkolok aawe.

Jeremías 3:12

Ayu sa' xjayal releb'l iq' ut ye li esilal a'in: «Xyehom li Qaawa': Sutq'in chaq wik'in, a Israel, aj q'etolat aatin. Ink'a' chik yo injosq'il sa' aab'een chi moko xik' chik nakatwil, xb'aan naq q'axal chaab'il linch'ool -chan li Qaawa'-.

Oseas 5:5

Li xq'etq'etileb' laj Israel yo chi q'apliik sa' xb'eeneb'; eb' laj Efraín neke'tichk'ok sa' li xmaa'usilaleb'; jo'kaneb' ajwi' laj Judá.

Oseas 12:7

Xyehom li Qaawa': “Eb' laj Kanahán neke'roksi li b'isleb' ink'a' tz'aqal, ut nawulak chiruheb' li b'alaq'ik.