Oseas 14:1 - Q'eqchi Bible

¹ At aj Israel, sutq'in wi' chik rik'in li Qaawa' laaYos, xb'aan naq laamaak xt'anok aawe.

Li Santil hu

¹ La̱ex aj Israel, sukꞌinkex cuiꞌchic riqꞌuin li Ka̱cuaꞌ le̱ Dios. La̱ex yo̱quex chixcꞌulbal li raylal xban li ma̱c xeba̱nu.

Oseas 14:1 ပူးပေါင်းရင်းမြစ်များ

Oseas 6:1

“Yo'qeb', sutq'iiqo rik'in li Qaawa', xb'aan naq A'an xrahob'tesink qe, ab'an anaqwan tooxk'irtasi; A'an xtiq'ok qe, ut anaqwan tooxb'an.

Oseas 12:6

Jo'kan naq laa'ex aj Israel sutq'inqex rik'in leeYos: chexrahoq ut chexwanq sa' tiikilal, ut k'ojk'ooq leech'ool rik'in leeYos chi junelik.

Jeremías 4:1

“Wi taawaj sutq'iik chaq, a Israel, -chan li Qaawa'- wik'in laa'in tento tatsutq'iiq chaq. Wi taakanab' xloq'oninkil li jalanil yos li k'ajo' xyib'al ru ut ink'a' chik tat-eleliq chiwu,

Oseas 13:9

“At Israel, ani taatenq'anq aawe sa' laasachik?

Lamentaciones 5:16

X'oso'k li qaloq'al; toq'ob' qu li xoomaakob'k!

Oseas 5:5

Li xq'etq'etileb' laj Israel yo chi q'apliik sa' xb'eeneb'; eb' laj Efraín neke'tichk'ok sa' li xmaa'usilaleb'; jo'kaneb' ajwi' laj Judá.

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Isaías 19:22

Li Qaawa' tixrahob'tesiheb' laj Ejiipt, ab'an tixk'irtasiheb' wi' chik. Eb' a'an te'xyot' xch'ool ut te'xjal xk'a'uxl chiru li Yos, ut A'an taaruxtaana ruheb' ut tixk'irtasiheb'.

Ezequiel 33:11

Ab'anan, sa' xk'ab'a' linloq'al, laa'in li Qaawa' ninye li waatin naq ink'a' nawaj li xkamik laj maak, nawaj b'an naq tixyot' xch'ool tixjal xk'a'uxl ut wanq xyu'am. Ex aj Israel, jalomaq leek'a'uxl, kanab'omaq xb'aanunkil li maa'usilal. K'aru aj e naq texkamq?

Ezequiel 33:14

Ut wi ninteneb' kamk sa' xb'een junaq aj maak, ut a'in tixkanab' li maakob'k ut taa'ok chi xb'aanunkil li chaab'ilal ut li tiikilal,

Oseas 4:8

Neke'xch'oolani rib' rik'in xmaakeb' lintenamit; jo'kan naq neke'rataw naq q'axal chik te'maakob'q li poyanam!

Oseas 9:7

Ak xwulak xkutankil li raaxiik'; xwulak chik xq'ehil li xtojb'al rix leemaak! Eb' laj Israel tento te'xnaw a'an. Laa'ex nekeye: “Maak'a' xna'leb' li propeet. Li xtaql li Yos xkaano'k ru”, chankex. Ab'an nekeye chi jo'kan, xb'aan naq numtajenaq leemaa'usilal ut q'axal xik' nikineril.

Oseas 10:12

Inyehom eere: «Wi teeraw li tiikilal, teeq'ol li chaab'ilal usilal. Chapomaq li ch'och' re li awk ut k'alenqex. Ak xq'ehil anaqwan xsik'b'al li Qaawa', re naq A'an taachalq eerik'in chekolb'al jo' naq nachalk li loq'laj hab'».

Oseas 12:8

Ut eb' laj Efraín neke'xye: «Yaal naq xoob'ihomo'k, naab'al li b'ihomal xqatamresi. Ab'anan maajun taayehoq qe naq xqataw qab'ihomal rik'in b'alaq'ik!».

2 Reyes 8:12

“K'a'ut naq nakatyaab'ak, wa'chin?”, chan laj Jasahel. Laj Eliseo kixsume: “Xb'aan naq ninnaw li rahilal taab'aanu reheb' laj Israel: taak'ateb' li ochoch kawub'resinb'ileb', taakamsiheb' chi ch'iich' eb' li saaj winq, taaputz'iheb' li xk'uula'aleb' ut taacho'eb' chi ch'iich' li xsa'eb' li ixq wankeb' sa' yu'am”, chan.

Ezequiel 16:46

Samaria rochb'eeneb' li xk'aleb'aal, a'an laachaq'na' li wank sa' xjayal releb'l iq'; ut Sodoom rochb'eeneb' li xk'aleb'aal, a'an laawiitz'in li wank sa' xjayal rokeb'l iq'.

Oseas 9:13

Nink'e reetal naq eb' li ralal xk'ajol laj Efraín chanchaneb' wi' li xtzak eb' li neke'yohok: teneb'anb'il kamk sa' xb'eeneb'”.

Amós 1:13

Jo'ka'in kixye li Qaawa': “Ak k'iila sut xinkuy xmaakeb' laj Amón ut anaqwan maak'a' chik xkuyb'al, xb'aan naq jachb'il xe'xb'aanu reheb' li yaj aj ixq aj Galahad naq xe'xkamsiheb', yal re xmaq'b'al li xch'och'eb'.