Oseas 13:9 - Q'eqchi Bible

⁹ “At Israel, ani taatenq'anq aawe sa' laasachik?

Li Santil hu

⁹ Anakcuan xex-osoꞌ, la̱ex aj Israel. La̱in raj tintenkꞌa̱nk e̱re, abanan la̱ex xine̱tzꞌekta̱na.

Oseas 13:9 ပူးပေါင်းရင်းမြစ်များ

Jeremías 2:17

Ma ink'a' tab'i' xek'ul chi jo'kan xb'aan naq xetz'eqtaana li Qaawa' leeYos, li xk'amok chaq b'e sa' leeb'eenik?

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Deuteronomio 33:26

“Maajun junaq jo' li xYos laj Yesurún, li nab'eek sa' xb'eeneb' li choql re aatenq'ankil, sa' xb'een li choxa rik'in xnimal xwankil.

Oseas 14:1

At aj Israel, sutq'in wi' chik rik'in li Qaawa' laaYos, xb'aan naq laamaak xt'anok aawe.

Jeremías 5:25

Xb'aan leemaa'usilal naq xjalaak ru chixjunil a'in; a' leemaak laa'ex xnajtob'resink eere rik'in li sahil wank.

Malaquías 1:9

“Anaqwan tz'aamahomaq rusilal li Yos sa' qab'een re naq taaruxtaana qu. Ab'anan chanru naq taaril xtoq'ob'aal eeru naq yookex chi xyeechi'inkil a'an? -chan li Nimajwal Yos-.

Oseas 13:4

Xyehom li Qaawa': “Laa'in li Qaawa' laaYos, chalen chaq sa' laawelik Ejiipt. Maak'a' junaq chik yos chiwu laa'in, chi moko wank junaq chik aj kolonel.

Isaías 3:11

Ab'an toq'ob' ru li ink'a' us xna'leb', xb'aan naq taaq'ajkamuuq jo' chanru li xyehom xb'aanuhom.

Isaías 3:9

Chi xnaq' ruheb' nak'utunk li xmaa'usilaleb'; moko muqmu ta li xmaakeb', chanchaneb' wi' laj Sodoom. Toq'ob'eb' xaq ru, xb'aan naq yookeb' chi xsik'b'al li xrahilaleb'!

Proverbios 8:36

Ab'an li natz'eqtaanank we, naxsach rib' xjunes; li xik' na'ilok we, naxsik' li xkamik”.

Proverbios 6:32

Ab'an li naxch'ik rib' rik'in junaq ab'li ixq, xjunes rib' naxsach li xyu'am.

Salmos 146:5

Us xaq re li kaw xch'ool chirix li xYos laj Jakob, a' li xaqxo li royb'enihom rik'in li Qaawa' li xYos:

Salmos 46:1

Re li xjolomileb' laj b'ichanel. Xb'icheb' li ralal xk'ajol laj Koré. Rik'in xolb'.

Salmos 33:20

Laa'o kaw qach'ool rik'in li Qaawa': a'an laj tenq'ahom qe ut li xkolb'al qib'.

Deuteronomio 33:29

Us xaq aawe, at Israel. Ani tawi' jo' laa'at, tenamit kolb'ilat xb'aan li Qaawa'? A'an namuheelank ut natenq'ank aawe? Li Qaawa' a'an li ch'iich' nakasacheb' wi' ru li xik' neke'ilok aawe! Eb' a'an te'raj raj aab'alaq'inkil, a'ut laa'at tatnumtaaq sa' xb'eeneb'”, chan laj Moisés.

Jeremías 4:18

“Laana'leb' ut laab'aanuhom xk'amok chaq re li rahilal a'in sa' aab'een; li maa'usilal xwulak li xmay toj sa' laawaanm, xb'aan naq xaq'etq'eti aawib' chiwu”.

Malaquías 1:12

“A'ut laa'ex aj tij nekesach inloq'al naq nekeye: «Li xmeex li Qaawa' naru xmuxb'al xloq'al, ut li tzekemq wank aran naru xtz'eqtaanankil».

Malaquías 1:13

Laa'ex nekeye: «Tawajenaqo chi xb'aanunkil a'in!». Ut nikineetz'eqtaana. Ut toj nekek'oxla naq nasaho'k linch'ool rik'in leek'ulunik chi xmayejankil li elq'anb'il xul, malaj li wakax yeq roq malaj ut yaj.

2 Crónicas 28:23

Kimayejak chiruheb' li xyoseb' laj Damaask, xb'aan kixye sa' xch'ool: “Li xyoseb' li awab'ej re Aram neke'xtenq'aheb'. Jo'kan naq tinmayejaq chiruheb' re naq tine'xtenq'a ajwi' laa'in”, chan sa' xch'ool. A'aneb' li ke'sachok xwankil laj Ajás jo' ajwi' xwankil chixjunileb' laj Israel.

Oseas 7:14

Moko anchaleb' ta xch'ool naq neke'tz'aamank chiwu naq yookeb' chi tz'uyink chiru li xch'aateb'. Yal re xtz'aamankil li triiw ut li b'iin naq neke'xlet'exi li xtib'eleb'. Chi jo'kan xe'xq'etq'eti rib' chiwu.

Oseas 7:15

Naq xink'e xkawilaleb' li roq ruq'eb', a' chik li rahilal xe'xk'uub' xb'aanunkil we.