Oseas 13:5 - Q'eqchi Bible

⁵ Laa'in kinch'oolanink chaq aawe sa' li chaqich'och', b'arwi' maak'a' nayo'laak.

Li Santil hu

⁵ La̱in xintenkꞌan chak e̱re nak cuanquex chak saꞌ li tikcual chꞌochꞌ bar incꞌaꞌ natꞌaneꞌ cuiꞌ li hab.

Oseas 13:5 ပူးပေါင်းရင်းမြစ်များ

Deuteronomio 32:10

Li Qaawa' kixtaw laj Jakob sa' li chaqich'och', sa' junesal na'ajej b'arwi' k'ajo' li wo'teek; ut kixxok, kixch'oolani rilb'al ut kixk'uula chi us kama' tawi' xsa' li ru.

Deuteronomio 8:15

A' li Qaawa' kib'eresink aawe sa' li chaqich'och' a'an, jwal nim ut xiwajel, b'arwi' maak'a' li ha' ut nujenaq chi k'anti' neke'kamsink ut aj xook'. Ab'anan kixk'e chi elk li ha' sa' li raxpek

Deuteronomio 2:7

Xb'aan naq li Qaawa' laaYos xatrosob'tesi sa' chixjunil laak'anjel; xatril chiru laab'eenik sa' li nimla chaqich'och' a'in, ut ak ka'k'aal chihab' anaqwan naq li Qaawa' laaYos wank aawik'in chi maak'a' xmajelo'k aawe.

Gálatas 4:9

A'ut anaqwan xenaw ru li Yos, malaj a'an b'an xnawok eeru laa'ex. Chan put ru naq texsutq'iiq wi' chik rub'el xwankil li k'a'aq re ru a'in li maak'a' xkawilal ut maak'a' na'ok wi'? K'a'ut naq teeraj xk'anjelankil wi' chik?

Nahum 1:7

Li Qaawa' a'an q'axal chaab'il cho'q re li kaw xch'ool chirix; a'an li kawilal sa' xhonalil li rahil ch'oolej ut narileb' li neke'oyb'enink rik'in

Salmos 142:3

Chiru linYos ninyaab'ak ut nintz'uyink, ut ninch'olob' li rahilal yookin xk'ulb'al,

Salmos 63:1

Xsaalm laj David, naq wan chaq sa' li chaqich'och' re Judá.

Éxodo 2:25

Kirileb' li ralal xk'ajol laj Israel ut kirusilaheb'.

1 Corintios 8:3

Ab'anan li narahok re li Yos, a'an nawno ru xb'aan li Yos.

Jeremías 2:6

Ink'a' kine'xsik' rik'in xyeeb'al: «B'ar wank li Qaawa' li x'isink chaq qe sa' li tenamit Ejiipt, li xb'eresink chaq qe sa' li chaqich'och', sa' li joxk' na'ajej ut julux taq'a ru, b'arwi' maak'a' li ha' ut k'ajo' li aak'ab', maajun wank chisa' chi moko nanume'k aran?».

Jeremías 2:2

“Ayu ut jap aawe chi aatinak sa' xxikeb' laj Jerusalén: Jo'ka'in xye li Qaawa': Nakatjultiko'k we naq sa' laasaajilal jwal k'ojk'o laach'ool chiwix. Q'axal kinaara naq kinsumlaak aawik'in, ut kinaataaqe sa' li chaqich'och', sa' li joxk' na'ajej b'arwi' maak'a' nayo'laak.

Salmos 31:7

Xik' nawileb' li neke'loq'onink jalanil yos li maak'a' neke'ok wi'; a'ut laa'in k'ojk'o li waanm rik'in li Qaawa'.

Salmos 1:6

Xb'aan naq li Qaawa' naxk'aak'ale xb'eheb' li tiikeb' ru xyu'am, a'ut li xb'eheb' li ink'a' useb' taasachq chi junwaakaj.

Génesis 31:40

Chi kutan xinkuy xtiqwal li saq'e li natawasink we, ut chiru q'oqyink xinkuy li ke naq tik ink'a' nakub'eek inwara xb'aan a'an.

Oseas 5:3

Laa'in ninnaw ru laj Efraín; nawno ru laj Israel inb'aan. Relik chi yaal naq laj Efraín chanchan junaq aj yumb'eet, ut laj Israel xmuxum rib' sa' li xpaab'aal”.

Oseas 9:10

Jo'ka'in xye li Qaawa': “Naq kintaw laj Israel, kisaho'k linch'ool jo' naq natawmank li uub' sa' li chaqich'och'. Kisaho'k linch'ool rik'ineb' leena' leeyuwa' jo' naq natawmank li xb'een ru li ki'il q'een. Ab'an naq ke'wulak aran Bahal-Pehor, ke'xq'axtesi rib' reheb' li yal k'oxlanb'il yos, ut q'axal tz'eqtaananb'ileb' chik ke'kanaak jo'eb' li pek che' raarookeb' xb'aaneb'.