Oseas 13:16 - Q'eqchi Bible

¹⁶ Eb' laj Samaria te'xtoj rix li xmaakeb' xb'aan naq ke'xq'etq'eti rib' chiru li Qaawa' li xYoseb'. Te'kamsije'q chi q'esnal ch'iich', eb' li ralal xk'ajol te'pik'aje'q chiru ch'och' ut eb' li ixq wankeb' sa' yu'am te'jachmanq chi ch'iich'”.

Li Santil hu

¹⁶ La̱in tebinqꞌue chixtojbal rix lix ma̱queb laj Samaria xban nak xineꞌxtzꞌekta̱na. Ta̱cha̱lk li ple̱t saꞌ xbe̱neb ut telajeꞌcamsi̱k riqꞌuin chꞌi̱chꞌ. Tenbileb chiru pec li cocꞌal nak teꞌcamsi̱k. Ut eb li yaj aj ixk jachbileb chi chꞌi̱chꞌ nak teꞌcamsi̱k.

Oseas 13:16 ပူးပေါင်းရင်းမြစ်များ

2 Reyes 15:16

Toja' naq laj Menajén ki'elk Tirsá ut koxsach ru chi junajwa Tapúhaj, eb' li xpoyanamil jo'wi' jo'ch'inal jo'nimal wank chi xsutam. Kixb'aanu chi jo'kan xb'aan naq ink'a' kiteemank rokeb'aal li tenamit chiru: kixkamsiheb' li tenamit ut kixpa chi ch'iich' xsa'eb' li ixq wankeb' sa' yu'am.

2 Reyes 8:12

“K'a'ut naq nakatyaab'ak, wa'chin?”, chan laj Jasahel. Laj Eliseo kixsume: “Xb'aan naq ninnaw li rahilal taab'aanu reheb' laj Israel: taak'ateb' li ochoch kawub'resinb'ileb', taakamsiheb' chi ch'iich' eb' li saaj winq, taaputz'iheb' li xk'uula'aleb' ut taacho'eb' chi ch'iich' li xsa'eb' li ixq wankeb' sa' yu'am”, chan.

Isaías 13:16

Chiruheb' ajwi' a'an te'sumsak'iiq chiru pek li ralaleb'; taa'elq'aaq xsa' chixjunileb' li ochoch ut te'maakoniiq li rixaqileb'.

Amós 1:13

Jo'ka'in kixye li Qaawa': “Ak k'iila sut xinkuy xmaakeb' laj Amón ut anaqwan maak'a' chik xkuyb'al, xb'aan naq jachb'il xe'xb'aanu reheb' li yaj aj ixq aj Galahad naq xe'xkamsiheb', yal re xmaq'b'al li xch'och'eb'.

Nahum 3:10

Ab'anan eb' laj Tebas ke'isiik ajwi' sa' li xna'ajeb' ut ke'k'ame'k sa' ab'l tenamit; eb' li ralal xk'ajol ke'pik'aje'k chiru tz'ak sa'atqeb' li xaalib'e. Ke'xb'uuli rixeb' li xninqaleb' ru winq ut ke'k'ame'k chi b'ak'b'o eb' li xjolomil li tenamit.

Miqueas 6:16

Xb'aan naq xapaab' li xchaq'rab' laj Omrí, ut xab'aanu li neke'xb'aanu eb' li ralal xk'ajol laj Ajab; xatzol aawe jo' chanru xna'leb'eb' a'an. Jo'kan naq tatinrahob'tesi, ut eb' laapoyanamil tink'eheb' cho'q se'leb'aal; ut aamaak laa'at xutaanal wanqeb' lintenamit”.

Miqueas 1:4

Te'uq'e'q eb' li tzuul rub'eleb' li roq, chanchanaqeb' li waakab' naq naha'o' chi xk'atq li xam; te'jachje'q eb' li taq'a jo' tawi' setb'ilaqeb' xb'aan xkawil oq junaq nima'.

Amós 9:1

Kiwil li Qaawa' xaqxo chi xk'atq li artal ut kixye we: “Chiq'chiq'iheb' li xjolom li oqech toj reetal te'eek'anje'q li oqech. Chaputz'iheb' toj reetal te'naq sa' xb'eeneb' li poyanam. Ut eb' li te'kole'q aran, tink'eheb' chi kamk chi q'esnal ch'iich': us ta raj te'eleliq, maajun taakole'q.

Amós 3:9

Yehomaq a'in sa'eb' li xchaq'alil ru rochocheb' laj Asdod; puktesihomaq resil sa'atqeb' li xch'ina'usal ochoch re Ejiipt: “Ch'utub'omaq eerib' sa'eb' li xtzuulul Samaria re teeril li k'iila rahilal nawank sa' li tenamit a'an ut k'ajo' li maa'usilal neke'xb'aanu aran”.

Oseas 11:6

Sa' li xtenamiteb' taawanq li yalok: te'sache'q eb' li kawub'resinb'il ochoch ut taajuk'iiq chixjunil xb'aan li maa'usilal neke'xk'uub'.

Oseas 10:2

Jachjo li xch'ooleb', ut anaqwan te'xtoj rix li xmaakeb'. Li Qaawa' tixjuk'i eb' li artal ut tixputz'i eb' li jalanil yos.

Oseas 7:14

Moko anchaleb' ta xch'ool naq neke'tz'aamank chiwu naq yookeb' chi tz'uyink chiru li xch'aateb'. Yal re xtz'aamankil li triiw ut li b'iin naq neke'xlet'exi li xtib'eleb'. Chi jo'kan xe'xq'etq'eti rib' chiwu.

Isaías 17:3

Taajuk'manq xwankil laj Efraín, ut li x'awab'ejihom Damaask taa'oso'q; eb' laj Siria li te'kole'q, maak'a'aqeb' chik xloq'al jo'keb' laj Israel -chan li Nimajwal Yos-.

Isaías 8:4

xb'aan naq li k'uula'al toj maji'aq ajwi' tixnaw xyeeb'al: «na' ut yuwa'», naq taa'elq'aaq chixjunil li k'aru wank re Damaask ut Samaria, ut li xb'ihomaleb' taak'ame'q toj rik'in li awab'ej re Asiria”.

2 Reyes 17:18

K'ajo' naq kijosq'o'k li Qaawa' rik'ineb' laj Israel ut kirisiheb' chi xnaq' ru. Ka'aj chik laj Judá kikanaak rik'in.

2 Reyes 17:6

B'eleeb' chihab' chik rokik chi awab'ejink laj Oseas, naq laj Salmanasar, awab'ej re Asiria, kireechani li tenamit Samaria, kixk'ameb' chi preexil laj Israel toj Asiria, ut koxkanab'atqeb' sa'eb' li na'ajej Jalaj, Jabor, chire li nima' Kosán, ut sa'atq xteepal Media.

2 Reyes 17:5

Chirix chik a'an li awab'ej re Asiria kixtikib' yalok rik'in chixjunileb' laj Israel, koho sa' li tenamit Samaria ut oxib' chihab' kiyalok aran.