Oseas 13:13 - Q'eqchi Bible

¹³ Xwulak xkutankil naq taa'alaaq, ab'anan laj Efraín a'an jun li al kaw xjolom li ink'a' naraj yo'laak sa' xyaalal.

Li Santil hu

¹³ Li raylal li teꞌxcꞌul chanchan li raylal naxcꞌul li ixk nak ac qꞌuira̱c re. Chanchaneb jun li cꞌulaꞌal xcuulac xkꞌehil xyoꞌlajic abanan incꞌaꞌ nayoꞌla saꞌ xya̱lal. Eb laj Efraín teꞌcolekꞌ raj, abanan xban xma̱cꞌaꞌileb xnaꞌleb, incꞌaꞌ nequeꞌraj xcanabanquil li ma̱usilal.

Oseas 13:13 ပူးပေါင်းရင်းမြစ်များ

Isaías 37:3

re xyeeb'al re li propeet Isaías, ralal laj Amós: “Jo'ka'in xye chaq laj Esekías: «Li kutan a'in, a'an xkutankil li rahil ch'oolejil, li rahob'tesiik ut li xutaanal! Chanchano jun li ixq wank sa' yu'am, li maak'a' xmetz'ew chi alank.

Isaías 13:8

Q'axal te'siksotq xb'aaneb' xxiw, te'ayaynaq ut te'eek'anq jo' junaq ixq ok re chi alank. Yal te'xka'yahatq aj chik rib' ut kaqmoqinkaqeb' xb'aaneb' xxutaan.

Isaías 26:17

Jo' naq li ixq wank sa' yu'am ut xwulak xhonalil li alank, japjo re xb'aan li rahilal, jo'kan ajwi' naq xoowank chawu, at Qaawa'.

Salmos 48:6

ab'anan naq xe'ril li tenamit, xe'sachk xna'leb', k'ajo' naq xe'xiwak ut xe'siksotk!

2 Reyes 19:3

re xyeeb'al re li propeet Isaías, ralal laj Amós: “Jo'ka'in xye chaq laj Esekías: «Li kutan a'in, a'an xkutankil li rahil ch'oolej, li rahob'tesiik ut li xutaanal! Chanchano li ixq wank sa' yu'am, ab'anan maak'a' xmetz'ew chi alank.

1 Ts 5:3

Naq yooqeb' chi xyeeb'al: “Wanko sa' tuqtuukilal ut maak'a' chik qak'a'uxl”, toja' naq taachalq li roso'jikeb' sa' junpaat chi maak'a'aq sa' xch'ooleb', jo' naq nachalk xrahil li alank sa' xb'een li ixq; ut ink'a' naru te'eleliq chiru.

Proverbios 22:3

Li wank xna'leb' ink'a' naxch'ik rib' sa' li raaxiik' naq naril; ab'an li maak'a' xk'a'uxl tiik naxik ut naxk'ul li rahilal.

2 Corintios 6:2

xb'aan naq naxye: “Sa' chaab'il kutan xatwab'i, sa' xkutankil li kolb'a ib' xatintenq'a”. Chek'e reetal, a'an a'in li kutan q'axal chaab'il, a'an a'in xkutankil li kolb'a ib'!

Hechos 24:25

Ab'anan, naq laj Pablo kixtikib' aatinak chirix li tiikilal, li kuyuk ib' ut li raqb'a aatin chaalel, laj Félix ki'ok xxiw ut kichaq'ok: —Tz'aqal a'in; truuq tatxik anaqwan. Jo'q'e tixk'e rib' chiwu, tintaqla wi' chik aab'oqb'al, chan.

Jeremías 49:24

Eb' laj Damaask xe'ch'inank xch'ool ut okeb' re chi elelik. Neke'siksotk xb'aan xxiweb'; k'ajo' li rahilal yookeb' chi xk'ulb'al, jo' junaq ixq li ok re chi alank.

Jeremías 30:6

Ayuqex chi xpatz'b'al ut k'ehomaq reetal: ma na'alank junaq winq? Wi ink'a', k'a'ut naq eb' li winq neke'xchap li xyi rixeb', chanchaneb' chik li ixq okeb' re chi alank? K'a'ut naq saqkirinkeb' aj chik neke'ilok?

Jeremías 22:23

Anaqwan sa nakathilank sa' laawochoch li yiib'anb'il rik'in yaw li chalenaq Líbano; ab'anan tatyaab'aq naq tolatxtaw li rahilal, jo' naxk'ul li ixq ok re chi alank”.

Jeremías 13:21

K'aru taaye naq tatink'e chi awab'ejiik xb'aaneb' li xak'uleb' aawik'in cho'q aawamiiw? Q'axal ra taak'ul xb'aaneb' jo' junaq ixq ok re chi alank.

Jeremías 4:31

Toja' naq xwab'i xyaab' xkux jun li ixq, chanchan naq toj xb'enwa ok re chi alank. A'an pe' li xyaab' xkux li xrab'in li tenamit Sión; naxjiq' xch'ool chi yaab'ak, naxye' li ruq' ut naxye: «Toq'ob' wu, oso'k we xb'aaneb' laj kamsinel poyanam!»”.

Isaías 66:9

Ma xruuk tab'i' xinram xyo'lajik lintenamit? Laa'in laj eechal re li yu'am -chan li Qaawa' laaYos-.

Isaías 21:3

Jo'kan naq naxiwak xsa' linsa', nachalje'k inrahilal jo' li ixq ok re chi alank, nasachk inna'leb' xb'aan xrahil linch'ool ut k'ajo' naq ninxiwak xb'aan li nawil.

San Juan 16:21

Li ixq naq ok re chi alank, ra sa' xch'ool xb'aan naq xwulak xhonalil; ab'anan naq ak xwank li xk'uula'al, ink'a' chik najultiko'k re li xnimal xrahilal xb'aan xsahojik sa' xch'ool naq xyo'laak jun li winq sa' ruuchich'och'.

Deuteronomio 32:6

Ma jo'kan naq nakaq'ajkamu li Qaawa' laaYos, at jip aj tenamit ut maak'a' aana'leb'? Ma ink'a' tab'i' A'an laaYuwa', laj Winqob'resihom aawe?

Oseas 5:4

Li xtz'i'b'eetal aj b'aanuhomeb' li tenamit ink'a' nakanab'ank reheb' chi sutq'iik rik'in li xYoseb', xb'aan naq xnumtaak li xmaa'usilaleb' ut ink'a' neke'xnaw ru li Qaawa'.

San Juan 5:4

Xb'aan naq jun li ánjel nakub'e chaq yalaq jo'q'ehatqil chi reek'asinkil li ha', ut li ani na'ok xb'enwa chisa' naq ak x'eek'asiik li ha', nak'iraak a' yaal k'aru li xyajel.