Oseas 12:2 - Q'eqchi Bible

² Li Qaawa' yo chi jitok chirixeb' laj Judá, ut tixk'eheb' chi xtojb'al rix li xmaakeb' laj Jakob, tixk'e xq'ajkamunkileb' jo' chanru li xyehom ut xb'aanuhomeb'.

Li Santil hu

² Li Ka̱cuaꞌ yo̱ xjoskꞌil saꞌ xbe̱neb li ralal xcꞌajol laj Judá ut tixqꞌueheb chixtojbal xma̱queb li ralal xcꞌajol laj Jacob aꞌ yal chanru xyehom xba̱nuhomeb. Tixqꞌueheb chixtojbal xma̱queb joꞌ xcꞌulubeb.

Oseas 12:2 ပူးပေါင်းရင်းမြစ်များ

Miqueas 6:2

Ab'ihomaq, ex tzuultaq'a ut laa'ex li rub'elankil li ruuchich'och': li Qaawa' ok re sa' raqb'a aatin rik'in li xtenamit, ok re chi jitok chirix laj Israel.

Oseas 4:1

Ab'ihomaq li raatin li Qaawa', ex aj Israel. Ok re sa' raqb'a aatin rik'ineb' li wankeb' sa' li tenamit a'in, xb'aan naq maak'a' chik arin li tiikil ch'oolej ut li rahok, maajun chik nanawok ru li Qaawa'.

Isaías 10:6

Nintaqla chi xsachb'al jun tenamit yib'ru xna'leb', jun tenamit li yo wi' injosq'il, re tixmaq' ut tixxok li xb'ihomaleb', ut tixyeq'iheb' sa' roq jo'eb' li xseb'ul li b'e.

Gálatas 6:7

Meeb'alaq'i eerib', li Yos ink'a' naru xb'atz'unenkil: li k'aru naraw li winq, a'an ajwi' li tixq'ol.

Romanos 2:6

Aran taak'eemanq xq'ajkamunkil li junjunq jo' chanru li xyehom xb'aanuhom:

San Mateo 16:27

Xb'aan naq li K'ajolb'ej yooq chaq chi chalk sa' li xnimal xloq'al li xYuwa' rochb'eenaqeb' chaq li x'ánjel; toja' naq tixq'ajkamu li junjunq a' yaal chanru li xb'aanuhom.

Oseas 8:13

Nawulak chiruheb' li mayejak: mayejaqeb' ut xtzekaaqeb' li tib' mayejanb'il! Ab'an laa'in li Qaawa' ink'a' sa inch'ool rik'ineb': jultik we li maa'usilal xe'xb'aanu, ut tinrahob'tesiheb' xb'aaneb' li maak xe'xb'aanu rik'in xtaqlankileb' wi' chik Ejiipt.

Oseas 4:9

Ab'an juntaq'eet te'xk'ul laj tij rik'ineb' li tenamit: tink'eheb' chi xtojb'al li xmaakeb' ut teb'inq'ajkamu jo' chanru li xyehom ut xb'aanuhomeb'.

Oseas 2:13

Tolinrahob'tesi li ixq a'an xb'aan naq xk'atok k'ajpom chiruheb' laj Bahal, xtiqib' rib' chi chaab'il rik'in matq'ab' ut q'ol ut xkoho chirixeb' li neke'rahink re, chi ink'a' chik nikinxk'oxla laa'in li Qaawa' -chan li Yos-.

Jeremías 25:31

Li xyaab' xkux li Qaawa' taa'ab'imanq xb'aaneb' chixjunil li poyanam, toj sa' xmaril li ruuchich'och', xb'aan naq li Qaawa' ok re chi xjitb'al chixjunileb' li poyanam; A'an taaraqoq aatin sa' xb'een chixjunileb' li tenamit ut tixsach ruheb' chi ch'iich' li ink'a' useb' xna'leb', chan li Qaawa'»”.

Isaías 59:18

Li Qaawa' tixq'ajkamu li junjunq jo' chanru li xk'ulub': tixrahob'tesiheb' laj rahob'tesinel ut taa'eeqajunq sa' xb'eeneb' li xik' neke'ilok re, sa' xb'eeneb' ajwi' li tenamit sutsuukeb' xb'aan li palaw.

Isaías 24:21

Sa' li kutan a'an li Qaawa' taaraqoq aatin sa' xb'eeneb' li wankeb' xwankil taqe'q sa' li choxa, ut arin taq'a, sa' xb'eeneb' li wankeb' xwankil sa' ruuchich'och'.

Isaías 10:12

Naq akaq xraqe'k li Qaawa' chi xb'aanunkil li xk'anjel sa' li tzuul Sión ut Jerusalén, tixrahob'tesi li awab'ej re Asiria xb'aan li xq'etq'etil ut li xnimob'resinkil rib'.

Isaías 3:11

Ab'an toq'ob' ru li ink'a' us xna'leb', xb'aan naq taaq'ajkamuuq jo' chanru li xyehom xb'aanuhom.

Oseas 9:9

Q'axal xnumtaak leemaa'usilal, jo' keb'aanu chaq aran Kibehá. A'ut li Qaawa' junelik wank sa' xch'ool leemaa'usilal, ut texk'e chi xtojb'al rix leemaak.

Oseas 7:2

Ink'a' neke'xk'oxla naq jultik we li xmaakeb'. Ut anaqwan tz'aptz'ookeb' sa' li maak, junelik wank chiwu li xmaa'usilaleb'.

Oseas 9:15

Jo'ka'in ajwi' xye li Qaawa': “Chixjunil li xmaa'usilaleb' kik'utunk aran Kilkal; aran ajwi' kintikib' xxik'b'al rilb'aleb'. Xb'aan li xyib'al ru xb'aanuhomeb' te'wisiheb' sa' linmuheb'aal ut ink'a' chik tinraheb', xb'aan naq jwal q'etq'eteb' chixjunil laj k'amol xb'eheb'.

Amós 2:4

Jo'ka'in kixye li Qaawa': “Ak k'iila sut xinkuy xmaakeb' laj Judá ut anaqwan maak'a' chik xkuyb'al, xb'aan naq xe'xtz'eqtaana li xchaq'rab' li Qaawa' ut ink'a' xe'xpaab' li raatin. Xe'xk'e rib' chi b'alaq'iik xb'aaneb' li yal k'oxlanb'il yos, jo' ke'xb'aanu eb' li xmama' rixa'aneb'.

2 Reyes 17:4

Ab'an li awab'ej re Asiria koxnaw naq laj Oseas yo chi xb'alaq'inkil: naxtaqlaheb' li xtaql rik'in laj So, awab'ej re Ejiipt, ut ink'a' chik naxk'e xtoj re kama' chaq xb'enwa. Jo'kan naq li awab'ej re Asiria kixtaqla xchapb'al laj Oseas ut kixtz'ap sa' tz'alam.

Li xHu LAJ JOB 15:2

Li wank xna'leb' ink'a' na'aatinak kama' laa'at. Maak'a' na'ok wi' li k'aru nakaye: chanchan li iq' li yal nanume'k.

Salmos 78:36

Ab'an yal rik'in xtz'uumal reheb' ke'xnima xloq'al, ut rik'in li ru'uj raq'eb' ke'tik'ti'ik chiru.

Eclesiastés 5:15

Jo' chanru naq xyo'laak li poyanam, jo'kan ajwi' taaq'ajq taasutq'iiq, ut maak'a' k'aru li xtawasi wi' rib' tixk'am chirix.

Isaías 30:6

Resilal li k'aru te'xk'ul eb' li xul re Nejeb: Eb' laj Israel neke'xk'am Ejiipt li xb'ihomaleb' ut li k'aru wank reheb', chirixeb' li b'uur ut eb' li kameey. Neke'nume'k sa' li xiwajelil chaqich'och' b'arwi' wankeb' li josq' aj kaqkoj, eb' li ikb'olay ut eb' li raxk'aj, ut neke'xik sa' jun tenamit li moko tixtenq'aheb' ta.

Oseas 7:1

“Naq nawaj raj xk'irtasinkil lintenamit ut xkolb'aleb' li walal ink'ajol aj Israel, nak'utunk li xmaakeb' laj Efraín ut li xmaa'usilaleb' laj Samaria. Xb'aan naq chixjunileb' neke'b'alaq'ik; neke'okje'k sa'eb' li ochoch chi elq'ak ut junch'oleb' chik li poyanam yookeb' chi elq'ak sa' b'e.

Oseas 7:11

Laj Efraín jo' jun li mukuy maak'a' xna'leb', ink'a' naxnaw k'oxlak: naxpatz' xtenq'ankil re Ejiipt ut naxik rik'ineb' laj Asiria.

Oseas 8:9

Laj Efraín xkoho Asiria chi xpatz'b'al xtenq'ankil, jo' junaq b'uur li naxb'eeni rib' sa' junesal na'ajej; ut xtoj rik'in xsimaatan re naq wanq ani taarahoq re!

Oseas 8:10

Ab'an us ta tixloq'eb' laj rahol re sa'atqeb' li k'iila tenamit, laa'in tincha'cha'iheb' anaqwan, ut chiru jun k'amok ink'a' chik te'xkuy rub'el xwankileb' li awab'ej ut eb' laj jolominel.