Oseas 12:11 - Q'eqchi Bible

¹¹ Eb' laj Galahad wankeb' xmaak; jo'kan naq teb'insach. Aran Kilkal neke'mayejak wakax; jo'kan naq li x'artaleb' chanchanaqeb' li pek li neke'kanaak chi tub'tu sa' li awimq”.

Li Santil hu

¹¹ —¿Ma incꞌaꞌ ta biꞌ numtajenak li ma̱c aran Galaad? Relic chi ya̱l nak numtajenak li ma̱c. Aran Gilgal nequeꞌxmayeja li cuacax. Abanan ta̱cuulak xkꞌehil nak ma̱cꞌaꞌ chic teꞌoc cuiꞌ lix artaleb. Chanchan li pec yal tu̱btu teꞌcana̱k saꞌ lix naꞌajeb.

Oseas 12:11 ပူးပေါင်းရင်းမြစ်များ

Oseas 8:11

“Laj Efraín xtamresiheb' li x'artal ka'ajwi' re xb'aanunkil li maak.

Oseas 6:8

Galahad a'an xna'ajeb' li ink'a' useb' xna'leb', ut nujenaq chi kik'.

Oseas 4:15

“At Israel, wi laa'at nakamux laapaab'aal, ab'an ink'a' taxaq taamaakob'q laj Judá. Mexxik aran Kilkal chi moko chex'ok Bet-Abén; meeye eejurament sa' xk'ab'a' li Qaawa'.

Oseas 9:15

Jo'ka'in ajwi' xye li Qaawa': “Chixjunil li xmaa'usilaleb' kik'utunk aran Kilkal; aran ajwi' kintikib' xxik'b'al rilb'aleb'. Xb'aan li xyib'al ru xb'aanuhomeb' te'wisiheb' sa' linmuheb'aal ut ink'a' chik tinraheb', xb'aan naq jwal q'etq'eteb' chixjunil laj k'amol xb'eheb'.

Oseas 10:1

Li tenamit Israel chanchan jun toon chi uub' li naab'al naruuchin. Ab'an naq naab'al naruuchin, naxtamresi ajwi' li x'artal; ut naq q'axal chaab'il li xch'och', naab'al ajwi' li chaab'il pek naxyiib' cho'q jalam u.

Jonás 2:8

Eb' li neke'loq'onink eb' li yal k'oxlanb'il yos, moko tiikeb' ta xch'ool chawix.

Amós 5:5

Mexxik chi loq'onink aran Betel; mineesik' aran Kilkal chi moko chexnume'q Berseba, xb'aan naq eb' laj Kilkal te'k'ame'q sa' najtil tenamit ut Betel taakanab'aaq cho'q po'lem”.

Amós 4:4

“Ayuqex aran Betel ut Kilkal chi xb'aanunkil leemaa'usilal, ut cheq'etq'eti eerib' chiru li Qaawa' chi anchal leech'ool! Toj eq'la k'amomaq leemayej ut rajlal oxib' kutan a' chik li xlajeetqil leerawimq!

Jeremías 10:15

Maak'a' xyaalal ut xk'ulub'eb' li tz'eqtaanaak; te'oso'q sa' xkutankil li raqb'a aatin.

Jeremías 10:8

Chixjunileb' a'an jwal jipeb' ut memeb' chawu laa'at; junes memil neke'xtzol chirixeb' li che'il yos.

Jeremías 2:28

B'ar wankeb' laayos li xayiib' rik'ineb' laawuq', a Judá? K'ajo'eb' laayos, chanchan xk'ihaleb' laatenamit! Chalqeb' b'i' a'an re rilb'al ma te'ruuq chakolb'al naq wanqat sa' rahilal.

Jeremías 2:20

“Laa'at ak junxil chik kawisi aawib' rub'el inwankil, ut kaq'etq'eti aawib' chiwu ut kaye: «Ink'a' chik nawaj k'anjelak chawu», chankat. Ut sa' xb'eenatq eb' li b'ool ut rub'elatq li ninqi che' katyoklaak ut kamux aawib' jo' junaq aj yumb'eet.

1 Reyes 17:1

Toja' naq laj Elías, Tisbé xtenamit, sa' xteepal Galahad, kixye re laj Ajab: “Sa' xk'ab'a' li Qaawa', xYos laj Israel, li yookin chi k'anjelak chiru, ninye aawe naq chiruheb' li chihab' a'in maak'a'aq xchu'ke chi moko li hab', wi ink'a' laa'in tinyehoq re”.

Oseas 10:2

Jachjo li xch'ooleb', ut anaqwan te'xtoj rix li xmaakeb'. Li Qaawa' tixjuk'i eb' li artal ut tixputz'i eb' li jalanil yos.

Números 12:6

“Ab'ihomaq li tinye eere -chan li Yos-. Wi wank sa' eeyanq junaq propeet, laa'in tink'ut wib' chiru sa' nab'uuch, ut tin'aatinaq rik'in sa' xmatk'.

2 Reyes 17:13

Li Qaawa' kixq'useb' laj Israel ut eb' laj Judá chi xtz'uumal reheb' li propeet ut eb' li xtaql, naq kixye reheb': “Kanab'omaq xb'aanunkil li maa'usilal ut b'aanuhomaq li naxye linchaq'rab'. Paab'omaq lintaqlahom ut li waatin li kintijeb' wi' leena' leeyuwa' ut kink'ut cheru laa'ex chi xtz'uumal reheb' li propeet aj k'anjeleb' chiwu”.

Ezequiel 17:2

“At kaamel winq, ye junaq jaljookil ru aatin reheb' li ralal xk'ajol laj Israel. Mare chan naq te'xtaw ru.