Oseas 11:9 - Q'eqchi Bible

⁹ Ink'a' tatinrahob'tesi xb'aan xxamlel linjosq'il ut ink'a' chik tinsach ruheb' laj Efraín, xb'aan naq laa'in li Yos ut maawa'in winq. Laa'in li Sant sa' eeyanq, ut ink'a' tinchalq chesachb'al”.

Li Santil hu

⁹ La̱in incꞌaꞌ tinba̱nu li cꞌaꞌru quincꞌoxla xba̱nunquil e̱riqꞌuin nak quechikꞌ xxamlel injoskꞌil. La̱in incꞌaꞌ chic texinsach chi junaj cua, la̱ex aj Efraín, xban nak la̱in Diosin. Ma̱cuaꞌin yal cui̱nk. La̱in li Dios Santo li cuanquin saꞌ e̱ya̱nk. Incꞌaꞌ tin-oc saꞌ le̱ tenamit che̱sachbal.

Oseas 11:9 ပူးပေါင်းရင်းမြစ်များ

Números 23:19

Li Yos maawa' winq: ink'a' natik'ti'ik chi moko naxjal xk'a'uxl. Li k'aru naxye li Yos, naxb'aanu; na'aatinak, ut li raatin taatz'aqloq ru.

Jeremías 30:11

Laa'in, li Qaawa', ninye li waatin naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Malaquías 3:6

“Laa'in li Qaawa', ut ink'a' ninjal linna'leb'. Jo'kan naq laa'ex li ralal xk'ajol laj Jakob maji' nekex'oso'k.

Oseas 14:4

Ut li Qaawa' tixye: “Twisi chixjunil li xq'etq'etil laj Israel, ut q'axal tinra chi anchal inch'ool; xb'aan naq maak'a' chik injosq'il sa' xb'een.

2 Samuel 20:10

Laj Amasá ink'a' kixk'e reetal naq wank xch'iich' laj Johab sa' li ruq' jun chik; ut a'in kixjutz' chi ch'iich' laj Amasá jun sut ajwi' sa' xsa', ut chixjunil li xsooyom kit'ane'k chiru ch'och'. Sa' junpaat kikamk laj Amasá. Chirix chik a'an laj Johab rochb'een laj Abisay li riitz'in koheb' wi' chik chi xsik'inkil laj Sebá, ralal laj Bikrí.

Isaías 48:9

“Sa' xk'ab'a' linloq'al xinkuy linjosq'il, re naq taaterq'usiiq link'ab'a', xinkuy wib' ut ink'a' xinsach aawu.

Salmos 78:38

A'ut li Yos junelik naxtoq'ob'a ruheb': kixkuyeb' xmaak ut ink'a' kixsacheb', k'iila sut kixkuy rib' ut ink'a' kipo'k sa' xb'eeneb'.

1 Samuel 26:8

Toja' naq laj Abisay kixye re laj David: “Anaqwan li Yos xq'axtesi sa' laawuq' li xik' na'ilok aawe. Kanab'in anaqwan chi xt'ojb'al chiru ch'och' rik'in jutz' che'. Tz'aqal xkutb'al linjutz' che' junsutaq ajwi'”, chan.

Deuteronomio 13:17

“Maak'a' k'a'aq re ru li ak q'axtesinb'il re sache'k taakanaaq aawik'in, re naq taanume'q xjosq'il li Qaawa' ut a'anaq taxaq aj uxtaan aawik'in ut chiril taxaq xtoq'ob'aal aawu jo'wi' tatxtamb'resi taxaq, jo' xyeechi'om reheb' laana' laayuwa'.

Salmos 46:5

Li xkok' uq' li nima' neke'xsut ut neke'xsahob'resi ru li xtenamit li Yos, neke'xsantob'resi li xloq'laj muheb'aal li Nimajwal Yos.

Isaías 5:24

Jo' naq li xam naxk'at li k'im ut na'oso'k li k'ix xb'aan li raq'xam, jo'kan ajwi' naq tex'oso'q laa'ex, jo' li che' xq'aak li xxe' ut li ratz'um xhame'k kama' li pojtz'. Xb'aan naq xetz'eqtaana li xchaq'rab' li Qaawa' ut li raatin li Nimajwal Yos, li xSant laj Israel.

Isaías 31:1

Ra chaalel sa' xb'eeneb' li neke'xik Ejiipt chi xpatz'b'al xtenq'ankileb', eb' li neke'xk'ojob' xch'ooleb' chirix li xk'iila kawaayeb' ut b'eleb'aal ch'iich'eb', eb' li kaweb' xch'ool xb'aan naq naab'aleb' naq neke'b'eek chirix kawaay, ab'anan ink'a' neke'xsik' li Qaawa' ut maak'a' royb'enihomeb' rik'in li xSant laj Israel.

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

Isaías 41:16

Taakuteb' chi najt ut li iq' taak'amoq reheb', te'cha'cha'iiq xb'aan li kaqsut-iq'; a'ut laa'at taasaho'q laach'ool rik'in li Qaawa', taanimob'resi aawib' sa' xk'ab'a' li xSant laj Israel.

Jeremías 26:3

Mare anchal tate'xpaab' ut te'xkanab' xb'aanunkil li maa'usilal. Chi jo'kan ink'a' chik tintaqla chaq li rahilal sa' xb'eeneb', jo' xink'oxla xb'aanunkil xb'aan naq ink'a' us li xyehom ut xb'aanuhomeb'.

Salmos 85:4

Xawisi laajosq'il sa' qab'een ut xasach sa' laawaanm li xpo'ik aach'ool.

Oseas 12:1

Eb' laj Efraín maak'a' xyaalal li neke'xb'aanu; rajlal kutan neke'xsik' xtenq'ankileb' sa' jalanil tenamit. Nanumtaak li xtik'ti'eb' ut li elq'ak neke'xb'aanu, neke'xk'e rib' sa' aatin rik'ineb' laj Asiria ut neke'k'amok aseeyt aran Ejiipt”, chan li Yos.