Oseas 11:8 - Q'eqchi Bible

⁸ “Chanru naq tatinkanab', a Efraín? Chanru naq tatintz'eqtaana, a Israel? Ma tatinsach tab'i' jo' xinb'aanu re li tenamit Admá malaj tinb'aanu ta aawe jo' xinb'aanu reheb' laj Seboín xb'aan li xmaa'usilaleb'? Q'axal nayot'e'k li waanm ut namayok linch'ool chawix.

Li Santil hu

⁸ ¿Chanru nak texincanab e̱junes, la̱ex ralal xcꞌajol laj Efraín? ¿Chanru nak texinkꞌaxtesi saꞌ rukꞌeb li xicꞌ nequeꞌiloc e̱re, la̱ex aj Israel? ¿Ma ta̱ru̱k ta biꞌ texinsach joꞌ xinba̱nu riqꞌuineb laj Adma ut riqꞌuineb laj Zeboim? La̱in cꞌajoꞌ nak nequexinra. Joꞌcan nak nayotꞌeꞌ inchꞌo̱l e̱ban.

Oseas 11:8 ပူးပေါင်းရင်းမြစ်များ

Jeremías 31:20

“Laj Efraín a'an jun alalb'ej jwal loq' cho'q we laa'in, a'an li walal q'axal raaro inb'aan. Us ta ninq'us chi kaw, ab'an junelik wank sa' inch'ool; namayok li waanm chirix, nawil xtoq'ob'aal ru ut jwal ninra -chan li Qaawa'-.

San Mateo 23:37

“At Jerusalén, Jerusalén, li nakakamsiheb' li propeet ut nakakuteb' chi pek li taqlanb'ileb' chaq aawik'in! K'ajo' naq xwaj raj xch'utub'ankileb' laawalal aak'ajol, kama' junaq kaxlan naxkupuheb' li ral rub'el li xxik', ut ink'a' xeraj!

Oseas 6:4

“K'aru tinb'aanu aawe, a Efraín? K'aru tinb'aanu aawe, a Judá? Linraab'al nekeye, a'an jo' li choql toj eq'la, jo' li xchu'ke li sa' junpaat nanume'k xb'aan li iq'.

Deuteronomio 32:36

“Xb'aan naq li Qaawa' tixtenq'a li xtenamit, taaruxtaana ruheb' li xmoos naq taaril chi lajk li xmetz'eweb' ut maak'a'eb' chik aj mun ut aj eechal reheb'.

Deuteronomio 29:23

«Junes asuupr ut atz'am wank chik aran, ut li ch'och' k'atalkaq aj chik ru: a'an a'in chixjunil leena'aj. Ink'a' chik taaruuq awk arin, maak'a' taamoq chiru, chi moko li pim taak'iiq sa' li na'ajej a'in, kama' li rahilal kixk'ul Sodoom ut Gomoor, Admá ut Seboín naq ke'sache'k ru xb'aan xnimal xjosq'il li Qaawa'», cha'qeb'.

San Judas 1:7

Jo'kan ajwi' Sodoom, Gomoor ut eb' li tenamit li ke'wank chi xk'atq, ke'kanaak cho'q xnimal eetalil cho'q qe laa'o: anaqwan neke'xkuy li xtojb'al rix li xmaakeb' sa' li xam chi junelik xb'aan naq, kama'eb' li ánjel, ke'xmux rib' ut ke'xq'axtesi rib' chi xb'aanunkil li jo'maajo'il na'leb'.

2 Pedro 2:6

Ut kixteneb' li kamk sa' xb'eeneb' li tenamit Sodoom ut Gomoor, naq kixkanab'eb' chi chahil, jo' jun eetalil chiruheb' li ink'a' te'xpaab' li Yos sa'eb' li kutan chalkeb' re.

Amós 4:11

“Xexinsach rik'in nimla rahilal jo' kinb'aanu reheb' laj Sodoom ut eb' laj Gomoor, ut chanchanex aj chik li ru'uj si' na'elk sa' li xam naq xexkanaak. Ab'anan laa'ex ink'a' xexsutq'iik chaq wik'in”, chan li Qaawa'.

Lamentaciones 1:20

Ilin, at Qaawa', sa' li rahilal wankin wi'. Nayot'e'k linch'ool, nab'aqaqnak li waanm xb'aan li maak xinb'aanu: xinq'etq'eti wib' chawu. Chirix kab'l yookeb' chi kamsiik eb' li walal ink'ajol, ut sa' li kab'l yo ajwi' li kamk.

2 Reyes 13:23

Ab'an li Qaawa' kixtoq'ob'a ut kiruxtaana ruheb', kisutq'iik wi' chik rik'ineb' sa' xk'ab'a' li xsumwank rik'in laj Abrahán, laj Isahak ut laj Jakob, ut ink'a' kiraj xsachb'aleb' ru chi junajwa, chi moko kixtz'eqtaanaheb' chalen toj anaqwan.

2 Samuel 24:16

Ut naq li ánjel kixye' li ruq' sa' xb'een Jerusalén re xsachb'al, kiyot'e'k xch'ool li Qaawa' chi xtaqlankil li rahilal a'an, ut kixye re li ánjel li yo chi sachok: “Tz'aqal li xab'aanu. Maarahob'tesiheb' chik”, chan. Sa' li honal a'an li x'ánjel li Qaawa' wank chi xk'atq xch'oxleb'aal laj Arawná aj Jebús.

Jueces 10:16

Ke'risi eb' li jalanil yos sa' xyanqeb' ut ke'xtikib' wi' chik xloq'oninkil ru li Qaawa'. Ut li Qaawa' ink'a' chik kixkuy rilb'al li rahilal wankeb' wi'.

Génesis 14:8

Toja' naq ke'elk li awab'ej re Sodoom, li awab'ej re Gomoor, li awab'ej re Admá, li awab'ej re Seboín ut li awab'ej re Belá (Sohar ajwi' nayeemank re li tenamit a'an), ut sa' xtaq'ahil Sidim ke'xk'uub' rib' chi yalok

Apocalipsis 18:18

ut japjookeb' re naq ke'ril li xsib'el li xk'atik: “Ani chanchan li Nimla Tenamit?”, chankeb'.

Apocalipsis 11:8

Ut li xch'och'el sululeb' a'an te'kanaaq sa'eb' li xaalib'e re li xNimal Tenamit li naxk'ab'a'in Sodoom malaj Ejiipt chi jalb'il ru xyaalalil; aran ajwi' kik'ehe'k chiru krus li xQaawa'eb' a'an.

Sofonías 2:9

Jo'kan naq Laa'in, li Nimajwal Yos ut xYos laj Israel, ninye li waatin naq Mohab taakanaaq jo' Sodoom, ut Amón taa'oso'q jo' Gomoor. Junes k'ix ut atz'am taa'elq chiru; nakirirnak chi junajwa taakanaaq. Jo'k'ihaleb' chik lintenamit xe'kole'k, te'xxok chixjunil ut eb' a'an te'eechaninq re li na'ajej a'an”.

Amós 7:6

Toja' naq li Qaawa' kixjal xk'a'uxl ut kixye: “Chi moko a'in taak'ulmanq”, chan.

Amós 7:3

Toja' naq li Qaawa' kixjal xk'a'uxl ut kixye: “Ink'a' taak'ulmanq a'an”, chan.

Lamentaciones 3:33

Xb'aan naq ink'a' nasaho'k xch'ool chi rahob'tesink, chi moko chi xk'eeb'al eb' li ralal xk'ajol sa' raaxiik'.

Jeremías 9:7

Jo'kan naq li Qaawa', li Nimajwal Yos, kixye chi jo'ka'in: “Tinrahob'tesi lintenamit re xch'ajob'resinkileb', xb'aan naq k'a' ta chik ru tinb'aanu reheb' re te'usaaq?

Jeremías 3:12

Ayu sa' xjayal releb'l iq' ut ye li esilal a'in: «Xyehom li Qaawa': Sutq'in chaq wik'in, a Israel, aj q'etolat aatin. Ink'a' chik yo injosq'il sa' aab'een chi moko xik' chik nakatwil, xb'aan naq q'axal chaab'il linch'ool -chan li Qaawa'-.

Isaías 63:15

At Qaawa', ilon chaq toj sa' choxa ut k'e reetal toj sa' chaq laasantil na'aj nakathilank wi'. B'ar xkoho li xnimal laarahom ut laakawilal? K'a'ut naq ink'a' namayok b'ayaq laawaanm? Ma x'oso'k tab'i' laawuxtaan cho'q qe?

Salmos 106:45

Kijultiko'k re li Sumwank kixk'ojob' rik'ineb', ut kixtoq'ob'a ruheb' jo' chanru li xnimal xrahom.

1 Reyes 3:26

Ab'anan li xna' li k'uula'al yo'yo kimayok xch'ool chirix li xk'uula'al, ut kixtz'aama chiru li awab'ej: “B'aanu usilal, at awab'ej, chik'eemanq li k'uula'al yo'yo re li ixq a'an, ab'an meekamsi!”. A'ut li ixq jun chik yo xyeeb'al: “Chi moko we chi moko aawehaq! Xjachaqeb' sa' xyi!”, chan.

Isaías 16:11

Jo'kan naq nachiq'lok xsa' linsa' xb'aan Mohab ut nayot'e'k li waanm chirix Kir-Jaréset.

Jeremías 18:8

Ab'anan wi li tenamit a'an naxkanab' xb'aanunkil li maa'usilal, laa'in ink'a' chik tinrahob'tesi jo' k'uub'k'u inb'aan.

Jeremías 42:10

«Wi laa'ex texkanaaq sa' li na'ajej a'in, laa'in tinwaklesi eech'ool ut ink'a' texinrahob'tesi; texink'ojob' sa' leena'aj ut ink'a' chik texinjuk', xb'aan naq naraho'k linch'ool chirix li rahilal xinb'aanu eere.

Lamentaciones 3:32

Us ta naxk'e xrahil qach'ool, ab'an naruxtaana wi' chik qu sa' xk'ab'a' li xnimal xrahom.

Ezequiel 6:9

Eb' li te'kole'q tinjultiko'q reheb' sa'eb' li tenamit xe'k'ame'k wi'. Te'jultiko'q reheb' chanru naq xinrahob'tesiheb' xb'aan naq xe'xmux li xpaab'aaleb' ut xkoheb' xch'ool chirixeb' li jalanil yos. Eb' a'an te'xyib' rib' xb'aan li k'iila maa'usilal xe'xb'aanu jo'wi' xb'aan li jo'maajo'il b'aanuhem.

Ezequiel 33:11

Ab'anan, sa' xk'ab'a' linloq'al, laa'in li Qaawa' ninye li waatin naq ink'a' nawaj li xkamik laj maak, nawaj b'an naq tixyot' xch'ool tixjal xk'a'uxl ut wanq xyu'am. Ex aj Israel, jalomaq leek'a'uxl, kanab'omaq xb'aanunkil li maa'usilal. K'aru aj e naq texkamq?

Oseas 7:1

“Naq nawaj raj xk'irtasinkil lintenamit ut xkolb'aleb' li walal ink'ajol aj Israel, nak'utunk li xmaakeb' laj Efraín ut li xmaa'usilaleb' laj Samaria. Xb'aan naq chixjunileb' neke'b'alaq'ik; neke'okje'k sa'eb' li ochoch chi elq'ak ut junch'oleb' chik li poyanam yookeb' chi elq'ak sa' b'e.

Miqueas 5:3

Jo'kan naq li Yos tixkanab' xjunes li xtenamit toj reetal taa'alanq li ixq li wank sa' yu'am. Toja' naq eb' laj Israel li ke'k'ame'k sa' ab'l tenamit, te'sutq'iiq wi' chik sa' xyanqeb' li rech tenamitul.

Deuteronomio 29:22

Eb' li toj te'yo'laaq, a'eb' leeralal eek'ajol li te'chalq cherix laa'ex, jo' ajwi' eb' li jalan xtenamiteb' chalenaqeb' chaq chi najt, naq te'ril li xninqal rahilal ut yajel taarahob'tesiiq wi' li na'ajej a'in xb'aan li Qaawa', te'xjap re chi xyeeb'al:

2 Crónicas 36:15

Ab'an li Qaawa', xYos li xxe'toonil yuwa'eb', jwal nim li xraab'al li xtenamit ut li xloq'laj muheb'aal: kiril xtoq'ob'aal ru li xtenamit ut chalen chaq sa' xtiklajik kixtaqla naab'aleb' li xtaql chi xk'eeb'al xna'leb'eb'.

Jeremías 9:6

Ka'aj chik li b'alaq'ik ut li tik'ti'ik wank sa' xch'ooleb', ink'a' neke'raj xnawb'al ru li Qaawa'.