Oseas 11:2 - Q'eqchi Bible

² A'ut naq q'axal kinra, jwal kixnajtob'resi chik rib' wik'in: lintenamit neke'mayejak chiruheb' laj Bahal ut neke'xk'at xpom chiruheb' li jalanil yos.

Li Santil hu

² La̱in xcuaj raj nak xeꞌchal cuiqꞌuin, abanan nak xinbokeb, kꞌaxal cuiꞌchic xineꞌxtzꞌekta̱na. Chiruheb chic laj Baal nequeꞌmayejac ut chiruheb li yi̱banbil dios nequeꞌxcꞌat lix pomeb.

Oseas 11:2 ပူးပေါင်းရင်းမြစ်များ

Oseas 2:13

Tolinrahob'tesi li ixq a'an xb'aan naq xk'atok k'ajpom chiruheb' laj Bahal, xtiqib' rib' chi chaab'il rik'in matq'ab' ut q'ol ut xkoho chirixeb' li neke'rahink re, chi ink'a' chik nikinxk'oxla laa'in li Qaawa' -chan li Yos-.

Jeremías 18:15

Ab'an lintenamit xinxtz'eq chirix li xch'ool, ut namayejak chik k'ajpom chiruheb' li jalanil yos. Xe'tichk'ok ut xe'xkanab' li chaab'il b'e ink'utum chiruheb' junxil, ut a' chik li ink'a' usil b'e ke'ok xtaaqenkil li ink'a' xnawomeb' ru.

Isaías 65:7

chirix leemaa'usilal laa'ex jo'wi' chirix li xmaakeb' leena' leeyuwa'. Eb' a'an xe'k'atok k'ajpom sa'eb' li tzuul ut xine'xmajewa sa' xb'eeneb' li b'ool; jo'kan naq tink'e li xq'ajkamunkileb' chi tz'aqal re ru”, chan li Qaawa'.

Oseas 11:7

Lintenamit jwal kaw xch'ooleb' chintz'eqtaanankil; us ta neke'xpatz' xk'ab'a' laj Bahal, ab'an maajun natenq'ank reheb'.

Hechos 7:51

“Q'axal kaw leejolom, xjipo'k leech'ool jo'wi' leexik -chan laj Esteban-. Laa'ex junelik nekeq'etq'eti eerib' chiru li Santil Musiq'ej! Jo'eb' leena' leeyuwa', jo'kanex ajwi' laa'ex!

San Juan 3:19

Ut a'an a'in li raqb'a aatin: xk'ulunk li saqenk sa' ruuchich'och' ut eb' li winq a' chik li aak'ab' xe'xra chiru li saqenk, xb'aan naq ink'a' useb' li xb'aanuhom.

San Lucas 13:34

“At Jerusalén, Jerusalén, li nakakamsiheb' li propeet ut nakakuteb' chi pek li taqlanb'ileb' chaq aawik'in! K'ajo' naq xwaj raj xch'utub'ankileb' laawalal aak'ajol, kama' junaq kaxlan naxkupuheb' li ral rub'el li xxik', ut ink'a' xeraj!

Zacarías 7:11

Ab'an eb' li tenamit ink'a' ke'raj xpaab'ankil, ke'xjipi chik rib'eb' ut ke'xtz'ap xxikeb' re naq ink'a' ke'ab'ink;

Jeremías 35:13

“Jo'ka'in xye li Nimajwal Yos, li xYos laj Israel: Ayu ut aatinaheb' laj Judá ut eb' laj Jerusalén chi jo'ka'in: «Ma ink'a' teetzol eerib' chi xpaab'ankil eb' li waatin? -chan li Qaawa'-.

Nehemías 9:30

Chiru k'iila chihab' kakuyeb', kak'e xna'leb'eb' rik'in laamusiq' ut chi xtz'uumal reheb' laapropeet. Ab'an eb' a'an ink'a' ke'ab'ink; jo'kan naq kaq'axtesiheb' sa' ruq'eb' li tenamit wankeb' sa' ruuchich'och'.

1 Reyes 18:19

Ab'an anaqwan b'oqeb' ut xch'utub'aqeb' rib' wik'in chixjunileb' laj Israel, sa' li tzuul Karmeel, rochb'eeneb' li lajeeb' roxk'aal xkab' o'q'ob' (450) chi xpropeeteb' laj Bahal, li neke'wa'ak rik'in lix Jesabel”.

1 Reyes 12:33

Sa' li kutan o'laju xb'e li xwaqxaq po koho laj Jerobohán chi mayejak chiru li artal kixyiib' Betel (sa' li po yal kixk'oxla junes rib' a'an ut kixxaqab' cho'q xninq'eheb' laj Israel). Koho aran Betel ut kixmayeja pom chiru li artal.

Jueces 10:6

Ab'anan eb' laj Israel ke'ok wi' chik chi xb'aanunkil li ink'a' nawulak chiru li Qaawa': ke'xloq'oniheb' laj Bahal ut eb' lix Astarté, jo' ajwi' li xyoseb' laj Aram ut Sidón, li xyoseb' laj Mohab, li reheb' laj Amón ut reheb' laj Filistea. Ke'xtz'eqtaana li Qaawa' ut ink'a' chik ke'k'anjelak chiru.

Jueces 3:7

Eb' laj Israel ke'xb'aanu li k'aru ink'a' nawulak chiru li Qaawa', xb'aan naq kisachk sa' xch'ooleb' li Qaawa' li xYoseb', ut a' chik eb' laj Bahal ut lix Aserá ke'xloq'oni ru.

Jueces 2:13

ke'xkanab' li Qaawa' ut ke'xloq'oni ru laj Bahal jo'wi' lix Astarté.

Zacarías 1:4

Meeb'aanu jo' ke'xb'aanu eb' leemama' leerixa'an, li ke'aatinaak xb'aaneb' li propeet li ke'wank junxil, re raj naq te'xkanab' xb'aanunkil li maa'usilal ut li yib' aj na'leb'; ab'an ink'a' ke'raj wab'inkil chi moko inpaab'ankil -chan li Nimajwal Yos-.

Oseas 4:13

Neke'xik chi mayejak sa' xjolomeb' li tzuul ut sa' xb'eeneb' li b'ool neke'k'atok k'ajpom; jo'kan ajwi' neke'xb'aanu rub'eleb' li xninqal che', xb'aan naq sa neke'hilank rub'el li xmuheb' a'an. Eb' leerab'in neke'yumb'eetak ut eb' leeralib' neke'xmux li xsumlajikeb'.

Jeremías 44:5

Ab'anan ink'a' kineepaab' chi moko keraj wab'inkil; ink'a' kekanab' leemaa'usilal, tik kex'ok b'an chik chi mayejank k'ajpom chiruheb' li jalanil yos.

Oseas 4:17

Laj Efraín xkoho xch'ool chirixeb' li yal k'oxlanb'il yos: kanab'omaq chi xb'aanunkil!