Oseas 11:11 - Q'eqchi Bible

¹¹ “Jo'eb' li kok' xul naq te'chalq chaq Ejiipt, jo'eb' li mukuy naq te'elq chaq Asiria. Ut laa'in teb'ink'e chi hilank sa' li rochocheb'”, chan li Qaawa' Yos.

Li Santil hu

¹¹ Chanchanakeb laj xicꞌanel xul nak teꞌcha̱lk cuiqꞌuin saꞌ junpa̱t joꞌ nak queꞌel chak Egipto. Ut chanchanakeb li mucuy nak teꞌe̱lk chak Asiria. Ut la̱in tebinqꞌue cuiꞌchic chi cua̱nc saꞌ lix naꞌajeb, chan li Ka̱cuaꞌ.

Oseas 11:11 ပူးပေါင်းရင်းမြစ်များ

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Isaías 60:8

Aniheb' a'an li kaw yookeb' chi xik jo'eb' li choql, kama'eb' li mukuy naq neke'xik sa' li xsokeb'?

Zacarías 10:10

Twisiheb' chaq Ejiipt, ut tink'ameb' chaq li wankeb' Asiria; tinch'utub'eb' sa' xteepal Galahad ut Líbano, ut k'ajo'aq xk'ihaleb' toj reetal ink'a' taatz'aqloq li xna'ajeb'.

Oseas 7:11

Laj Efraín jo' jun li mukuy maak'a' xna'leb', ink'a' naxnaw k'oxlak: naxpatz' xtenq'ankil re Ejiipt ut naxik rik'ineb' laj Asiria.

Abdías 1:17

Ab'anan li tzuul Sión a'anaq li santil na'ajej b'arwi' te'xik chi muqlek eb' li xe'elelik. Eb' li ralal xk'ajol laj Jakob te'reechani wi' chik li xch'och'eb'.

Oseas 3:5

Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.

Ezequiel 37:25

Te'wanq sa' li ch'och' ink'ehom re laj Jakob, laj k'anjel chiwu, b'arwi' ke'wank eb' leemama' leerixa'an. Aran te'wanq eb' a'an, eb' li ralal xk'ajol ut eb' li ri xmameb' chi junelik; ut a' laj David, laj k'anjel chiwu, taajolominq reheb' junq'e junq'e kutan.

Ezequiel 37:21

ut ye reheb': «Jo'ka'in xye li Qaawa': Ok we chi risinkileb' chaq laj Israel sa' xyanqeb' li tenamit koxe'na'ajunq wi'; tinch'utub'eb' yalaq b'ar ut tink'ameb' chaq wi' chik sa' li xna'ajeb'.

Jeremías 31:12

“Te'chalje'q rik'in b'ichank sa' xb'een li tzuul Sión; jun chalikaqeb' wan wi' li xsimaatan li Qaawa', chi xyalb'al xsahil li triiw, li b'iin ut li aseeyt, ut te'k'ojlaaq xch'ool rik'in li raleb' li karneer ut li wakax. Chanchanaqeb' jun li xna'aj awimq t'aqresinb'il chi us, ut maajoq'e chik te'wiib'anq xch'ool.

Ezequiel 34:27

Te'uuchinq eb' li che', li loq'laj ch'och' tixk'e li awimq; ut eb' a'an te'wanq sa' li xna'ajeb' sa' tuqtuukilal. Naq laa'in tinkol lintenamit sa' ruq'eb' li xe'tawasink ut xe'munink reheb', aran te'xnaw naq laa'in li Qaawa'.

Ezequiel 34:28

Ink'a' chik te'chape'q xb'aaneb' li jalanil tenamit, chi moko te't'upiiq xb'aaneb' li josq' aj xul. Sa' xyaalal chik te'wanq ut maajun chik taaxib'esinq reheb'.

Zacarías 8:7

“Jo'ka'in naxye li Nimajwal Yos: Tinkoleb' lintenamit naq twisiheb' chaq sa' xjayal releb'l saq'e ut sa' xjayal rokeb'l saq'e;

Zacarías 8:8

ut tink'ameb' chaq re naq te'hilanq Jerusalén. A'anaqeb' lintenamit ut laa'inaq li xYoseb': Yos re li tiikilal ut tiikil ch'oolej”.