Oseas 11:1 - Q'eqchi Bible

¹ “Naq toj saaj chaq laj Israel, q'axal kinra, ut toj Ejiipt kinb'oq chaq li walal.

Li Santil hu

¹ Nak toj sa̱jeb chak li ralal xcꞌajol laj Israel, la̱in quinraheb. Ut nak cuanqueb chak Egipto, quinbokeb li cualal incꞌajol.

Oseas 11:1 ပူးပေါင်းရင်းမြစ်များ

San Mateo 2:15

ut aran kiwank chaq toj reetal kikamk laj Herodes. Chi jo'kan kitz'aqlok ru li xyehom li Qaawa' chi xtz'uumal re li propeet: “Ejiipt kinb'oq chaq li walal”.

Éxodo 4:22

Toja' naq taaye re: «Jo'ka'in naxye li Qaawa': Laj Israel a'an li walal, a'an li xb'een walal.

Oseas 13:4

Xyehom li Qaawa': “Laa'in li Qaawa' laaYos, chalen chaq sa' laawelik Ejiipt. Maak'a' junaq chik yos chiwu laa'in, chi moko wank junaq chik aj kolonel.

Oseas 2:15

Aran tink'e chaq wi' chik li x'uub'; li xtaq'ahil Akor tkanaaq cho'q nimla sahilal, ut tinraatina wi' chik jo' chaq sa' li xsaajilal, jo' naq ki'elk chaq Ejiipt.

Jeremías 2:2

“Ayu ut jap aawe chi aatinak sa' xxikeb' laj Jerusalén: Jo'ka'in xye li Qaawa': Nakatjultiko'k we naq sa' laasaajilal jwal k'ojk'o laach'ool chiwix. Q'axal kinaara naq kinsumlaak aawik'in, ut kinaataaqe sa' li chaqich'och', sa' li joxk' na'ajej b'arwi' maak'a' nayo'laak.

Malaquías 1:2

“Laa'in jwal nekexinra”, chan li Qaawa'. Ab'an laa'ex nekeye: “K'aru nak'utunk wi' naq nokoohaara?”, chankex. Ut li Qaawa' naxye: “Ma ink'a' tab'i' riitz'in laj Esaú laj Jakob? Laa'in jwal kinra laj Jakob

Oseas 12:13

Rik'in xtenq'aal jun li propeet li Qaawa' kirisiheb' chaq laj Israel aran Ejiipt ut kixk'aak'aleheb' rik'in xk'anjel jun propeet.

Ezequiel 16:6

«Naq kinnume'k chak'atq, katwil chi nakatb'oolank sa' laakik'el: Matkamk! -chankin aawe-

Deuteronomio 7:7

“Moko xb'aan ta naq numtajenaqex chiru chixjunileb' li tenamit naq koho ta xch'ool li Qaawa' cherix re xsik'b'al eeru (laa'ex jun ch'ina tenamit ink'a' k'ihex),

Oseas 12:9

Laa'in li Qaawa' leeYos chalen chaq sa' leerelik Ejiipt: toj texink'e wi' chik chi wank sa'eb' li muheb'aal yiib'anb'il rik'in t'ikr, jo' junxil naq kexintaw chaq sa' li chaqich'och'.

Éxodo 4:23

Jo'kan naq ninye aawe: Kanab' chi xik li walal re naq toxinxloq'oni; ab'an wi ink'a' taakanab' chi xik, laa'in tinkamsi laawalal, a' li xb'een aawalal»”.

Salmos 129:1

B'ich re li taqsink. K'ajo' naq kine'xrahob'tesi chalen chaq sa' linsaajilal -che'xyehaq eb' laj Israel anaqwan-,

Jeremías 12:7

“Xinkanab' li rochochil laj Israel ut xintz'eqtaana li weechanihom. Xinq'axtesi li jwal raaro inb'aan sa' ruq'eb' li xik' neke'ilok re.

Oseas 10:15

A'an ajwi' teek'ul laa'ex li wankex Betel xb'aan leek'iila maa'usilal. Li awab'ej re Israel taakamq sa' xtiklajik li kutan”.

Éxodo 19:4

«Ak eerilom chaq k'aru xinb'aanu reheb' laj Ejiipt ut chanru naq xexink'am chaq wik'in jo' sa' xb'een xxik' li nimla t'iw.

Deuteronomio 33:3

Laa'at nakaraheb' li qaxe'toonil yuwa'; chixjunil laasantil tenamit wank sa' laawuq'. Eb' a'an wiq'wookeb' rub'el laawoq rub'el aawuq', ut naxik xch'ooleb' chirix laawaatin.

Isaías 43:4

Xb'aan naq jwal loq'at cho'q we laa'in, q'axal terto aatz'aq ut nakatinra. Tink'eheb' li poyanam ut eb' li tenamit cho'q aaweeqaj re xkolb'al laayu'am.

Ezequiel 16:22

Naq yookat chi xb'aanunkil li maa'usilal jo' aj yumb'eet, ink'a' kijultiko'k aawe naq sa' laasaajilal katwank chaq chi t'ust'u ut nakatb'oolank sa' laakik'el.