Oseas 10:5 - Q'eqchi Bible

⁵ Eb' laj Samaria neke'siksotk ut neke'yaab'ak xb'aan naq xsache'k li wakax oor re Bet-Abén. Neke'huyhutk chi yaab'ak eb' li tenamit rochb'eeneb' laj tij, xb'aan naq xsache'k xloq'al li xyoseb'.

Li Santil hu

⁵ Eb laj Samaria teꞌxucuak ut teꞌya̱bak xban xrahil xchꞌo̱leb nak ta̱sachekꞌ li cuacax oro li cuan Bet-avén. Teꞌya̱bak ajcuiꞌ laj tij li nequeꞌxqꞌue xchꞌo̱l chi cꞌanjelac chiru. Cau teꞌya̱bak nak ta̱sachekꞌ xlokꞌal lix dioseb.

Oseas 10:5 ပူးပေါင်းရင်းမြစ်များ

Oseas 9:11

Li xloq'aleb' laj Efraín taa'oso'q jo' naq naxik'ank junaq xul chiru choxa: ink'a' chik te'wanq ralal xk'ajoleb', maajun chik ixq taakanaaq sa' yu'am ut ink'a' chik taasiyaaq junaq k'uula'al.

Oseas 5:8

Yaab'asihomaq li pur aran Kibehá ut puktesihomaq li esil a'in aran Ramá. Yehomaq chaq reheb' laj Bet-Abén; kawal wanqeb' laj Benjamín.

Oseas 4:15

“At Israel, wi laa'at nakamux laapaab'aal, ab'an ink'a' taxaq taamaakob'q laj Judá. Mexxik aran Kilkal chi moko chex'ok Bet-Abén; meeye eejurament sa' xk'ab'a' li Qaawa'.

2 Reyes 23:5

Chirix chik a'an kirisiheb' sa' xk'anjel eb' li ke'xaqab'aak xb'aaneb' li awab'ej re Judá chi k'atok pom sa'eb' li tijob'aal sa' xjolomeb' li tzuul, sa'eb' li tenamit sa' xteepal Judá, chi xsutam Jerusalén, jo' ajwi' eb' li ke'mayejak pom chiru laj Bahal, chiru li saq'e, li po ut chixjunileb' xsaqenkil li choxa.

Oseas 13:2

Ut toj yookeb' ajwi' chi maakob'k anaqwan! Neke'xha'lesi li plaat re xyiib'ankileb' li jalanil yos; neke'xyiib' li xjalam uheb' jo' chanru neke'raj: chixjunil a'an yal xk'uub'ahom junaq aj tenol ch'iich' ut neke'xye naq yos, neke'mayejak chiru ut neke'xtz'ub' li xjalam u jun li wakax!

Hechos 19:27

Ut a'an ch'a'aj cho'q qe: moko ka'aj ta wi' oso'k re li qak'anjel, taakanaaq aj b'an wi' chi maak'a' aj e li rochoch lix Artemisa, li xnimal ru qayos, ut taasachmanq xloq'al li neke'xloq'oni chixjunileb' laj Asia jo'wi' chixjunil li ruuchich'och'”.

Sofonías 1:4

“Tinrahob'tesiheb' laj Judá ut chixjunileb' li wankeb' Jerusalén. Jo'nimal toj xkanaak re laj Bahal li xyoseb' tinsach ru chi junajwa; a' ajwi' li xk'ab'a'eb' laj k'anjel chiru ut eb' laj tij tinsacheb' ru.

2 Crónicas 11:15

Jalaneb' chik winq ke'xaqab'aak xb'aan laj Jerobohán cho'q aj tij re te'mayejaq sa'eb' li tijob'aal sa' xjolomeb' li tzuul, chiruheb' li maa'us ut eb' li wakax li kixk'e chi yiib'aak.

2 Reyes 17:16

Ke'xkanab' xpaab'ankil chixjunil li xchaq'rab' li Qaawa' li xYoseb' ut ke'xha'lesi li q'anch'iich' re xyiib'ankil li xyoseb', eb' li wiib' xjalam uheb' li wakax jo' ajwi' li xjalam u lix Aserá. Ke'xwiq'ib' rib' chi xloq'oninkil ru eb' li chahim chiru choxa ut ke'mayejak chiru laj Bahal.

2 Reyes 10:29

Ab'anan, us ta kixb'aanu a'an, laj Jehú ink'a' kixkanab' xb'aanunkil li xmaak laj Jerobohán, ralal laj Nabat, naq kixk'am xb'eheb' laj Israel chi maakob'k, rik'ineb' li saaj wakax yiib'anb'ileb' rik'in oor li wankeb' Betel ut Dan: laj Jehú ink'a' kixsacheb'.

Jueces 18:24

Kichaq'ok laj Mikaías ut kixye: “Xemaq' chiwu linyos li kinyiib' laa'in; xek'am cherix laj tij li yo chi k'anjelak chiwu. Xkohex chi maak'a' xekanab' we, ut toj nekepatz' we k'aru xink'ul?”.

Josué 7:2

Wankeb' winq ke'taqlaak xb'aan laj Josué toj Ay, nach' rik'in Bet-Abén, sa' releb'l saq'e sa' xjayal Betel: “Ayuqex ut k'ehomaq chaq reetal li tenamit Ay”, chu'uxkeb' re. Eb' a'an ke'elk Jerikó, koheb' ut ke'xk'e reetal li tenamit Ay.

2 Crónicas 13:8

Ut anaqwan laa'ex teeraj xq'etq'etinkil eerib' chiru li x'awab'ejihom li Qaawa' li wank sa' ruq'eb' li ralal xk'ajol laj David, yal xb'aan naq jwal naab'alex ut wank eerik'in eb' li wakax yiib'anb'ileb' rik'in oor, li xk'ehom eere laj Jerobohán cho'q eeyos.

Isaías 46:2

Xe'eek'ank sa' xna'ajeb' ut xe't'ane'k chiru ch'och' chi xkab'ichaleb': ink'a' chik xe'ruuk chi wakliik, ut eb' a'an ajwi' xe'k'ame'k sa' jalanil tenamit.

Oseas 9:1

Misaho'k aach'ool, a Israel; matpisk'ok xb'aan xsahilal aawaanm jo'eb' li tenamit junch'ol, xb'aan naq xab'alaq'i laaYos ut q'axal chik xarahi ru li xtuminal li maakob'k sa'atqeb' li na'ajej na'isiik wi' li rix li triiw.

Amós 3:14

Sa' li kutan naq teb'ink'e laj Israel chi xtojb'al rix li xmaakeb', tinsacheb' li artal re Betel; tinjor eb' li xxukub' li artal ut teb'inkut chi ch'och'el.