Oseas 10:3 - Q'eqchi Bible

³ “Maak'a' qa'awab'ej -cha'qeb'- xb'aan naq ink'a' xqoxloq'i ru li Qaawa'. Ab'an k'a' tawi' ru tixb'aanu qe junaq awab'ej?”.

Li Santil hu

³ Anakcuan ma̱cꞌaꞌ karey, chanqueb li tenamit, xban nak incꞌaꞌ xkaxucua ru li Ka̱cuaꞌ. Ut ¿cꞌaꞌ ta cuiꞌ ru tixba̱nu li rey kiqꞌuin? chanqueb.

Oseas 10:3 ပူးပေါင်းရင်းမြစ်များ

Oseas 10:15

A'an ajwi' teek'ul laa'ex li wankex Betel xb'aan leek'iila maa'usilal. Li awab'ej re Israel taakamq sa' xtiklajik li kutan”.

Oseas 13:11

Sa' linjosq'il kink'e laa'awab'ej, ut xb'aan linjosq'il kiwisi wi' chik chawu.

Oseas 10:7

Xsache'k ru Samaria, ut li x'awab'ejeb' chanchan li xwoqx li xab'on sa' xb'een li ha'.

San Juan 19:15

Ut eb' a'an ke'xjap re: —Isi chiqu, isi chiqu! K'e chiru krus! chankeb'. Kixye laj Pilaat reheb': —Ma a' leerey tink'e chiru krus? Ke'chaq'ok li xb'eenileb' aj tij ut ke'xye: —Maak'a' qarey, ka'ajwi' laj César.

Miqueas 4:9

Ut anaqwan, k'a'ut naq japjo aawe, jo'kat li ixq yo chi alank? Ma yal xb'aan naq maak'a' li awab'ej, malaj xb'aan naq xe'kamk eb' laj k'ehol aana'leb'?

Oseas 3:4

Jo'ka'in te'xk'ul eb' laj Israel: chiru k'iila kutan te'wanq chi maak'a' x'awab'ejeb' chi moko junaq aj k'amol xb'eheb'; ink'a' chik te'mayejaq chi moko te'wanq xpekeb' li te'xk'e xloq'al; maak'a'aq chik aq'ej cho'q reheb' laj tij chi moko te'wanq yiib'anb'il yos sa' li xjunkab'aleb'.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Oseas 11:5

ab'anan ink'a' ke'raj sutq'iik wik'in. Jo'kan naq tento te'sutq'iiq wi' chik Ejiipt, ut eb' laj Asiria te'awab'ejinq sa' xb'eeneb'.

1 Samuel 12:25

Ab'anan wi teeb'aanu li ink'a' us, texkamq laa'ex jo'wi' li na'awab'ejink sa' eeb'een”.

Salmos 12:4

Xtz'apaq li Qaawa' li xtz'uumal reheb' li neke'b'alaq'ink, xsetaq li ru'uj raq' eb' li neke'xq'etq'eti rib'eb',

Isaías 5:19

Laa'ex li nekeye: “Xseeb'aaq rib' li Qaawa' chi xb'aanunkil li naraj, re naq taaqil. Chitz'aqloq ru chi junpaat li xk'a'uxl li xSant laj Israel, re naq tqanaw”.

2 Reyes 15:13

Ak b'eleelaju xka'k'aal chihab' rokik laj Osías cho'q awab'ej re Judá, kixtikib' awab'ejink laj Salún, ralal laj Yabés, ut jun po ajwi' kitaqlank aran Samaria,

Salmos 118:9

jwal us toomuhenq rik'in li Qaawa' chiru naq k'ojk'ooq li qaanm rik'ineb' li wankeb' xwankil.

Oseas 13:10

B'ar wank laa'awab'ej anaqwan re naq tatxkol sa' chixjunileb' laatenamit? B'ar wankeb' laj k'amol aab'e li kaye wi': «K'e in'awab'ej ut aj k'amoleb' inb'e»?