Oseas 10:13 - Q'eqchi Bible

¹³ A'ut laa'ex xek'anjela ru li maa'usilal, jo'kan naq xeq'ol li raaxiik' ut li ru li tik'ti' yookex chi xtzekankil. “Ex aj Israel, xekawub'resi leech'ool naq wankeb' chaq leeb'eleb'aal ch'iich' ut k'ajo' xk'ihaleb' laj puub' xe'wank eerik'in.

Li Santil hu

¹³ Abanan la̱ex incꞌaꞌ xexcuan saꞌ ti̱quilal. Xeba̱nu li ma̱usilal ut kꞌaxal ra te̱cꞌul xban li ticꞌtiꞌic. Li cꞌaꞌru xerau, aꞌan ajcuiꞌ li xekꞌol. Incꞌaꞌ cꞌojcꞌo e̱chꞌo̱l cuiqꞌuin. Cꞌojcꞌo ban e̱chꞌo̱l xban nak kꞌaxal nabaleb le̱ soldado.

Oseas 10:13 ပူးပေါင်းရင်းမြစ်များ

Li xHu LAJ JOB 4:8

Jo'ka'in li wilom: naq eb' li neke'xyoob' ch'a'ajkilal ut maa'usilal, a' ajwi' li xe'raw, neke'xq'ol.

Oseas 8:7

Chanchan naq xex'awk sa' li iq', ut a' chik li kaqsut-iq' teetaw. Li k'aru xeraw, ink'a' taa'uuchinq; ut wi taa'uuchinq, jalaneb' chik te'yaloq xsahil.

Proverbios 22:8

Li nab'aanunk maa'usilal, tixk'ul rahilal, xb'aan naq li xwankilal taasache'q ru ut taa'oso'q.

Proverbios 1:31

Jo'kan naq teek'ul reeqaj leeb'aanuhom ut texnujaq rik'in leeyib' aj na'leb'.

Salmos 33:16

Moko nakole'k ta li awab'ej xb'aan naq numtajenaqeb' laj puub', chi moko taakole'q li kaw rib' xb'aan xnimal li xmetz'ew.

Oseas 11:12

“Eb' laj Efraín junes tik'ti' neke'xye we, eb' laj Israel junes b'alaq'il na'leb' neke'xk'ut chiwu. A'ut eb' laj Judá toj nikine'xtaaqe, toj kaweb' xch'ool chi paab'ank.

Salmos 62:10

Jun apunk ajwi' li xyu'ameb' li poyanam, eb' li b'ihom jo' ajwi' eb' li neb'a'. Wi ta te'b'ise'q chixjunileb' sa' xb'een li peex, moko aaleb' ta raj chiru li sib'.

Salmos 52:7

Jo'kan naq li Yos tatxpitz'i, tixsach aawu chi junajwa, tatrisi sa' laawochoch jo' ajwi' sa' xna'ajeb' li yo'yookeb'.

Oseas 7:3

Rik'in li maa'usilal ut li b'alaq'ik neke'xb'aanu neke'xsahob'resi xch'ooleb' li awab'ej ut li ninqeb' xwankil.

Eclesiastés 9:11

Wank jun chik xwil laa'in sa' ruuchich'och': naq maawa' li jwal seeb'eb' neke'eechanink re li maatan sa' li aanilak, chi moko li q'axal kaweb' rib' neke'q'axok u sa' li yalok. Wan naq li wankeb' xna'leb' ink'a' neke'xtaw xtzekemqeb'; wan naq li seeb'eb' xk'a'uxl ink'a' neke'b'ihomo'k, ut eb' li tzolb'ileb' chi us ink'a' neke'k'ule'k chi chaab'il. Xb'aan naq xtaw xhonal xk'ulb'al li ch'a'ajkilal cho'q reheb'.

Proverbios 19:5

Li testiiw aj b'alaq' tixk'ul xtojb'al li xmaak; ut li natik'ti'ik maak'a' naru tixkol wi' rib'.

Proverbios 12:19

Li ani naxye li yaal, wanq chi junelik; a'ut laj tik'ti' ink'a' najt taawanq.

Proverbios 13:2

Li junjunq tixk'ul xq'ajkamunkil xb'aan li xyehom; a'ut eb' laj b'alaq' nasemsotk xch'ooleb' chirix li raaxiik'.

Isaías 17:11

Chiru jun kutan xawil chi moqk li awimq, sa' xkab' li kutan xawil chi atz'umak, ab'anan naq taachalq li yajel, taa'tz'umaaq ut q'axal nimaq chik li rahilal taak'ulmanq.

Oseas 4:2

Neke'yehok jurament ut ink'a' neke'xb'aanu li k'aru neke'xye; k'ajo' li tik'ti'ik, li kamsink poyanam ut li elq'ak, numtajenaq li muxuk sumlaak ut li raaxiik', ut junelik aj chik wank li kamsij ib'.

Oseas 4:8

Neke'xch'oolani rib' rik'in xmaakeb' lintenamit; jo'kan naq neke'rataw naq q'axal chik te'maakob'q li poyanam!

1 Samuel 24:14

Jun chik. Ani sa' aj b'een xchalk li awab'ej re Israel? Sa' inb'een laa'in. Ani taawaj xkamsinkil? Laa'in li chanchanin junaq kamenaq tz'i' ut junaq k'aq.