Oseas 10:11 - Q'eqchi Bible

¹¹ “Laj Efraín chanchan li ral wakax li nawulak chiru k'anjelak re xke'b'al rix li triiw. Ut anaqwan tinb'ak' li b'itche' chirix li xkux ut tink'e chi k'anjelak chi kaw; eb' laj Judá te'xpikle li ch'och' ut eb' laj Jakob te'xk'aji li ch'och'.

Li Santil hu

¹¹ Eb laj Efraín chanchaneb li ral li cuacax li chꞌolaninbil chi us, li cꞌaynak chixyekꞌinquil li trigo re risinquil li ru saꞌ rix. Usta cꞌajoꞌ xchakꞌal ru li rix cux, abanan la̱in tinqꞌue li yugo chirix ut tinqꞌue chi cꞌanjelac chi cau. Tinqꞌueheb li ralal xcꞌajol laj Judá chixquelonquil li arado ut tinqꞌueheb li ralal xcꞌajol laj Jacob chixnumsinquil li rastrillo saꞌ xbe̱n li chꞌochꞌ.

Oseas 10:11 ပူးပေါင်းရင်းမြစ်များ

Oseas 4:16

Laj Israel xq'etq'eti rib' chiru li Qaawa' jo' junaq wakax kaan ru: chan tawi' ru naq taach'oolaniiq xb'aan li Qaawa' jo' junaq ch'ina karneer sa' li chaab'il pach'aya'?

Jeremías 50:11

“Ex aj Kaldeha li xechoyatq xsa' lintenamit, jwal xsaho'k leech'ool ut xexninq'ehik. Xexpisk'ok jo'eb' li saaj wakax sa' li pach'aya', ut chanchanex li kawaay naq xejap eere.

Deuteronomio 25:4

“Maatz'ap ru'uj li b'ooyx naq yo chi k'anjelak re risinkil rix li triiw.

Romanos 16:18

xb'aan naq eb' a'an ink'a' neke'xk'anjela ru li Kriist li Qaawa', a' chik li xsa'eb' neke'xk'anjela ru, ut rik'in chaab'il q'unil aatin neke'xb'alaq'i li q'uneb' xch'ool sa' xpaab'aaleb'.

Oseas 11:4

Rik'in rahok ut q'unil ch'oolejil kink'ameb' chaq wik'in, chanchanin li naxmutzu li xk'uula'al. Kink'utzub' wib' re xk'eeb'al xwaheb',

Oseas 9:1

Misaho'k aach'ool, a Israel; matpisk'ok xb'aan xsahilal aawaanm jo'eb' li tenamit junch'ol, xb'aan naq xab'alaq'i laaYos ut q'axal chik xarahi ru li xtuminal li maakob'k sa'atqeb' li na'ajej na'isiik wi' li rix li triiw.

Oseas 3:1

Li Qaawa' kixye wi' chik we: “Ayu wi' chik ut chara jun li ixq aj muxul sumlaak, jalan chik winq naxra. Jo'ka'in naq li Qaawa' naxraheb' laj Israel, us ta eb' a'in neke'xik chirixeb' li jalanil yos ut neke'xtzeka li k'uluj yiib'anb'il rik'in chaqi uub', li mayejanb'il chiruheb' li xyoseb'”.

Oseas 2:5

Li xna'eb' kixmux li xyu'am; li ixq li ki'alank reheb' kixsach xloq'al naq kixye: «Tinxik rik'ineb' li neke'rahink we, a'eb' li neke'k'ehok inwa ut wuk'a', jo'wi' linliin ut lintuuxnoq', lin'aseeyt ut linb'iin», chan.

Isaías 28:24

Laj k'alom, ma rajlal kutan tab'i' naxpikle malaj naxmuri li ch'och'?

Jeremías 28:14

Xb'aan naq li Nimajwal Yos, li xYos laj Israel, xye chi jo'ka'in: B'itch'iich' chik xink'e chirix xkuxeb' chixjunileb' li tenamit re naq te'kanaaq chi munil chiru laj Nabukodonosor, li awab'ej re Babilonia. A'atqeb' li k'iche'il xul te'wanq rub'el li xwankil»”.

Jeremías 46:20

Q'axal xchaq'al ru naq xwank Ejiipt, chanchan jun ch'ina ixqi wakax; ab'an xchalk chaq jun li kas sa' xjayal releb'l iq' ut xolhilanq sa' xb'een.

Miqueas 4:13

Xaqlin, at Sión, ut eeqajun sa' xb'eeneb'! Xb'aan naq xyehom li Qaawa': “Laa'in tink'e aakawilal jo' junaq teelom wakax li wank xxukub' ch'iich' ut q'anch'iich' li xxaab'. K'ajo'eb' li tenamit taaputz'i. Toja' naq taamaq' chixjunil li b'ihomal xe'relq'a ut taamayeja chiwu laa'in, li xQaawa' chixjunil li ruuchich'och'.